كيف أتوبك يأجمل ذنوبي وأوقف عند حدي وأنت ذنبٍ لا غفره الله ولا لي عنه توبه

البارت الثاني عشر

-
~بعد مرور 4 شهور بدون آي أحداث تستحق السرد
~حائل
بيت أهل مُلهم
الكل فرحان لان بكره طلعة مُلهم
ومبسوطين ويعلقون الأنوار على البيت
ويعزمون الناس على عشاء خروج مُلهم
والكل فرحان بهالشي
دخل ثامر بيته وهو مستانس اكثر منهم
وشاف اثير بالمطبخ وتسوي حلا
ومبسوطه انها تسوي الحلا اللي يحبه مُلهم
ومبسوطه برجعته ومبسوطه انه راح يشوف التغيير
اللي صار فيها من يوم دخل ثامر بحياتها
دخل وشافها لابسه فستان رمادي
بأكمام طويله وكان شتوي وفاتحه شعرها
ولامته من قدام ولابسه مريلة طبخ بيضاء
وفيها قلوب حمرا تقدم وحضنها من ورا
وفزّت بخوف وقالت بعصبية وضحك: ثاامرر
وقف عن تخويفي
ثامر ضحك وباس خدها: خلاص اسف وش تسوين؟
اثير بحماس: حلا لمُلهمي
ثامر :الله الله مُلهمتس اجل
اثير: طبعًا مُلهمي وحبيبي
ثامر رفع حاجبه : هيييه ترا بنتهاوش
اثير مسكت قطعه من الحلا: اسكتي عني وذوق وعطني رأيك
ثامر تقدم لها وفتح فمه: ذوقيني
اثير: وانت ماعندك يد؟
ثامر اخذها من يدها واكلها: ماتستحي على وجهها ولا تعرف تدلعني
اثير: بعد عني لو سمحت ماني فاضيه
خلاص المره الجايه أنا اعطيك
ثامر: اوكي ننتظر
اثير: متى بتروح تجيب مُلهم؟
ثامر: بكره العصر ان شاءالله بروح من الصبح نخلص الإجراءات واطلعه
اثير: زين روح نام دامك بتصحى من الصبح وبتروح
ثامر فتح جواله وشاف الساعة تشيرل لـ 11 مساءً:اي والله بروح يلا انتبهي لنفستس ونامي بدري
اثير: اي بخلص الحلا وبرتب البيت
ويمكن اطلع اشوف امي وارجع
ثامر: زين انتبهي
اثير: ابشر ،تصبح على خير
ثامر ابتسم وتقدم وباس خدها: وانتِ من أهلي يأهلي
ردت له الابتسامة وراح ينام وهي
تكمل حلاها بكل فرحة...
-
~جده
كانت تعيش أيامها بثقل وتحسب
الأيام بخروج مُلهمنا
فتحت صفحات كتابها الصغير
تكتب رسائل لهُ
-
وَاللَه ما طَلَعَت شَمسٌ وَلا غَرُبَت
إِلّا وَحُبُّكَ مَقرونٌ بِأَنفاسي
وَلا جَلستُ إِلى قَومٍ أُحَدِّثُهُم
إِلّا وَأَنتَ حَديثي بَينَ جُلّاسي
وَلا ذَكَرتُكَ مَحزوناً وَلا فَرِحاً
إِلّا وَأَنت بِقَلبي بَينَ وِسواسي
وَلا هَمَمتُ بِشُربِ الماءِ مِن عَطَشٍ
إِلّا رَأَيتُ خَيالاً مِنكَ في الكَأسِ
وَلَو قَدَرتُ عَلى الإِتيانِ جِئتُكُم
سَعياً عَلى الوَجهِ أَو مَشياً عَلى الرَأسِ
وَيا فَتى الحَيِّ إِن غَنّيتَ لي طَرَباً
فَغَنّنّي واسِفاً مِن قَلبِكَ القاسي
مالي وَلَلناسِ كَم يَلحونَني سَفَهاً
ديني لِنَفسي وَدينُ الناسِ لِلناسِ
-
أنتهت كتابة وسكرت كتابها وكالعادة
فزّت على صوت المطر
وكأنها بشارة لها وغسيل لكل زعلها وهمها
ابتسمت وهي تنتظر خبر خروجه
وتزيد فرحة المطر وخروج مُلهم
وقفت عند البلكونة وصارت تتأمل المطر القوي عليهم ولا قدرت تطلع من قوته
التفت على إتصال جوالها
وشافتها اثير استغربت صاحيه هالوقت
ردت على طول: هلا هلا باللي وحشتني يختي فينك من فترة منقطعه
اثير ضحكت : ياقلبي ياوتيني والله انتي اللي وحشتيني واشتقت لتس ابد والله شغل وتعب والحين جالسه عند بيسان ووهَج
وتين: غريبه صاحيه هالوقت ايش عندكم؟
فتحت سبيكر اثير وصاروا يكلموها كلهم وتكلمت وهَج: ماتدرين مُلهمي بيطلع بكره ومبسوطيييين من قوة الفرحة مو قادرين ننام وضبطنا كل شي وبكره فيه عندنا عشاء تكفين تعالوا
وتين شهقت من الفرحة وكتمتها ودكعت عيونها من الفرحة قبل شوي كانت تتمنى امنية بس انه يطلع وتفرح بالخبر والحين يبشرونها بطلوعه مشاعرها تلخبطت ماتدري ايش تقول او ايش تسوي وقفت وصارت تنقز على السرير بفرح انسدحت وتنهدت براحة: ماشاءالله مبببروك الله يفرح عيونكم بشوفته
بيسان :حياتي وتين امين يارب، طيب بتجون بكره؟
وتين: والله مدري بشوف بقول لبابا او عزام ونجي
وهَج:وامي بتكلم امتس اول ماتصحى بس لاازززمم تجون
وتين: ان شاءالله,يلا عاد بضطر اودعكم ورأي مليون شغله ولازم اصحى من الصبح
اثير: مع السلامة يعيني انتي
وتين ابتسمت بحب : باي حبيباتي
سكرت الجوال ونزلت على السرير ووقفت وصارت تنقز على السرير بفرحه ماهي قادره تخبيها ونزلت وطلعت بالبلكونة وسمحت للمطر القوي يبللها ضحكت بقوه ضحكة الفرح والسعادة والهم اللي انشال عن قلبها فزّت علو صوت عزام من تحت والتفت له: ادخليييي لا تمرضين علينااا
ضحكت بقوه: مو اختك اللي تمرض اسم الله عليي من غير شر ، بس تكفى ياابو البراء طلبتك
ضحك عزام: وش فيك صايره تتكلمين زي الشمال طلبتك وتكفى لكن امري وش بغيتي والله مااردك
وتين: شسوي عندي صديقاتي من حايل ولا تبيني اتأثر المهم بنروح لهم بكره جعلني طالبتك
عزام أشر على عيونه: تم من ذي قبل ذي بس وش المناسبة؟
وتين: اخوهم طالع من السجن ومسوين حفله وعشاء وعزموني وامهم بتعزم امي بكره بس قلت اقول لك بدري ترا بتودينا
عزام: ماشاءالله مُلهم طلع ابد ابشري وكلنا بنروح مو بس انتي
وتين: كفففووو جعلك تشيل البراء بيّن يديك
عزام بهاللحظة سرح وطرت بباله عيونها والشامة القريبه منهم ابتسم وعيونه مرسومه رسم بخياله وتنهد بحب:امين امين
-
صباح الخير وصباح كل ماهو حلو بالدنيا صباح الرضا والفرح الدايم صباح الخير من بيت اهل مُلهم اللي يعج بالتجهيزات والفرح والبخور والفساتين وريحة الاستشوار وتجهيزات الحلا وخلصوا كل شي وجلسوا كلهم بالصالة بس ينتظرون ثامر يعطيهم خبر ويدخل عليهم هو ومُلهم بعد نص ساعة من الانتظار فتح الباب وكلهم فزّوا وشافوا مُلهم داخل وثامر واقف برا عشان البنات ياخذون راحتهم دخل عليهم وشافوا بثوبه اللي راح من عندهم فيه شماغه على كتفه ووجهه المهلوك وتعبان جدًا وهالاته اللي طاغيه على وجهه ابتسم بخفه وهو يشوف خواته وامه واقفين قدامه ابتسم وركض وحضن امه ويستنشق ريحتها وبادلته الحضن ببكي وبوس وتلمسه وكأنه شي مو حقيقي طول بحضنها ونزل وباس رجليها وكانت الدمعه بعينه ولكن مانزلت تههون دموعه وهو قدام اهله تهون وكثير شافهم واقفين ورا امه وابتسم لهم :ماراح تجون تسلمون علي ؟
ركضوا كلهم وارتموا بحضنه وسمحوا لدموعهم تنزل بحضن مُلهمهم وشدوا على حضنه وطول بالحضن ولا تركوه وكل شوي وحده تشد عليه وضحك: شكلكم ماراح تتركوني
بيسان ببكي: طبعًا ماراح نتركك ماصدقنا على الله تطلع ونشوفك آهخخ بالايام بدون يامُلهمي
نزل وباس رأسها:اكثر وحده اشتقت لها انتي واشتقت لنطقتس لااسمي
وهَج بزعل: اها وحنا يعني مااشتقت لنا؟
ضحك بقوه: كلكم اشتقت لكم وربي كل مافيكم اشتقت له وكل شي فيكم تخيلته
بعدوا عنه وجلس بينهم وكلهم جلسوا حوله وصاروا يسولفون معه ويعطونه مويا وقهوة التفت لبيسان: تدرين وش ودي به؟
بيسان: امر بس
مُلهم: شاهي من تحت يدينك
وقفت على طول: ابشر يعين بيسان ابشر
ابتسم لها وراحت تسوي له
التفت لاامه: اخباركم وشلونكم من بعدي
امه بدموع: والله الحمدلله ثامر ماقصر مايصير شي نبيه الا ويجيبه
مُلهم التفت لااثير: الا صح شلونتس انتي وثامر؟
اثير ابتسمت بخجل: الحمدلله كل شي تمام ومبسوطين
مُلهم: الله يديمها يارب
وقف من بينهم: يمه بروح فوق اتروش واغير وخلي بيسان تحط الشاهي بالغرفه بشرب وانام تعرفين لي 5 شهور مانمت نومة زي الناس ودي انام يوم كامل بس بنام للعشاء وصحوني عشان العشاء
امه: زين ياوليدي روح الله يوفقك وييسر دربك ويستر عليك دنيا واخره
تقدم وبأس راسها:امين يانظر عيني
مشى من بينهم وطلع غرفته وصار يستنشق ريحتها وكل تفاصيلها اشتاق لكل مكان فيها ولسريره ولفراشه وملابسه وكل شي وله فترة طوييييله مانام بكُل ارياحيه
-
~ حائل
صحى من النوم ولبس ثوب قديم وطلع شماغ قديم ولبسه وسوا لثمه نزل وشاف اهله كلهم بالمطبخ وأصواتهم عاليه وعرف انهم مشغولين طلع على طول وراح لبيت ثامر واثير ودق الباب بتكرار وهو مستعجل وطلع له ثامر: بسم الله شفيك شفيك؟
مُلهم سحبه وطلعوا برا البيت تحت صدمة ثامر: مُلهم شفيييك شصاير؟
مُلهم :مسسستعججللل ابي اروح الحلاق ماتشوف وجهي كله شعر ابي احلق وابي واتنظف احس اني مهما تروشت ماراح انظف دامني ماحلقت بسرعه عشان برجع اتروش
ثامر : يعني ماتقدر تروح لحالك؟
مُلهم: ياكرهك اي والله مدري كيف اختي قبلت فيك الله يعينها امش معي وانت ساكت بالله عليك
ثامر وقف بعناد: هييييي لا تخلينا نتهاوش بلا قلة ادب يكفي انك ساحبني من بيتي وجايبني معك للحلاق وانا مالي دخل فيك
مُلهم تنهد بتعب وسحبه: ياليت فهد عني اهخخ ياعين عيني يافهد مو مثلك مالت على هالوجهه امش وانت ساد حلقك
ضحك ثامر ومشوا ووصلوا عند الحلاق ودخل عنده وبعد ماسلم عليه وجلس وقال له يحلق اللحيه ويخلس الشارب بس ويحدد شعره
-
~المغرب
على طريق حائل جايين لحائل للعشاء ولخاطر مُلهم ووتين الأرض قليل جدًا وضيقه بحجم فرحتها ماصار يوسعها المكان ابد تحس قلبها طار ولا هو بيديها وتتأمل الطريق والصحراء وحفظت الخطاوي حفظ من الفرحة وتنتظر لحظة الوصول
-
رجع لبيتهم وهو انسان ثاني جدًا دخل وشاف بيسان ووهَج قدامه وشهقوا مع بعض وضحك: شفيكم؟
وقفت وهَج جنبه بأعجاب : ووواااوووو وش ذذااا صرت تجنننن صرت مره صغيرررر ولا كأنك كبر جدي ماشاءالله
ضحك على كلامها وجت بيسان: وهي صادقه وش ذا مُلهم صاير تموووتتتتت اوففف وربي احسد نفسي لانك اخوي
طقت يده وغمزت : ياحظ البنات لو شافوا هالجمال والله بتوقف قلوبهم
ضحك وحضنهم: ياربي اعشققق مدحكم اعشقققهه
وهَج: بس مدحنا؟
بيسان : هاه بدت تحتك يحول يحوللل
وهَج ضحكت: موتي بمكانتس مُلهم حبيبي
مُلهم: انتم كلكم حبيباتي وروحي وكلي والله ،يلا عاد باي بروح اتروش واتضبط ماباقي شي على اذان العشاء
راح وطلع لغرفته وتروش وطلع وطلّع ثوبه الجديد وشماغه المعلق عليه علقه قبل 5 شهور وكأن ناويه لأول يوم بوظيفته لكن ماكتبها ربي ابتسم وتنهد :الحمدلله
طلع الثوب والشماغ ولبسه وحط العقال ونسّف الشماغ على ورا وحط القلم بالجيب اللي فوق ومسك سبحته وصار يحركها يمين ويسار ومسك عطره الأحب لقلبه وتعطر وعطر رقبته وشماغه
وطلع وشافته امه قدامه:ياسعد عيني بشوفتك ياجعلني اشوفك عريس يارب
ابتسم لها: امين يارب وبالوظيقه قبل كل شي
بأس رأسها وطلع ينتظر الرجال ويستقبلهم مع ثامر ومازن وحضروا اهل ثامر كلهم ومبسوطين لفرحة اهل مُلهم رغم انهم مو متقبلين كونهم نسايب واثير زوجة ولدهم
-
وصلوا المعازيم الرجال والحريم والكل دخل وسلموا عليهم ويضيفونهم وريحة البخور تعج بيّن الناس وبمجلس الرجال والقهاوي تمشي بيّن الضيوف
التفت مُلهم على صوت السيارة اللي برا وطلع ومثل ماتوقع شافها عزام وأهله ابتسم وصار يرحب بالرجال ونزلوا من السيارة وحاول يسرق النظر لها وتذكر انها مخطوبة ويمكن متزوجه شال عيونه منها وشاف عزام وغيث ووِسام جايين ناحيته صار يسلم عليهم بحرارة ويستقبلهم : تفضلوا تفضلوا جعلها تراحيب مليون
عزام ابتسم وربت على كتفه: البقى يابعد رأسي وزاد فضلك
دخلوا ام عزام والبنات داخل ووتين تفكر ليه ناظر لها وشال النظر على طول توقعت عشان أخوانها ولا اهتمت نزلوا عباياتهم وفتحت شعرها وصارت تحركة بعشوائيه وتفككه من بعض شافوا البنات وام مُلهم بأستقبالهم دخلوا وسلموا عليهم وصاروا يرحبون ويهلون فيهم دخلوا وجلسوا بعد ماسلموا على كل الحريم وصاروا البنات يقهوون الحريم ومبسوطين جدًا
خلصت القهوة والتفت وهَج لبيسان:قومي سوي قهوة بسرعه خلصت
بيسان: حبيبتي انا مسويه كل الثنتين وبعدين مسرع ماشاءالله يشفطونها
وهَج : بلا قلة ادب وقومي
بيسان تقلد كلامها: بلا قلة ادب وقومي،واثير وينها ان
شاءالله ؟
وهَج: اثير عند الاخ روميو يتغزل فيها لكن قومي انتي ماراح نخليهم ينتظرون أثير
وتين ضحكت على حوارهم: ياكثر كلامكم وهوشاتكم وين المطبخ انا اسويها
بيسان ضحكت: اما عاد تعرفين ؟
وتين بأستغراب: ترا كلها قهوة مو ذبيحه
بيسان: اي بس توقعت خدم وحشم ماتعرفين للقهوة
وتين ضحكت: لا معليك اعرف اسوي اشياء غير القهوة بس قولي لي وين المطبخ ولا كثرة كلام
وهَج: ياقلبي ياوتين ماتقصرين والله
بيسان التفت لوهَج: ياحبتس لرسميات "رجعت التفت لوتين: شوفي من هنا تمشين تلفين يمين قدامتس على طول
وتين قامت : تم يلا بتذوقون احلى قهوة
بيسان ضحكت: ننتظر
راحت وتين للمطبخ وبدأت تسويها
-
عند الرجال
ركض مازن عند مُلهم :مُلهم مُلهم
مُلهم فزّ: شفيك؟
مازن كان يتنفس بصعوبة ومو قادر يتكلم وخاف مُلهم:شفيييييككك؟؟
مازن: خلصت القهوة وانا اقهوي
مُلهم مسك رقبته بيّن يديه: وربي لااذبحك يحيوان خييير تكلم زي الناس خرعتني
مازن: معليش والله بس خلصت
مُلهم تأفف: طيب جيبها لي اروح اجددها
جاب له الدّله واخذها وراح يدخل من باب المطبخ وسكع صوت وتوقعت خواته دخل وحط الدّلال وهو ماشاف وجهها وتكلم: جددي الدّلال ترا روحي طلعت من التعب بسرعه باخذها
انتظر ثواني ولا سمع صوت رفع رأسه وشافها واقفه مصدومه من وجوده وشاف صدرها اللي ينزل ويرتفع وهي تتنفس شاف جمالها وشاف حسنها وشاف كل شي حلو بعيونها شاف فستانها الازرق اللي بأكمام طويلة وخفيفه ولتحت الركبة بشوي وماسك من فوق للخصر ونازل بالراحة وفاتح من فوق ونازل سلسالها بشكل فاتن وكان مكتوب عليه اسمها وشعرها الويڤي والميكب الخفيف اللي بارز جمالها وملامحها الحاده طاّل النظر بجمالها وسمح لنفسه يسرق النظر ويطول فيه كانت زايده جمال بشكل مو طبيعي مايدري هي محلوه ولا عيونه تحليها لانها تحبها درس تفاصيلها درس التفت وهو يبي يبعد النظر عنها وهي لغيره : يابنت وش تسوين هنا صوتي لخواتي
وتين بهمس وصوتها فيه غصه:الحمدلله على السلامه
مُلهم: الله يسلمتس روحي وراتس الله يسعدتس
وتين بأستغراب: مُلهم أشبك ؟
مُلهم: وشلون تكلميني كذا بكل برود وراحة وانتي على ذمة غيري روحي ياوتين الله يوفقتس
كانت اول مره ينطق اسمها من منطوقه وعرفت ليه يبعد عنها تجمعت دموعها بمحاجرها بكل ضيق وعرف انها تبكي وراحت عنه التفت وشاف طيفها بمكانها بس وهي مو موجوده همس بكل حُب
-
طرقًا عرض فستانها الازرق خطر غُصن القنا
نازل على الوادي بنا يشرب وأنا قبله شربت
.
حبيتها لين أنفرط سلسالها بعد وعنا
وأبعدت عنها في حياتي كثر ماعنها قريب
.
قولولها يأجمل نساء الأرض اما آن لنا
آن ننهي الحلم القديم ونكب الغايات كبت
-
فزّ على صوت وهَج جت من وراه وهي سامعة كل الكلام من كلامه لوتين بأنها لغيره لشعر اللي قاله بينه وبين نفسه:من هي أجمل النساء ؟
التفت عليها وبلع ريقه وتكلم بتلعثم: جـ...جددي القهوة شوي واجي اخذها
جاء بيمشي وجت بسرعه ووقفت قدامه ومنعته من الخروج: تقصد وتين؟ انت تحبها يامُلهم؟
مُلهم أرتبك من سؤالها وقال بعصبية: مالتس دخل بمواضيع ماتخصتس
وهَج استغربت عصبيته:شفيك عصبت علي الحين عادي قول لي ترا ماراح اوقف ضدك مهما كان بالعكس بمنع زواجك اللي بيصير
رفع حاجبه بصدمه: زواجي!!!!
وهَج: اييي امي تبي تخطب لك عذّوب وناويه تكلم امها الحين بعد العشاء عادي تصارحني ولا تكابر وتعصب
مُلهم انصعق من الكلام اللي يسمعه وكل هذا من وراه ولا يدري عن شي وامه ماقالت له اي شي بعد وهَج عن وجهه ومشى وهو كل مافيه معصب
التفت وهَج لدلّال اللي بالارض وتأفتت وكملت القهوة اللي خلتها وتين وراحت وصارت تسوي القهوة للرجال والحريم
-
عند البنات جت وتين وعيونها حمرا وواضح البكيه فيها وعنقها احمر وتلعب بسلسالها بتوتر جت عندها بيسان:وتين وش بتس؟
وتين بتلعثم:هاه لا ولا شي بس احتريت شوي
بيسان رفعت حواجبها بصدمه: بنتي درجة الحرارة 12 وين الحر؟ انا بس انتظر العزيمه تخلص واخم الدفايه موت برد
وتين: اي صح بس عادي خلاص ولا يهمك مافيه شي
بيسان حست فيها شي ماتبي تقول وسكتت عنها
عند ام مُلهم وام فهد
ام مُلهم قررت تخطب عذّوب قبل تروح عليها وهي تشوف العيون عليها : اقول يأم فهد
ام فهد : سّمي يأم مُلهم
ام مُلهم: والله مدري شلون افاتحتس بالموضوع لكن ابي اطلب بنتس عذّوب لمُلهم على سنة الله ورسولة
ام فهد انبسطت جدًا : هذا الساعة اللي نناسبكم فيها والله ولنا الشرف وابد بنتي عذّوب بنتتس وموافقين
ام مُلهم: يابعد عيني يأم فهد والله الشرف لنا وابد ان شاءالله شاوري البنت وردي لنا عشان يجيون الرجال يخطبون رسمي
ام فهد : ابد يقدرون يجون بكره ويخطبون عذّوب ماهي لاقيه واحد احسن من مُلهم
ام مُلهم ابتسمت: على خير
-
وهَج خلصت القهوة واخذت الدلّال ونزلتها عند باب مجلس الرجال ورجعت على طول ورفعت يدها تبي تدق باب المطبخ وحسّت بشخص واقف وراها وحطت يدها على شفايفه صنمت مكانها ومايتحرك فيها شي وتبي تلتفت ولكن فيه شي مانعها وبعد ثواني من وقفتها بمكانها حست فيه يُقبل يدها وهمس بخفوت: مو ناويه تلتفتين ليه خايفه من مين؟ تراني انسان مو جني
التفت بخوف وشافته واقف قدامها بكل هيبة وشموخ بثوبه وشماغه والقلم المنحوت عليه اسمه وسبحته اللي بيده ويلعب فيها
شافها وانبهر بشده قبل شاف عيونها وهي الشي الوحيد اللي حفظها من ملامحها واليوم شافها للمره الثانية وبكل اناقتها وجمالها ولبسها كانت لابسه فستان اسود ماسك على جسمها بشكل خفيف وبأكمام وكان ثقيل وشتوي ولابسه عقد فضي وناعم جدًا ومرجعه شعرها على ورا وكان ناعم ومن قدام حاطته ورا اذنها والميكب الخفيف جدًا والروج الأحمر اللي يلفت النظر طآل النظر بشفايفها وشاف شامة ثانية جنب شفايفها وآسرت قلبه زيادة طآل النظر عليها حفظ ملامحها حفظ وكأنه يبي يحتفظ فيها على طول ولا يبي ينسى ملامحها ابد شامة عند العين وشامة بالشفايف اخذت قلب عزام وبالراحة
وهَج صارت تتنفس بسرعه وشدت على يدها بربكة وتوتر: مين انت وليش جاي هنا عند باب المطبخ ايش قلة الادب ذيييي
ابتسم لها بخفه: هدي ليه العصبية ذي كلها ماجيت كذا من كيفي وتين قالت لي تعال عند باب المطبخ ابيك وجيت ولقيتك مالقيتها
وهَج توترت وهي تشوفه واقف وماكانت تقدر تدخل منه وهو حجمه اخذ مكان الباب كله تكلمت بنربه باكيه: ممكن تبعد عن الباب بدخل
لمس بصوتها البكيه والحرج بعد عن الباب وجت بتدخل وحط يده قدامها: قبل تدخلين بقول لك مو قصدي والله بس صدق وتين كانت تبيني وعشان كذا جيت مو قصدي اجي عشان اضايقك ياوهَج
سمعت اسمها منه لأول مره كيف يعرف اسمي؟ كيف عرفني وكيف عرف انها انا واسألة كثيره تطري بباله قطع تفكيرها صوته : بالمناسبة وادري ماتتشرفين لكن اسمي عزام اخو وتين الكبير
التفت له وطاحت عينها بعينه : انت اسوء شخص عرفته
قالت كلمتها ومشت ودخلت وتركته ضحك بقوه وكأنه يعرف انه مو اسوء شخص ولكن ذي كلمتها
بعد دقايق جت وتين وشافته مبسوط ويضحك ولا انتبه لها يوم جت
جت قدامه وصفقت بيديها: هوببب وين وصلت؟
عزام بهيّام باين عليه: وصلت لشامة شفايفها
شهقت وتين بقوه وصحى على نفسه: نععمممم وش تقول ومين هيا ان شاءالله ؟
عزام بتلعثم: وش تقولين انتي وش تبين؟ وبعدين لين ساعة انتظرك وتوك تجين اخلصي علي وش تبين؟
وتين: اوك الحاجات اللي مخبينها عني بطلعها من وراك المهم بعد العشاء على طول نبي نمشي
عزام : اوك
مشى وتركها وهو هيّمان وجدًا وكل شوي يغمض عيونه ويتخيل ملامحها مايبي ينساها ابد يبي ملامحها مرسومه بباله دايم نفسها نفس عيونها وشامتهم اللي مانساها 7 شهور كامله
...
بعد ماانتهت العزيمه وانتهى العشاء وانتهت بكل فرح وحُب الكل كان راضي بنهاية اليوم وكان للقاء لذة وطعم الا مُلهم اللي دخل معصب طول العشاء من الكلام اللي سمعه من وهَج دخل وشافهم جالسين بعد العزيمه
ويسولفون والحلا بينهم وجالسين بالصاله الصغيره
تقدم وجلس عندهم وواضح عليه
العصبية التفت امه له :وش بك يامُلهم؟
مُلهم: يمه صدق اللي سمعته؟
ام مُلهم بأستغراب: وش سمعت؟
مُلهم: خاطبه لي عذّوب ؟؟؟
ام مُلهم: اي خطبتها بس انتي من قايل لك ؟
مُلهم: يمه ماهو مهم مين قايل لي بس ليه تخطبينها لي بدون شوري ولا علمي
ام مُلهم: ليييه ماتبيها البنت وش يعيبها كامله والكامل الله وانا خطبتها بدون شورك لاني اعرف شورك وماتتقدم كلمتك على كلمتي
مُلهم وصبره نفذ: يمه ادري كلمتي ماتتقدم على كلمتك لكن انا اللي بعيش معها والبنت مايعيبها شي كامله والكامل الله مثل ماقلتي لكن ماابيها مااهي اختياري ولا هي رغبتي وبعدين توي طالع من السجن ولا عندي وظيفه ولا بيت من وين اصرف عليها واحطها ببيت ؟؟؟
ام مُلهم: كل شي بيجيك بس عذّوب تاخذها يعني تاخذها
قام وهو معصب ولا رد عليهم وهو مايبي يرفع صوته على امه ولا يبيها قام وراح لغرفته وسكر الباب بقوه لدرجة انهم كلهم سمعوه وخافوا من قوتها ام مُلهم التفت للبنات:مين اللي قايله له؟
كلهم سكتوا ومحد رد وصرخت بقوه: ميييين اللي قايله له!!!!!
وهَج: يمه انا بس والله مو قصدي
ام مُلهم: مثل ماقلتي له اقنعيه يوافق والله ياوهَج ياويلتس لو يرفض
سكتت وهَج خوفًا منها وهي اول مره تشوف امها كذا وتشوفها معصبه....
-
10ص
صباح اليوم الثاني وصباح الخير من بيت اثير وثامر
صحى ولا شافها جنبه قام واخذ ملابسه وراح للحمام"تكرمون" وتروش وغير وطلع وصلى الصلوات اللي فاتته وطلع وشافها حاطه الفطور والواضح جالسه تنتظره تقدم وجلس جنبها : صباح الخير
ردت عليه اثير وهي ماتشوفه والواضح العتّب بينهم كبير:صباح النور
استغرب اسلوبها وردها: وش بتس؟
أثير بحدة: مافيني شي
ثامر نزل كوب المويا اللي كان بيده: اثير تكلمي وش بتس ولا ماعادني باكل
اثير ببرود: بكيفك لا تاكل
ثامر التفت لها ومسك يديها: أثيري قولي لي وش بتس؟
أثير عصبت: قلت لك مافيني شي خلصت من العزيمة وجيت انخمدت مافكرت ان فيه زوجه وراك ولا نمت وكنت انتظرك لكن الأخ من يوم شرف وهو ينخمد بالله ثامر بعد عن وجهي
ثامر استغرب انفعالها : حدي اثير بسم الله عليتس شوي وتذبحيني وش صاير تكفين
اثير تجمعت دموعها بمحاجرها : ثامر خلاص بعد عني
ثامر : لا والله خسيتي اني ماابعد عنتس وانا ماعرف وش بتس
أثير:قلت لك وش فيني اذا مافهمت ذي مشكلتك ماهي مشكلتي
ثامر: زعلانه لاني نمت؟
اثير ببرود: لا
ثامر بدأ يتذكر وتذكر لما كانت جالسه بكشختها ويجلسون مع بعض شوي لكن ثامر طنش كل شي ونام عنها :اييييي بس تذكرت
اثير ماردت عليه تقدم وحط يده وراها ومسك خصرها وقربها له وحضنها بقوه: والله اني اسف اخوتس كرفتي كرف ماعدت افرق بين يدي ورجلي من التعب والله اسف مُلهم مسح فيني الأرض بالشغل كل شوي تالني ورايحيني مكان ولا تدرين وش يقول يقول الله يعين اختي عليك بس لاني مارحت معه للحلاق
اثير ناظرت له وقالت بعتب: وليه مارحت معه؟
رفع حواجبه وعيونه على شفايفه وطريقة نطقها للحروف تقدم وباسها وكانت ثاني مره يبوسها مع منطوقها: الحين تركتي اعتذاري وركزتي اذا رحت او لا ؟ والله اني رحت وخلاني احلق معه مدري وش دخلني لكن حلقت وهاه اليوم بعد بياخذني أكشت معه الله يعيني عليه
اثير ضحكت بأحراج : اي عادي كل شي لعيون مُلهم يصير
ثامر: وثامر ماتصير لعيونه شي؟
اثير : تصير لكن ثامر مايلتفت لها وكأن مايلفت انتباه الا الأشياء العظيمة
ثامر رفع حاجبه بأستغراب: طيب وانتي صادقه مايلفتني الا الأشياء العظيمة وانتي اول الاشياء العظيمة اللي لفتت إنتباهي
تدرين؟
أثير: ايش؟
ثامر: اوك شكرًا لك ذي ثاني مره تسحبين على كلامي الاول وتردين على الآخير المهم تدرين يوم شفتتس تبكين ايام وفاة عمي الله يرحمه يوم شفتتس بالسطح من يومها وانا هييييييّمااان وجدًا فيتس
أثير ضحكت: والله يشوفك وقتها مايقول ميت علي بس تهاوشني
ثامر ابتسم لضحكتها: صح اكيد بداية الحب كرهه ماراح اوضح حبي
ضحكت بقوه وتقدم ثامر وباسها زيادة وكأنه بيشفي غليلة بالأيام اللي كان بعيد عنها فيه : يازين منطوقتس وهي وجبتي الأولى اول مااصحى ووجبتي الأخيرة قبل النوم
أبتسمت اثير ونزلت رأسها بخجل وهو ابتسم وهو يشوف خجلها وبدأ يفطر وهي قدام عيونه وارتاح يوم شافها راضيه
-
~جده
جالسين على الفطور عزام وابوه وامه ووجد والباقي كانوا نايمين جالسين يفطرون وكل شخص باله بمكان وبأنسان
التفت عزام على صوت ابوه: وش صار على صالح؟
عزام : انتهى يبه قلت له خلاص ماعاد فيه نصيب
ابو عزام تنهد بضيق وهو كان وده بصالح :اي زين الله يعوضه ويعوضها بالأحسن
عزام: امين يارب ،اقول يبه انا نويت اخطب لكن ماهو الحين
ابو عزام : ماشاءالله اي كفو عليك ياوليدي خلصت كبرت ماعدت بصغير صرت رجال
ام عزام: والله هذي الساعة المباركة واحلى الأوقات يوم قلت لي انك بتخطب ابشر ياقلبي ادور لك احلى البنات
عزام: تسلمين يمه تسلم يبه وجعل الله يخليكم لي ويطول بأعماركم،لكن يمه البنت عندي لا تدورين
ام عزام عقدت حواجبها: ومين هيا؟
عزام: اذا جاء وقت الخطبة علمتك بس انتبهي تخطبين لي احد ثاني لاني ماراح اخذ غيرها
ام عزام: طيب حنا نعرفها ؟ ومن جده هيا او لا؟
عزام: تعرفونها اي لكن ماهي من جده
قام بعد ماخلص فطور: كثر الله خيركم الحمدلله
ابو عزام: وين بتروح ياعزام
عزام: ابد والله بروح الشركة وأشيك عليها وعندي أوراق لازم اخلصهم يعني شغل
ابو عزام: زين انتبه لنفسك استودعتك الله
ابتسم عزام وباس رأسه ورأس امه وطلع من البيت
-
بيت ابو فهد
جالسين على الفطور كلهم مازن وعذّوب ولين التفت ام فهد لعذّوب: تجهزي يمكن اليوم يجون يخطبونتس
عذّوب نزلت لقمتها بصدمة: نعم يمه؟؟ ميين اللي يخطبني وش صاير وانا مدري
ام فهد :ام مُلهم امس كلمتني وقالت يبون يخطبونتس لمُلهم وانا وافقت ويمكن يجون اليوم
عذّوب: وانا مالي رأيي يمه ؟
ام فهد: اي مالتس رأي فوق رأيي خلاص انا قلت اي يعني اي
عذّوب بعصبية قامت: مسستحييلل مُلهم ماراح اخذه وشو هو مين اللي يغصب البنت على الزواج بهالزمن والله يمه لو حصل لااشتكي فوضى الدنيا مُلهم انا ماابيه مااابببيييه
راحت لغرفتها ولا سمعت رد امها اللي انصدمت توقعتها ترضخ وتسمع كلامها ماتوقعت ابد تقول كذا التفت على صوت مازن: يمه ليه تسوين كذا يوم قلتي لي توقعتتس قايله لعذّوب مايصير يمه تغصبينها واذا اختي ماهي راضيه ماراح اوفق على هالزواج انتهى
قام من الأكل: الحمدلله كثر الله خيركم انا طالع بروح كشته مع العيال بتأخر
قاموا كلهم ومابقى الا ام فهد ولين وام فهد تحت صدمة كلام عذوب لها
-
بالليل
~حائل
10م
طلعوا العيال وكان المكان خالي مافيه الا هم نزل الحطب مُلهم وشب النار وصار يسوي الشاهي على النار وحطوا الفرشه قبّال النار جاب الشاهي وتقدم وجلس بينهم: وجاكم احلى شاهي يدفيييييي من قوة لذّته
ثامر: اي بس الله لا نتسمم يمديك ناسي كيف تسويه
التفت مُلهم عليه: والله هاه شوفني حلفت انت اول كاسة وتخلصها بعدين نشرب حنا
ثامر ضحك طول صوته: هييييي ماني فار تجارب انا مناك يلا شوف الحيه ذا ساكت خله يشرب
ضحك مازن: تستاهل انا ماتكلمت
اخذ كاسته ثامر وهو يشرب وهم يناظرون له :هاه كيف الطعم بشر وصلك السم؟
ثامر : لا شوف مبدئيًا طعمه حلو الصدق
مُلهم ابتسم بثقه: ادري يكفي ان مُلهم هو مسويه
صب لمازن وصب لنفسه ورجعه عند النار وكملوا سوالف
مازن بأمتنان: تدرون ياعيال اول مره اطلع كشته يعطيكم العافية والله ماقصرتوا
مُلهم ابتسم: انت اخوي وانا مالي أخو ابشر باللي يطلعك لكل مكان
ثامر تنحنح معليش بالإخوان ليه اول مره تطلع كشته؟
مازن: انا نااحب اختلط مع اي احد بس مع مُلهم وفهد وفهد ماهو فيه ومُلهم انسجن والحمدلله يوم طلع الحمدلله قدرت اطلع
ثامر ضرب صدره : اففااااا وانا ولد ابوي وانا عندك اعتبرني عدد ثالث بيّن مُلهم وفهد
ابتسم مازن: لا ابشرك صرت منهم خلاص
ضحك مُلهم وقال بخفه: الله يعينك دامك حطيته بالقائمة انا محتمله لانه زوج اختي
ثامر حذف عليه الشاهي: ترا سمعتك عمى يعمي العدو
مُلهم ضحك: الحمدلله اهم شي العدو ماهو انا
ثامر يمثل الزعل: شسوي لاني طيب ولاني احبك اهخخ بس

لاتنسون النجمة ورأيكم الحلو🤎🤎🤎🤎
حسابي انستا "rwiiai1"