فلتسميه جنون عاشق لا يريد سوى ضحكة منك

الـبـارت الـسـادس

فتح الباب و نزل و هو يغني و لف على الصالة و انتبه لتركي اللي جالس فيها و قاله : وين امك ؟
ناظره تركي : شفها فالمطبخ
و تقدم و شافها واقفه فالمطبخ و راح لها يبوس خدها : بروح انا لبيتنا
لفت عليه بحزن : تعودت عليك
حاوط خصرها : عشان مرهف و بعدين كلها يومين و راجع لك
مسكت ازارير ثوبه : طمني عليك كل شوي و لا تطول
ابتسم : مثل ما قلت يومين و راجع اصلا انا ما اقدر بدونك
هزت راسها و ناظر لملامحها الحزينه و مسك دقنها يرفعه يبوس طرف ثغرها : لا تزعلين والله واجع
حطت يدها على ظهره تحضنه : بشتاق لك
شد عليها : اصلا ياويلك لو ما اشتقتي
ابتسمت تبعد عنه وهو بعد و راح يبوس خد تركي و طلع يركب سيارته متوجه للمطار و من بعد زحمة الرياض و الطريق الطويل وصل و نزل ينتظره و من طلع مرهف تقدم له مقرن : اهلا
مشى و حضنوا بعض و مشوا للسيارة و لف مقرن على مرهف : شالاخبار
مرهف : ابشرك باحسن حال انت شخبارك
مقرن : باحسن حال بس مسوي مصيبة
عكر حواجبه مرهف : وش مسوي ؟
مقرن : رجعت نجد
ناظره مرهف بصدمة : ايش
مقرن : والله و امي ما تدري
ضحك مرهف : والله وسويتها بالله الف مبروك
ناظره مقرن مرهف بخوف : تحسه عادي
مرهف : انت تحبها و هي تحبك وش يمنع
مقرن : امي
مرهف : بعدين قولها الحين انت عيش و بعدين قولها
مقرن : ايه هذا اللي ماشي عليه
مرهف : زين والله الله يوفقك و يسعدك و ان شاء الله هالمره تكون زواجة الدهر
ابتسم مقرن :يارب
وصلوا للبيت و نزلوا و دخل مرهف للصالة و شافهم و سلم عليهم وجلسوا و قال : اخبارك يما
سعاد : الحمدلله باحسن حال الحمدلله ان هالمره رجعت بسرعة
ابتسم : الحمدلله و ناظر لخواته : اخباركم
العنود : انا بخير انت كيفك
مرهف : الحمدلله
ريم : وانا بخير بعد
مرهف : الحمدلله
و جلس معهم يسولفون و يحكون ثم راح لغرفته و لف من انطق الباب و دخلت العنود : عادي ادخل ؟
ابتسم : تعالي و خدي العلم اللي تبينها
دخلت و سكرت الباب و جلست على سريره : كيف زوجة اخوي
ابتسم :  بخير و باحسن حال
العنود : كيف كان الوداع
ابتسم : اعترف لها بحبي
ضحكت العنود : تمزح
مرهف : والله
العنود : وش ردة فعلها
مرهف : استحت ماعرفت ترد بس انا اعرف انها تبادلني الشعور
العنود : والله انت واثق من نفسك مرا
مرهف : بلاك ما شفتي عيونها تحكي عن المحبة
العنود : حمستني اشوفها حسبي الله
ابتسم : بتشوفينها باذن ربي بتشوفينها
ابتسمت العنود و هو كمل : و انتم اخباركم
و بدات العنود تحكي له وش صار بهذا الاسبوع

-

جالسين كلهم بالصالة و متوسطتهم عربية متعب و قال مشعل : شلون طحت انت ؟
ناظر لابوه : كنت امشي و ما انتبهت للدرج و طحت
مشعل : وين كنت فيه ؟
متعب : كنت طالع مشوار مع واحد من زملائي
مشعل : و تقابل زميلتك كل يوم في حديقة الحيوانات لا يكون زميلك اسد
بلع ريقه متعب و قال مشعل : ترا انا ادري انك تشتغل في حديقة الحيوان و ترا واضح
متعب : لا تقول تقول من ريحتي
مشعل : هذا احد الاسباب و سكتوا شوي ثم كمل مشعل : انا مستحيل امنعك من شيء تحبه بس ليه ما علمتني
متعب : خفت ترفض
مشعل : و اذا رفضت من اول مرا ماراح اجلس طول عمري رافض كان حاولت وجيت و كلمتني
نزل راسه متعب : اعتذر
مشعل : ارفع راسك عيال مشعل ما ينزلون رووسهم ارفعه
رفع راسه متعب و قال : عبدالعزيز بوس راس ابوي انا ما اقدر
ابتسم عبدالعزيز و باس راس مشعل : هذي وحدك عني و وحدة عن ذا البزر
ابتسم مشعل : الله يرفع قدركم يارب
و دق جوال متعب و رد : هلا رائد
رائد : سلامات يا المنكسر وراك ما علمتنا
متعب : ابشركم يعني
ضحك رائد : لا مو كذا بس علمنا
متعب : عاد والله هذا اللي صار
رائد : المهم اطلع الحين باخذك انت و مرهف نتمشى
متعب : يالله الحين طالع
سكر منه و صرخ متعب : جوسي
جت جوسي : yes baba
متعب : وديني برا
مسكت جوسي العربية و طلعته للشارع و شاف مرهف متعب : وش فيك انت ؟
متعب : مالت عليك قال ايش قال جار و انت ما تدري عن جارك
ضحك مرهف : وش دراني انا ؟
متعب : المهم ساعدني
مشى مرهف يساعد متعب و ركبه السيارة و ركب و قال متعب : وين بتودينا ؟
رائد : نتقهوى و نرجع
هزو راسهم و مشى رائد فيهم و من وصلوا نزلوا و ساعدوا متعب ينزل و دخلوا الكوفي و جلسوا و قام رائد يطلب لهم و انتظر و من جهزت القهاوي  اخذها و جلس و ناظروا لمرهف و قال متعب : كيف امستردام ؟
تنهد : تهبل بكل تفاصيلها
رائد : اعترف انت منوخذ قلبك من وحدة هناك
ضحك متعب : منجد اعترف مين الهولندية اللي ماخذه قلبك
تنهد بتذكر : والله سعودية مو هولندية
ضحك متعب : حركات زاد انا اقول روحاتك لها مو طبيعية
شرب قهوته و ناظرهم : والله انا قلبي تركته بامستردام
متعب : انطق لا اكب عليك القهوة
ضحك مرهف : بحكي لكم و تنحنح : كانت ليلة مطر و كنت راكب مظلة و طاير بالجو و فجاة بسبة الهواء طحت في بيتها
ضحك متعب : اوف مسلسل ذا
مرهف : والله هذا اللي صار
رائد : اجل الولد حبيب
مرهف : عاشق والله اعيش معها احلى ايام
رائد : تزوجها
مرهف : والله ودي بس هي عندها مشاكل نحلها باذن ربي و ترجع
ضحك متعب : ركز مو تحلها نحلها
رائد : والله و صار يجمع مع وحدة
مرهف : خلاص لقيتها
متعب : و تغني لها مذهله
مسك قلبه : لقيتها المذهله و المختلفة
رائد : الله يجمعكم بالحلال
رفع يده : يارب