"သခင်ထွန်းအုပ်...သခင်ထွန်းအုပ်"
ရေးကြီးသုတ်ပြာဝင်လာသော ရဲဘော်လေးအသံကြောင့် ဦးထွန်းအုပ်ရေးလက်စ မှတ်တမ်းအားပိတ်လိုက်သည်။
"အေး လှမောင် ငါအခုနကလေးတင်ပဲ ရေဒိီယိုနားထောင်နေတာ မဟာမိတ်တွေက အိုကီနာဝါကို အုပ်မိသွားပြီ ..."
"ဟုတ်ပါတယ်ခင်ဗျ အဲ့ဒီကိစ္စပဲ ဆရာရန်နောင်ကမသိသေးဘူးထင်ပြီးသတင်းပို့ခိုင်းလိုက်တာပါ"
သခင်ထွန်းအုပ်က သူ၏စာကြည့်မျက်မှန်အဝိုင်းလေးအားချွတ်လိုက်ပြီး မှတ်တမ်းဖိုင်တွဲပေါ်အသာတင်လိုက်သည်။ ထို့နောက်စာကြည့်စားပွဲအံဆွဲထဲမှ ဝက်သစ်ချသားဖြင့်ပြုလုပ်ထားသော သေတ္တာလေးအားဖွင့်လိုက်ပြီး ထိုအထဲမှ နာမည်ကျော် Kay Woodie တံဆိပ်ဆေးတံအား ဆေးတစ်ဖုံစာထည့်ကာ Sailor တံဆိပ်မီးခြစ်ဆံဖြင့်မီးညှိလျက် အရသာခံကာရှိုက်ဖွာလိုက်သည်။
" အင်း... ရန်ကုန်မှာကလည်း ယူနီဖောင်းနဲ့ရောတစ်ဖုံ အရပ်ဝတ်နဲ့ရောတစ်မျိုး ဟိုရောင် ဒီရောင်တွေကလည်းအတော်ပေါများလာတာ "
"ဟုတ်တယ်ဆရာ အဲ့ဒါတွေပဲသတိထားနေရတာ ဟိုတစ်နေ့ကလည်း မြူနီစီပယ်လူကြီး ဦးအောင်ချစ်အိမ်ကို ပုလိပ်ဝတ်စုံတွေနဲ့ ဓါးပြဝင်တိုက်သွားလေရဲ့"
"ဟေ.. ကောင်းရော ဟားဟား ... အခုအချိန်က အားလုံး အုတ်ရောရောကျောက်ရောရော ဖြစ်ချင်ရာဖြစ် အာရုံမစိုက်နိုင်ဘူးကွ "
ရဲဘော်လှမောင်က ခေါင်းငြိမ့်ထောက်ခံရင်း Camel တံဆိပ်စီးကရက်အားထုတ်ကာမီးညှိရန်ပြင်လိုက်၏။ သို့သော် ဦးထွန်းအုပ်က
"ကုလားအုတ်သောက်မလို့လား... ရော့ရော့မသောက်နဲ့ ဂိုးလ်ဖလိတ်ခ် သောက် (Gold Flake ) ပျားရည်နံ့လေးနဲ့ ငါကစီးကရက်သိပ်မကြိုက်လို့"
ဟုဆိုကာ အဝါရောင်စက္ကူပတ်နှင့်ပတ်ထားသောသံဗူးလေးအားကမ်းပေးလိုက်လေရာလှမောင်လည်း ဝမ်းသာအားရဖြင့်ရိုသေစွာကမ်းယူပြီး စီးကရက်တစ်လိပ်အားထုတ်ယူ၍ မီးညှိလိုက်လေ၏။
"ကဲရော့ ... ဒီစာ ဗိုလ်မြဲနဲ့ဖိုးမှန်ကိုပေးလိုက် "
အညိုရောင်စာအိတ်လေးတစ်အိတ်နှင့်အဖြူရောင်စာအိတ်လေးတစ်အိတ်အား လှမောင်ထံကမ်းပေးလိုက်သည်။
YOU ARE READING
"The Call Of Sakura"
Mystery / Thrillerငါအခုရေးနေတဲ့ဆေးတွေက ငါ့နှလုံးသွေးနဲ့စပ်ထားတာလို့ အမြဲကြွေးကြော်နေတတ်တဲ့ ... အနုပညာတန်ဖိုးကို ငွေနဲ့လာပေါက်ရင် လီးပဲရမယ်ဆိုတဲ့ ပန်းချီဆရာ "သွေးဆက်" အနုပညာဆိုတာ ပြယုဂ်တစ်ခု...ခံယူချက်ထက် လုပ်ဆောင်ပြနိုင်မှုက ပိုအရေးကြီးတယ်လို့ခံယူထားတဲ့ ဂျပန်နိုင...
