إبـتسّم لي عُمري يوم أنا لقيتك

بـارت | 7

في يوم جديد..
اتجهت لاخوها بـارق بكامل قهرها وبزعل
وِصَـال: بـارق
بـارق : سمي
وِصَـال: ابوي تو كلمني
بـارق: سمعك كلام عشان كذا زعلانه ؟
وِصَـال: ليته سمعني ، يقول ارجعي للديرة
بـارق: قصدك القصيم ؟
وِصَـال: ليتها القصيم يبي نروح عند عمي جاسر هناك
بـارق: غريبه ما كلمني ولا قال شي
وِصَـال: هددني وانا اقوله توني متوضفه كيف برجع ما اقدر اطلب اجازة لسا ذا ثاني يوم لي !
بـارق: ما قال لك ليه نرجع مستحيل يصمل لو فيه شي كان كلمني انا
وِصَـال: يقول فيه ان نايف بيتملك ومسوي عزيمة كبيره بالديره وقايل لابوي ان لازم بنتك تجي وانه ناقد كثير
بـارق: غريبة بيتملك من مين!
وِصَـال: ما قال لي ابوي مين ولا يهمني بمين بس ما ابي ارجع
بـارق: خليها علي ، انا اكلمه ولا يهمك انتِ ركزي بشغلك وضروري تهتمين فيه لانك بس خلال شهر ونص بيحددون وضيفتك بهالمستشفى
وِصَـال: تمام
-
سـيـف: هذاني عطيتك العلم يا ام بـارق
نوير : لا شلون بقول للبنت وانت اعطيتهم كلمه وخلاص البنت باقي لها سنه دراسه توها صغيرة
سـيـف: انا اعطيت اخوي كلمة يا نوير عاد كيفك ما تبين تقولين انا ابشرها الحين
نوير: خلاص خلاص والله اعرفك بشارتك خليها علي وناظر لاخوك اللي بيجي هاليله
-
دخلت غرفة ورد بخوف وتوتر ناظرت انها في دورت المياه تاخذ شور وبما انها بدت اجازتها ناظرت حوالين السرير واخذت جوال ورد بخوف وحطته بجيبها ، فتحت دولاب ورد وجلست تنظر في فساتين ورد وهنا طلعت ورد
ورد : ماما؟ وش تسوين هنا؟
نوير : ادورلك فستان تلبسينه اليوم
ورد : ليه في شي اليوم؟ ليه ما قلتي لي ؟
نوير : عمانك
ورد : اي ، ما يحتاج تدورين لان من الاساس مارح اروح
نوير وعيونها على الدولاب وطلعت فستان احمر: بس العزيمة ببيتنا لذالك امسكي الفستان هذا وجهزي نفسك

اخذت الفستان بعدم مبالاة وبدت تنشف شعرها اما امها طلعت وهي مقهوره على بنتها لكن هذا شي غصب عنها ، تذكرت بنتها رونـق وتفاصيل زواجها اللي كان بالاجبار من ابوها والحين ورد وهي عارفة ان لو جت وِصَـال مارح يمرر الموضوع هذا على خير ولا رح يسمح لها بالرجعة.
-
عدلت جلستها وهي تنظر لـ رائـف اللي نايم على الكنبة طق باب الجناح والتفتت بتركيز
جميلة: جـنـان موجودة ؟
جـنـان وهي تفت الباب : بغيتي شي؟
جميلة: فاضيه ؟
جـنـان: اي فاضيه
جميلة: تعالي مسويه جلسة بالخارج انا وجوانا وش رايك تشاركيننا
جـنـان: والله تعبانة
ناظرت جميلة بالصدفة على اخوها اللي نايم على الكنبة: فيك شي!
ادركت جـنـان انها جابت العيد : لا لا بس رائـف شوي تعبان ما ودي اتركه بهالحالة
جميلة: براحتك
-
دخل عند وِصَـال اللي تتجهز بعد دوامها
بـارق : وِصَـال
وِصَـال: هلا
بـارق: كلمت ابوي ، والواضح انه صامل
وِصَـال: ليه صامل ، دايم انت الوحيد الي قادر تسيطر عليه
بـارق : بس ما اقدر على عمي جـاسـر كلنا نعرف هالشيء!
وِصَـال: اف ، اجهز شنطتي يعني!
بـارق: جهزيها حق يومين وخلاص
وِصَـال: يعني مارح نجلس كثير
بـارق: اي ، والغياب عن الدوام غيبي وانا اصرف لك عذر