فلتسميه جنون عاشق لا يريد سوى ضحكة منك

البارت السادس عشر

جالسه في مكتبها تشتغل و لفت من دق جوالها و كشرت تشوف اسمه بالشاشه خيبتها و تنهدت و حطت جوالها من جديد و لكن رن من جديد و ابتسمت ترد : هلا حبيبي
ابتسم : فالدوام ؟
سكرت الملف اللي قدامها : ايه فالدوام
فتح سيارته : و سيارتك معك
هزت راسها بالنفي : لا قلت لك بالورشة
ابتسم : طيب يا قلبي تجهزي بنجي نمرك انا و العيال و نروح نتغدا
ابتسمت : انتظرك و سكرت منه و رجعت لشغلها و بعد ساعة دق جوالها و ردت : هلا عيوني
ابتسم : يالله اطلعي
قامت من مكانها : يالله جايه و سكرت منه تطلع من المكتب و نزلت و شافته بالسيارة و معه عيالهم و ابتسمت تركب قدام و لف عليها : اهلا بام تركي تو ما نورت السيارة
ابتسمت له : منوره باهلها  و مشى مقرن و لفت على عيالها: اخبار الحلوين ؟
قرب تركي لها :ماما اليوم رحنا مع مس لولو رحلة لحديقة الحيوان
نجد بتمثيل للصدمة : صدق و وش سويتوا هناك ؟
تركي : شفت حوت و سمك و غوريلا و قرود ضحكوني مرا يا ماما و سكت شوي يتذكر ثم كمل : وشفنا تمساح و الزواحف و دنق لهم بحماس : و شفنا عمو متعب و خلانا نلمس الحيوانات الزرافات و الفيلة و النمور و ضحك : و شفنا بابا
ضحك مقرن : الله يستر أي حيوان تشبهتني فيه
تركي بحماس : الأسد بابا الأسد مرا يشبهك مرا قوي
ابتسم مقرن و حضن تركي راس مقرن : بابا انت مرا قوي نفس سوبر مان و ايرون مان
ابتسم مقرن: انا قوي ؟
هز راسه تركي و ناظرتهم نجد بانتباه و هي تعشق هذي اللحظات الدافئة و ناظرت لترف اللي تصيح و راح لها تركي : يا طفلة ازعجتينا
ضحكوا و قال مقرن : يالله وصلنا الحين نشوف وش فيها هالنتفه
وقف مقرن عند المطعم و قفل السيارة و نزلت نجد من السيارة و فتحت الباب الخلفي و ابتسمت : وشفيها ماما زعلانة ؟
ناظرتها ترف و هي تصيح و شالتها نجد من مقعدها : وشفيها أمي تصيح؟
سكتت ترف و أبتسمت نجد و ضحك مقرن : بنت امها
ابتسمت نجد  و طلع مقرن عربية ترف و اخذ ترف من نجد يركبها و مشوا يدخلوا للمطعم كلهم مع بعض قال مقرن للموظف : ابي طاولة لثلاث اشخاص و طفلة
هز راسه الموظف : تفضلوا مشى و مشوا خلفه و لف عليهم : تبون عند الشباك ؟
هز راسه مقرن : ياليت
هز راسه الموظف و جهز لهم الطاولة و من خلصت ناظرهم : تفضلوا
ابتسم مقرن له : يعطيك العافية
الموظف : الله يعافيك
راح الموظف و جلسوا على الطاولة و طلع جواله : ها يا عيال وشنبون تاكلون ؟
نجد بمحارش : بس عيالك اللي تسألهم ؟
مسك يدها يبوس كفها : وانتِ اول عيالي بنتي البكر
الجمها بالرد و توردت ملامحها بخجل و ضحك تركي : انت تحب ماما كثير عيب قدام الناس
مقرن : والله يا ابوك انا ما استحي احب امك بكل مكان و زمان
استحت نجد و ناظرها: ها وش تبين تاكلين يا اول عناقيد البنات من بناتي
ابتسمت و فتحت تختار اكل من الأكلات الموجودة و بدو يختارون مع بعض و من خلصوا اختبارات ناطر مقرن للموظف و ناداه و بدا يطلب و ابتسم يناظرها من خلصوا و تكت بيدها على الطاولة تناظره بابتسامه و قال : انتِ حلوة
ابتسمت و ظهرت صف اسنانها و قالت بهدوء : ردي لك زي ما قالت انغام باغنيتها انا لو حلوة حلوة عسان وياك انت تحليني يا مقرن
ابتسم و مسك يدها : ربي لا يحرمني من هالوجه اللي احبه
شدت على يده و لا يحرمني منك يارب
جاء الاكل و بدو ياكلون و قرب مقرن كرسي تركي و بدأ يزين له الأكل و قربت نجد عربية ترف و بدات تأكلها
كانوا بلحظات حنونة كل واحد يحط الاكل للثاني كانوا مقرن و نجد حريصين على اطفالهم و على بعض و قدم مقرن الاكل لنجد بعد ما قطعه لها لانه كان يشوفها مشغولة بترف و ابتسمت هي تنتبه لهالتفاصيل المهمة لها تشوفه كيف يساعدها و يساندها و تركي اللي كان يناظر مطبخ المطعم بحماس يشوف النار و طريقة الطبخ و كان بلحظات حماسية بالنسبه له و كملوا اكل و من خلصوا قاموا كلهم مع بعض بعد ما حاسب مقرن و طلعوا يركبون السيارة متوجهين لبيتهم و رجعوا للبيت و نزلوا مع بعض و فتح الباب مقرن و رجع ياخذ الاغراض و دخلت نجد و معها عيالها و دخل مقرن وراهم و معه شنطة ترف و دخلوا للبيت و قال تركي : ماما بروح أبدل
نجد : زين شوف ملابسك على السرير
هز راسه تركي و علقت نجد عبابتها و ابتسم مقرن يشوف ترف اللي تلعب و آبتسم من حس فيها تحضنه من الخلف و لف عليها و باست خده : مرا شكرا على الطلعة صدق غيرت جوي كنت تعبانه
ابتسم يحاوط خصرها : ابد تبشرين بها مرا ثانية بأي وقت بس بدون الصغار انا و حبيبتي و بس
هزت راسها بابتسامه و ناظرته لثواني و قالت : بروح اشوف تركي
هز راسه و راحت ترقى فوق و جلس هو على الكنبة و لف على الباب من رن و قام من مكانه و فتح الباب و شافه رجال و عكر حواجبه : تفضل
ناظره الرجال من فوق لتحت : هذا مو بيت نجد
ناظره مقرن : ايه مين انت ؟
ابتسم الرجال بسخريه و دخل بدون ما يرد و صرخ مقرن : وين داخل انت
ما رد الرجال و صرخ الرجال : نجد
مسكه مقرن من ياقته : مين انت ؟
نزلت نجد من سمعت الصراخ تحت و شافته امامها من بعد ٣ سنوات و شعورها الحين يمليها الخيبة و ناظرته من فوق لتحت : وش تبي يا عمار ؟
ترك مقرن ياقة عمار و وقف يناظرها ينتظرها تكمل و رد عامر : ليه ما تردين على اتصالاتي ؟
نزلت من الدرج تتساوى بالارض : عطني سبب عشان ارد عليك
صرخ عمار : المفروض بدون اسباب تردين
صرخت : ليه ؟ ليه ارد ؟ ارد علشان تخيب املي فيك نفس كل مره ؟ و صرخت اكثر : ليش ارد جاوبني ؟
عمار : ابي فلوس
ضحكت نجد بسخرية من بجاحته : و المفروض مني اقولك ابشر ؟
عمار : ايه
صرخت : وجع يوجعك انا كنت اراكض وراك ادور ريال مالقيت منك و طردتني قدام عيالك و لا سألت و لمًا كنت بدار الايتام بعد وفاة اهلنا وين كنت انت كنت تسرح و تمرح
عمار : انا ماني ملزوم فيك
نجد : و لا انا ملزومة
صرخ : الا انا اخوك الكبير 
ناطر مقرن انهيار نجد و صرخ : اطلع برا
ناطره عمار : و مين انت ؟ خويها ؟ صديقها ؟ وش انت ؟
قرب مقرن بعصبية : زوجتي اشرف منك فاهم وانا عارفها
عمار بصدمة : تزوجتي ؟ كيف ؟
نجد : عمك اللي زوجني لا تتوقع اني بنتظرك بشيء نهائيا
شافها مقرن انها على وشك انها تنهار و قرب منها يشد على يدها يقويها و شدت عليه هي ياكلها التوتر لانه امامه بخوفها و يذكرها بايام احتياجها له و قال عمار : تتعزوين بزوجك ؟
نجد بثقة بانه واقف جنبها و يساندها : ايه اتعزوى فيه لانه سند و ظهر مو انت اخ على الفاضي
ناظرها : يعني اخر كلام ماراح تعطيني شيء
هزت راسها بالنفي و مشى عمار يطلع و سكر الباب بقوة و لفت عليه تحضنه و بكت : ما اكيد مقرن يوترني اكرهه
شد عليها يحضنها : خلاص يا ماما راح
بعدت عنه تناظره : اسفه اني ما كلمتك عنه
هز راسها : الحين بتفهميني بس وين تركي ؟
نجد : نايم
هز راسه و راحوا للصالة و شافوا ترف اللي غفت و جلسوا على الكنب و مسكت يده تناظره : مقرن
ناظرها : سمي
اخذت نفس و قالت : انا عندي اخ اكبر مني بعشر سنين و اخوي من ابوي يعني شقيق  و ما اعرف عنه و لا شيء و قد زارني ولا مره وانا بدار الايتام و كنت اكلمه و اطلبه انه بس يجي يشوفني و كان يرفض و من بعد ما تخرجت من الجامعة رحت و كلمته يساعدني على الوظيفة و سكر الباب بوجهي و كنت دايم اكلمه ادوره ابيه يكون معي لكن كان يصد و جيته قبل ثلاث سنوات لاني كنت مكسورة و احتاجه حولي  و بكت تكمل : و الحين جايني بكل برود يبي فلوس حتى ما قال شلونك يا نجد ؟ وش الدنيا بك يا نجد ؟
ما قال ما قال
تنهد مقرن يشوف انهيارها قدامه لأول مره يشوفها كذا هي طول عمره يشوفها اقوى انسانه عرفها و رفع يده يحضنها له و باس راسها : عدى يا خفوقي عدى
ناظرته من تحت : اسفه اني خبيت عليك
ابتسم : عادي يا خلفهم عادي
ابتسمت و حضنته و قال : بس ترا لو جاء مرا ثانيه بضربه و ماراح افكر انه اخوك
هزت راسها و ناظرته : مقرن
ابتسم : خفوق مقرن
نجد : انت عوض ربي لي و سندي و مدري كيف اجازيك بالمحبة اللي معطيني اياها ؟
مقرن : قولي مقرن احبك و كذا يكفيني
ابتسمت : مقرن أعشقك
ابتسم و حضنها له : افا يزعلون خفوقي و حبيبة قلبي
همست : ما ازعل و حبيبي حولي
باس راسها و هو ضايق على الحال اللي كانت فيه و اكله الندم لانه تركها عشان امها و لحالها لحالها تواجهها اشياء تزعلها