#فاقد_الشيء_يعطيه
#شمس
#بقلم_فريال
الجزء 35
صباح نضت صليت وبديت مع لغدا ووجدت سنيوة تاع لقهوة بداو نسا يجيو لعند يما وانا طالعة هابطة نرفد ونحط كملت غديتهم باش ناض يزيد شرب قهوتو وخرج شوي هكا رجع كعاد جاو رجال ولازم هو يتقبلهم. كي روحو الضياف قولت ليزيد اديني نغافر لبابا مع انو ماعيطليش وماسقساش عليا خلاص من نهار خرجت من دارو مازدت شفتو بصح هكاك وبغيت نروح هو مارفضش قالي البسي نديك وماتباتيش (باينة منباتش اذا قعدت عشية هذي برك راني هايلة هذا اذا فتحتلي فضيلة الباب)، لصقت فيا ندى مابغاتش تقعد عند جداتها قولت ليما هيا تروحي معايا مابغاتش قالتلي منقدرش لوكان كشما يجي واحد يلقى دار فارغة عيب روحي انت برك، كي مبغاتش تبعد ندى قولتلو خليني نديها معايا ياك مافيها والو قالي هيه اديها عادي. روحنا وصلني عند لبلوك نزلي لحوايج (جبلتهم قاطو وشوي فاكهة وجو وحوايج بزاف يما هي الي قالتلي مجاياش تدخلي بيديك فارغين لداركم عيب)، حط لحوايج قدام لباب وراح مادخلش يغافر على بابا انا قولت عادي بلام مشغول مافيها والو من بعد يجي ويدخل. طبطبت حلتلي ختي سلمت عليها كي سمع خويا صوتي جا يجري يحضن ويبوس انا تاني توحشتهم بزاف نحبهم، دخلت غافرت على فضيلة وبابا قعدت شوي نطقت فضيلة قالتلي كنت خارجة رايحة لدارنا وانت جيتي هذيك هي نزيد معاك ساعة ونروح حسيتها تحاوز فيا لا حشمة لا حيا عندي كثر من 3 شهر ماجيتش وكي جيت حاوزوني كون جات يما فالدار راهي ستقبلتني بالاحضان وتقيمني بصح كعاد مكانتش راني نتحاوز حتى بابا ساكت مانطق والو تقول ماني بنتو جابني من الزبالة، يقولو ناس زمان الي راحتلو مو يدير حجرة في فمو وهذاك الي كان نقعد ونبلع ماعندي ماندير لمرا الي جابتني رماتني وراحت ماحوستش عليا خص غير بنت ناس تساعفني. بعثت ميساج ليزيد قولتلو ساعة وارواح اديني، خاوتي ملي دخلت وهوما لاسقين فيا توحشوني وتوحشتهم ويماهم غير تتخنزر فيهم ماتقبلش كامل يدورو بيا كي كانو صغار كانت راميتهملي نربي فيهم ونغسل ونوكل وكي كبرو حابة تكرههم فيا وهوما معاكسينها يحبوني بزاف. قعدو هذيك الساعة معايا محتمين حسيت روحي غريبة بيناتهم وانا في دار بابا الدار الي تربيت وكبرت فيها، فضيلة كي شافت ندى قاعدة عندي وكل شوي تبوسني قالتلي راني نشوف بنت راجلك غير لاصقة فيك حطيها فلرض متولفيهاش من بعد تحصلي في عزرينها يماها راحت تعيش حياتها وانت اقعدي مقابلتها تضيعي صحتك على بنت ناس تكبر تروح ليماها.
#فريال
STAI LEGGENDO
فاقد الشيء يعطيه
Saggisticaمعاناة طفلة صغيرة تخلت عنها امها وكانت امنيتها في هذه الحياة انت تقول كلمة ماما ولكن للاسف لم تجد حنان الام ولا الاب وعاشت محرومة منه
