رغم كل هاي المعارف
جاي احس روحي محد
انه ياهو؟ ، وانه وين؟
وهالسنين منين اجتني؟
وياهو حط ثگل السما
كله اعلى متني؟
أكداء السجنجل
بقلمــي | ريتـــال أحمد
لا تنسون التصويت و التعليق بين الفقرات ❤.
ــــــــ ــــــــ ــــــــ ــــــــ ــــــــ ــــــــ ــــــــ ــــــــ ــــــــ
_ فتحت عيوني بقلق ادور براسي على الحواليه اشوف نفسي داخل السيارة و راسي متوسط حضن جَســاس كمت بفزع
طيفَ: جَســاس جنى جنى؟؟
جنى: هاي اني يمج حبيبتي يمج
_ درت وجهي وشفتها واكفه ورة ظهر جَســاس عيونها حمر و الدموع ناشفه على خدها اول مارجعت لمحتها بجيت
جَســاس: كافي طيفَ لا تبجين راح يصير بيج شي يابوية
جنى: هاي اني يمج ماروح لا تبجين ماعوفج
طيفَ: ماجاي احلم مو؟؟ مو حلم هذا
جنى: لا مو حلم حقيقه رجعت الج رب العالمين جمعنه
_ ملت براسي اباوع بعيون جَســاس اريد استرسل الحقيقه من عيونه هزلي راسه بأيجاب ضميت وجهي بصدرة ابجي بصمت
جَســاس: اشش ليش تبجين ها؟؟
طيفَ: خايفه يطلع كله جذب اخاف جَســاس
جَســاس: لا تخافين يروح جَســاس هاي اني يمج و اختج يمج
جنى: تجون يمنه ترتاحين بالبيت
جَســاس: لا خويه رحم الله والديج
مصطفى: بيتنه قريب اخويه ابقوا ارتاحوا
طيفَ: اريد اروح ويه اختي جَســاس
_ باوع بعيوني بحيرة وهز راسه نزل وراح بمكان السايق كعد مصطفى بصفه ودخلت جنى هيه و الطفل شمرت روحي بحضنها بادلتني وهيه تضمني اكثر
جنى: ياروح اختج
طيفَ: ماتخيلت ارجع اشوفج ماجنت اتوقع تبقين عايشه جنى
جنى: هاي اني عايشه كبالج
طيفَ: ماترجعين تعوفيني جنى؟
جنى: أن شاءلله روحي تروح قبل لا اعوفج
طيفَ: شلون وصلتي للبصرة؟؟ وين رحتي وين عشتي؟
جنى: سالفه طويلة طيفَ طويلة أنتِ شنو صار وياج شنو سوو الج؟؟
مصطفى: هنا يمك
_ طول الوقت نحجي بهمس استوقفنه صوت مصطفى طبك جَســاس السيارة كدام البيت فتحنه الباب و نزلنه راح مصطفى فتح الباب وسوالنه طريق دخلت جوة واني اتفحص بنظري على اركان البيت جان دافي ريحه البخور تفتح الانفاس وترتيب الاثاث البسيط كعدنه على التخم و جنى بصفي لازمه ايدي ساد الصمت واحد صافن بوجه الثاني الحدما ضحك مصطفى وحجه
أنت تقرأ
إڪداءٌ السـّجنجل
Science Fictionفـراشةً في وِسط الظلامُ تـرتعشَ اطـرافهاُ بخوف تحـُاول الخروُج لكنهاِ مقيدة تفتحُ لهٌا أبواب الرحمه هل سوف! تحلُق من جديد؟ ام تستُسلم؟ بقلمـي: ريتـال أحمد قـصة عراقيـة.
