هلولو شلونكم🫂♥
رمضان كريم🙈❤️🔥
ــــــــــــــــــــــــــــــــــ
حيدر: شفت الحجاب عرفته مال جوارينه رحت انطيته لمريم تنطيه الها شوي واجه ابوي
مسلم: جيبهن!!
حيدر: شتسوي بيهن گتلك اگطع كافي زلمه شگدك شكبرك الي بعمرك شبعوا مي ورد وانته جاي تدورلي سوالف تعبانه مانطي روح بويه لاتعب نفسك
مسلم: جايييي اگول جيببب الحبوببب!!
حيدر: شفت عيونه حمر واديه يرجفن يحاجيني واتجاهله شوي وحسيت جرني من القميص وطلعني للصاله يضرب واني ادفعه بس اريد ابعده ادفع ادفع ماكو فقد دائماً يصير هيج بس مو لهلدرجه فقد واحس اختنگت لا بيه اصيح ولا بيه اتحرك شوي ودخلت مريم جانت تضحك بس لمتحنا وجهه صار اصفر ضلت تصيح وراحت خابرت محمد واني شوي شوي احس بدء يغمى عليه والضلام احتلني واني اسمع صريخ مريم وبجي مسره
محمد: جنت گاعد يم عائلة فاطمه عزمونه على العشاء شوي واتصلت مريم. الو ها مرو
مريم: محمد تعال بسرعه ابوي خنگ حيدر
محمد: شنوووو! . طلعت واحس بعمي ابو فاطمه يصيحلي ماهتميت لأي شيء ماسمعت اي صوت بس اشوفهم يردون يفهمون شبيه ليش طلعت صحت بدون وعي ولكممم ابنييي راح يموووت وخروو طلعت شفتهم ركبو سياراتهم ولحگوني واني مامهتم المهم حيدر اوصله مشيت سريع بس اريد اوصله ساعات صارن عليه مثل السم وصلت ونزلت دفرت الباب بس اريد المح حيدر دخلت وألا أشوف البيت فارغ وبس صياح مريم مبين ركضت اشوف حيدر بالگاع ووجهه ازرررق صحت بصوت عالي بويه حيدر بويه حبيبي اگعد لا تلوع گلبييي عليك بويييه حيدرر اخذته وصعدته بالسياره اجاني اخو فاطمه يريد يسوق بدالي ماخليته اسوق بس اريد اوصل اريد الحگ حتى اذا كلفني الشيء روحي المهم حيدر مابيه اباوعله بويه حيدر گتلك خلي اخذك وياي مرضيت لييييش ليشش فهمني لييش بويه ليش وصلنه ونزلته واني اركض واصيح لدكتور شوي وفحصوا ودخلوا الغرفه ضليت گاعد اتأخرو مرن ساعتين وهمه ماكو
مريم: اجه محمد اخذ حيدر الي حيل ماله خفت منو يوصلني الهم هسه وفكرت اروح لاروى يمكن تساعدني رحت اركض لبيتهم ماشوف الطريق لحدما وصلت قريب البابهم وانصدمت بولد واگف اعتذرت ورفعت راسي شفته يبجي! عفته ودخلت جوه شفت اروى منهاره انصدمت ياربي دخيلك شصاير رحت حضنتها وحجيتها شصاير
اروى: جنت گاعده اقرء لازم اشد حيلي لان مالي غيرها للشهاده شوي ودگ الجرس وخرت الكتب وگمت اشوف باوعت من الزرف واشوفه خالد! اي اي خالد اخوي فتحت الباب مسحت عيوني اركز بملامحه دخلته جوه لبست نضاراتي وشفته فعلاً هاذه اخوي خالد الي اخر مره شفته بفاتحة امي وابوي راد يحضني واني على صدمتي بجيت شوي ودخلت من شاف حالة عمتي روان باوعت بوجهه الصدمه التفت عليه ورجع التفت على عمه روان راد يحضني دفعته واشوفه منهار وگع بالگاع ويصيح اروى حبيبتي والله ماجنت ادري وهسه يلا دريت بجذبة عمي علي الرضا اروى والله جنت عايش على حجايات عمي علي الرضا ماجنت ادري بحالتج وين گاعده وشلونها عمه روان عمه انتي شاهده انتي جنتي تدرين شنو الي جنت أمر بيه باليوم اموت اتگطع واني اقنع بعمي يجيبني الج ولج رور ولج اني خالد اني اخوج والله جنت عايش بهيم اخوان ابوج النذلييييييين بعدوني عنكم والله والله بروح امي وابوي ماجنت ادري بحالج هيج جان يگلي عايشه احسن عيشه وجان يگلي انتي مترديني واني جنت انقهر وماصدگه بس جان يگول لو صدگ تريدك جان اجت تشوفك وقنعوني بجذباتهم اروى رجاءً لاتعاقبيني يسكوتج غلطي سبي بس لا تسكتين حاجيني اروى حاجيني
