#قيود_العشق 🔐💫
عز الدين بابتسامه هاديه :بحبك يا مليكه بحبك زي ما انتي بلسانك الطويل بحب خنا"قاتك بحب الاكل من ايدك... طول عمري مش بأمن بالحب و متأكد ان مفيش حاجه اسمها حب اصلا
طول عمري شايف ان الحياه يعني شغل و الالتزامات و مسئوليه عليا لازم اعملها مش مهم اي حاجه تانيه....
مليكه بصدمه :بس انا....
بيدخل شخص و بيكلم عز و هو بصلها و خرج معاه مليكه بصت الموبيل و هارون اللي بيرن
لحظات قليله حست فيها ان عالمها كله بينهار هي من دقايق كانت واخده قرار انها تسيب كل حاجه و تمشي لكن اعترفه دا صدمها حسيت انها لازم تحكيله
النور بيتقطع عن الاوتيل كله في حد بيمسك ايديها بعنف و بيشدها وهي لسه هتصر"خ ضر"بها علي الشريان النابض في عنقها و بتفقد الوعي..... بيشيلها و بيساعده شخص تاني انه يخرجوها من الاوتيل
عز الدين امر رجالته يشوفوا المشكله فين
بعد دقايق النور
رجع عز و بينادي عليها بمرح لكن مفيش اي رده فعل
لوكا مليكه.... يا ام لسان روحتي فين
مكنش في اي رد عز حاول يسيطر على القلق اللي بدا يتغلغل لصدره
خرج بسرعه من القاعه الناحيه الخلفيه مكان حمام السباحه... خاف انها تكون وقعت فيه زي ما ميرا وقعتها قبل كدا
لكن مكنش في اي حركه المكان هادي جدااا
دخل تاني بسرعه وهو بيدور عليها اتصل بأمن الاوتيل يدوروا عليها لكن مفيش إثر ليها
اتصل بسيف (مدير اعماله)
سيف بهدوءه :اومرني يا باشا
عز الدين : خمس دقايق وتكون عندي انا في اوضه كاميرات المراقبه بتاع الفندق
قالها وهو رايح لاوضه الكاميرات المراقبه الخاصه بالفندق
سيف :تمام يا عز بيه
بعد ثواني
عز كان واقف أدام احدث شاشات المراقبه الخاصه بالتصوير في الضلمه
عز لمسئول الكاميرات :الكاميرات اظن مصورتش حاجه بسبب قطع النور
المسئول بجديه :دا اللي بيحصل لما النور يقطع لكن احنا بتستخدم جهاز ups (جهاز بيشغل الاجهزه الخاصه بالكاميرات) كمان بستخدم كاميرات تايوانيه بتصور في الضلمه و دا كله تم تحت إشراف سيف بيه و ان مستوى الأمن في فندق حضرتك لازم تكون على أعلى مستوى من الامان
عز بسرعه :شغلي الكاميرات
بعد ثواني
عز قرب اوي من شاشه المراقبه ضيق حاجبيه باستغراب لما شافها بتخرج مع شخص و الكاميرات مش بتجيبهم بعد كدا
عز :فين بقيت الفيديو
الحارس بارتباك و رعب :زاويه الكاميرا آخرها هنا
