________________
صلوا على مَن قال ربي أُمتي
حُبًا في أًمته و كان رحيما
يا أُمة المختارِ يا أحبابهُ
صلوا عليه و سلموا تسليما
________________#كراكيب🕊
#لـ رحمة أحمد🕊⚖_متنسوش الفوت و الكومنتات القمر اللي بتسعدني يا شباب❤
_________________
ْ
أَيا من ليسَ لي مِنهُ مُجيرُ
بِعَفوِكَ من عَذابِكَ أَستَجيرُ
ْ
أَنا العَبدُ المُقِرُّ بِكُلِّ ذَنبٍ
وَأَنتَ السَيِّدُ المَولى الغَفورُ
ْ
| -لــ/ أبو نواس |________________
_لا إله إلا الله .. الواد دماغه باظت خالص .
وضع "فادي" يده على صدره بطريقة مصتنعة :-
_و كمان بتشكك في قُدُراتي العقلية و الذهنية .. الدنيا مبقاش فيها خير يا جدعان ، "فادي شقاوة" بشحمه و لحمه و جلده و عضمه بيتهان ، و مِن مين؟ من أخوه .. إخص عليك يا زمن .توقف "قُصَيّ" مِن مكانه بتشنج قائلًا :-
_أنتَ عبيط ياض ._برضو هيرجع يقولي عبيط تاني .
أخذ "قصي" يُقَلب يديه فوق بعضهما .. يبدو أن شقيقه قد خسر عقله للأسف ، ترك الغرفة و رحل ، فسأله "كارم" :-
_عملت إيه؟_عملت إيه! أتكلمت معاه خمس دقايق ولقيته بيخرف .
_بيخرف!
أومأ له "قصي" و ذهب ليلقي بحاله فوق الأريكة بجواره :-
_عمال يقولي لما تتجوز هتضربني قدام مراتك عشان الفلوس .ضحك بسخرية متمتمًا بصوتٍ خفيض :-
_ميعرفش إن أبوه خسر فلوسه كلها ._نعم!!!!!
أعتدل "كارم" سريعًا بجلسته فور اِستماعة إلى تلك الكلمات ، عن أي خسارة يتحدث هذا؟ :-
_خسر فلوسه كلها إزاي يعني؟_إيه؟ خسر فلوسه؟ يا ستار يا رب .. مين ده اللي خسر فلوسه؟!!
تمتم بها "قصي" سريعًا بتوتر .. لا أحد يعلم ما يمر به "حاتم" إلا "قصي" .. و ذلك بسبب رغبته في الإحتفاظ بِسر والده :-
_أنتَ لسة قايل كده .
_أنا!! و قولت؟ لأ يا "كارم" أنا مقولتش حاجة .. أنتَ بس عشان شكلك مطبق من أمبارح فالدنيا بايظة عندك .
توقف مِن مكانه و أوقف عمه قائلًا و هو يُسنده حتى دلفا لغرفة "كارم" :-
_تعالَ بس ريَّح شوية ._بس...
قاطعه "قصي" سريعًا :-
_من غير بس يا عمي يا حبيبي .. تعالَ أرتاح ._عمي!! إيه ياض الإحترام ده؟
اِبتسم له "قصي" بإصفرار :-
_طول عمري محترم .
![](https://img.wattpad.com/cover/352589153-288-k787297.jpg)
أنت تقرأ
كراكيب
Humorو ماذا عن عودتي بتلك الرواية الجديدة "كراكيب"؟ أهِيَّ روايةٌ حزينة درامية؟ -لا أعزائي ، إنها روايةٌ مُشبعةٌ بالكوميديا، رواية عائلية فكاهية خفيفة ، بها الكثير مِن الضحك و بعض النصائح العابرة الإجتماعية ، و قليل مِن الدراما _فقط القليل_ ، و الكثيرُ م...