محمد: اروى بابا شصاير!! دخلت لگيت عمتها واگعه وراسها وأديها ينزفن بسرعه طلعت أجرت تكسي دخلت اخذت المرأة اروى رادت تصعد دفعتها، وييين رايحه روحيي لبيتنا بسرعه اذا صار شيء اگول لمريم
اروى: لا عمو اريد اروح وياكم
_بويه مو وكتها هسه روحي لبيتنا واني اخذها للمستشفى يلا گلت لمريم تنتضرج
بالباب شفت وجها مامقتنع گلت لابو التكسي يمشي مشى مسافه أنداريت شفتها راحت
اروى: شفتهم راحو خفت ورحت لبيت عمو محمد دگيت الباب فتحتلي مريم ابتسمت بوجهي رديت الابتسامه مجامله دخلتني شفت اختها ضليت گاعده اعرف بس مريم ضليت اسولف وياها اتصل عمو محمد جاوبته مريم وفتحت السماعه، ها محمد شنو صار
محمد: هلا مريم ماكو شيء ان شاء الله
، بهمس، سدي السماعه مريم وگولي احم حتى اعرف
_تمام سويت نفسي رفضت محمد وگمت لغير غرفه سئلتني اروى شگال گتلها ماكو شيء جديد وصلت لغرفتي، احم
_مريم المره بيها مرض القلب الاقفاري بسبب صدمه كبيره
_زين اكو علاج؟
_الدكتوره تگول مو كل مره ينجح العلاج واكو البعض اخذو العلاج وتسبب بوفاتهم
_زين هسه شراح نسوي
_شنسوي يعني سوينه الي بأدينا الباقي على ربج
_اني مامرتاحه محمد شنو اگول لاروى هسه
_هيَ يمج هسه؟
_لا خليتها يم مسره
_عفيه يلا ابقن يمها خليها اليوم تبقى بيتنا تمام بويه يلا ديري بالج على نفسج وعلى اخوانج
_ان شاء الله باي، رحت يمهن شفت مسره تسولف واروى اصلاً بالها ولا يم مسره والمشكله اختي الملگوفه ولا سكتت، ولج كافي دوختي البنيه فوگ ماهيَ دايخه كافي سدي حلگج
مسره: حبيبتي اروى دختي مني؟
مريم: نوب تسأل ياحضي تسأل البنيه اذا داخت من عندها گومي حبيبتي اروى گعدي بغرفتي اذا تردين، شفتها ماحجت شيء گامت وراحت بأتجاه غرفة حيدر، اروى مو هاي الغرفه تعالي اوديج والله ذكيه اني عفتج ترحين لوحدج، وديتها لغرفتي حطيت يمها ماي وطلعت، ولج انتي الى متى تبقين هيج مو عيب من البنيه خطار
_والله مادري سرحت بالسوالف حتى مانتبهت للبنيه والله عيب هسه شنو تفكر تجاهي
_شوف هاي الفارغه ولج هيَ الف شغله براسها تردينها تعوفهن وتفكر بحضرتج تعالي وياي ساعديني بالعشاء رحنه اني ومسره سويت عشاء وكملت صحت لحيدر وعزلت صينيه لاروى
حيدر: شنو گال محمد
_يگول عندها مرض القلب الاقفاري وأي شخص ينصاب بهالمرض يودع بعد هيج گال محمد
