إبـتسّم لي عُمري يوم أنا لقيتك

بـارت | 6

-
رفـا: سبحان الله ، فجأة طاح!
خـالد: يمه مالك بالتفاصيل ، شفتها وانتهينا
رفـا: متاكد انك تبيها !
خـالد: متأكد ، بس ابوي حطمني
رفـا: خلي ابوك علي ، لكن اعطيني وعد
خـالد: وشو
رفـا: ما تزعل اختك مره ثانية وترجع خـالد اللي نعرفه لحد ما اقنع ابوك بهالموضوع مابي اي نقاشات وهواش!
خـالد: تمام
-•
دخل بيت امه وهو يدور عليها بعيونه
رائـف: السلام عليكم ، يا اهل الدار؟
مشاعل : حّي هالصوت ، وينك يالقطوع
رائـف وهو يقبّل راسها : الشغل الهاني ، كيفك يمه
مشاعل: بخير دامك بخير
رائـف: الحمدلله ، وين البنات؟
مشاعل: بغرفهم ، اناديهم؟
رائـف: لا لا خليك بكلمك بموضوع
مشاعل: وشو
رائـف وهو يستند على الكنب : بكلمك بموضوع
مشاعل : خير ان شاء الله
رائـف: بتزوج
مشاعل وهي مبسوطة بصدمه : على اساس الفكرة شايلها من راسك؟
رائـف: المفروض
مشاعل: مين سعيدة الحظ ، دامك فتحت الموضوع اكيد في وحده
رائـف: اي فيه ، بس البنت يتيمة مالها اهل
مشاعل: ياعمري هي ، ليه وين اهلها؟
رائـف: احكي لك التفاصيل بعدين
مشاعل : كيف عرفتها
رائـف: سالفه طويله
مشاعل: ماعندي مشكلة ولا بدخل بقرارك وبالعكس مستعده اخليها وحده من بناتي بعد ، لكن عندي شرط واحد يا رائـف
رائـف: وشو
مشاعل: ترجع تعيش في البيت هذا
رائـف: مو مشكلة ، انا ما ودي اضايقكم!
مشاعل : مافي اي ضيق تاخذون الدور الثالث كله لكم ، اساسا بعد ما توفى ابوك المرحوم والمكان فاض

رائـف: مافي مشكلة لكن البنات بيتقبلون وجودها!
مشاعل: خلي البنات ، مو لازم يعرفوا
رائـف: يلا أستاذنك
مشاعل : الله معك يا وليدي ، جيبها خلينا نتعرف عليها
رائـف: تعرفونها بعدين ، الليلة رح نجي
مشاعل: خلاص بقول للبنات والخدامة نرتب الجناح
رائـف: يلا مع السلامة
مشاعل: بحفظ الله
-•
ناظرت في غرفتها اللي بالديرة اللي تطل على الجبال الخضراء وبتأمل : وينه الحين وايش يسوي!
التفتت لـ ريـم اللي داخله وشعرها مبلل
أوتـَاد: اشوفك متحمسة
ريـم : مررا ، حتى تدرين انهم استأجروا بمكان قريب من الحي اللي احنا فيه
أوتـَاد: وافقت امي؟
ريـم: طبعا ، بس كالعادة بتروح معي وكذالك بتكون موجودة ام وزان
أوتـَاد: يلا تتهنون
ريـم: من كلامك هذا مارح تجين؟
أوتـَاد: ليه اجي؟
ريـم: تستهبلين ، متحمسه اعرفك على صديقتي!
أوتـَاد: الجايات اكثر ، نفسيتي معدومة وبس بسبب زحمه ليه اجي
ريـم: مو على كيفك ابيك معنا طيب!
أوتـَاد: قلتلك الجايات اكثر والله مالي نفس وبعدين في فـوج معكم!
ريـم: فـوج مارح تجي
أوتـَاد: ليه؟
ريـم: عشان زوجها المصون تعبان
أوتـَاد وهي تضحك : خليها طافه بزوجها
ريـم: وع ، المهم تعالي خير
أوتـَاد: لا مابي اساسا فيني نوم مجرد ما تروحون بنام
ريـم: انتي كل حياتك نووم اطلعي غيري جو شوي مايضر
أوتـَاد: خلاص ريم لا تكثرين كلام قلت لك مابي
ريـم: انتِ الخسرانه بتفوتك رزانتي
أوتـَاد: يلا انقلعي لرزانتك وفكين