"لمحتكِ..ياريم الفلَا وذبحني هواكِ".

Part20

ام حنين انصدمت وعصبت اكثر بعد ما حنين صكت الباب بوجهها وطنشت كلامها ، لفت بسرعه بعد ماحست بابو حنين الي لمس كتفها بعد مانادها وماسمعته
ابو حنين"شفيك يام حنين عسى ماشر"
ام حنين قالت بخيبة امل"ربي بنتك الي ماتربت ! ، تهدد بنات الناس بصورهن وتكلم عيال ماتربو !"
ابو حنين مسك عقاله"وشو!!"
ام حنين"زي ماسمعت ، وانا طفح الكيل منها تعبت وانا اعلم فيها هالبنت ولا تسمع لي ، عانها عندك بالغرفه تصرف"
ابو حنين"زين زين ، وصالح وينه ؟"
ام حنين "لا صالح ممتاز بسم الله عليه"
ابو حنين"زين"وراح متجه لباب غرفة حنين الي مقفلته وواقفه وراه تتسمع والخوف محتل قلبها ، اول ماسمعت طقات ابوها الي كانت قويه عالباب ، بكت من الخوف وهي تستنجد بامها
حنين ببكاء وصراخ"يمه تكفين وربي اسفه اسففه!!"
ابو حنين بعصبيه"افتحي لا اكسر هالباب على رأسك!!"
-
-3:09 عصرًا-
تجمعو الاهل بالمزرعه بعد ماقررت الجده وضحى انهم يروحون لها يوسعون صدورهم من الزهق والطفش
"بينما العيال بالمشب"
هايف يناظر عبدالرحمن الي ماد لسانه له يقهره بنظرات حقد بعد مافاز عليه بالبلوت خمس مرات
عبدالله لنايف"هذا كانه العجيز الي بتخطب لولدها"واشر على هايف ، ضحك نايف بقوه على ذبة عبدالله وشكل هايف الي ضابط على الذبه
ابتسم عبدالله"ها كيف بس"
نايف بضحك"رهييبه ياولد استمر"
الوليد بصوت عالي"هايف علييك فيه"
فارس"للوليد ياخي لاتخرب بينهم"
الوليد"اعقب يالحسودي انت"
فارس"وشوو"
الوليد"زي ماسمعت"وقف هايف يستعد بيضرب عبدالرحمن ، قاطعهم نواف بصرخته وهو واقف بنص الطريق بعد ماكان يمشي جايهم
عبدالله"لحول وشبلاه الشايب"
نواف بصراخ"طقتتت ركبتيي امسكوني لاطييح"
الوليد لفارس وهو يبتسم"امسكوني لاطيح ياقدرة الله"
قام فارس يهز كتافه والابتسامه شاقه وجهه
نواف بصراخ"ياورع انت وهو ، انا اطلب النجده حاليا"
عبدالله"انت تستنجد بذول ؟ ، عزالله مافلحت"
الوليد وقف غناء ورقص و لف على عبدالله"اقول اعقب يالشايب ماغير متكي على هالمركه وتنقد عالرايح والجاي ، ياخي اقراء تثقف"
عبدالرحمن بضحك"والله قويه بحقك ياعبدالله"
الوليد"بروح اساعد اخوي اهم منكم بس"ولف على نواف
نواف وهو طايح"بدري"
الوليد"والله محد قالك ماتصبر ، ياخي الصبر زين"
نواف"وليد اذلف تراها قافله معي"
عبدالرحمن"قافله ولا قطار"
عبدالله"هههههه ، حلوه حلوه"
هايف"تسلك له عشانه اخوك بس"
عبدالله"طبعا"
هايف"ابو العنصريه ياشيخ ، تعلم تعلم وانت ماهمك الا كرشك"كان قاصد باخر كلامه نايف الي يفصفص ويناظرهم
نايف"شدخلني ، هرجت انا؟"
-بينما عند البنات بمجلس الحريم-
ريم"ابو جوكم كل وحده على جوالها، ابي فعاليات ياخي"
شذى"تبين فعاليات ؟ ، اعرسي"
نوره"اي والله ترا طفشنا وحنا نحتريك"
العنود"اي والله فارقي لبيتك"
مشاعل"زهقنا منك"
ريم"لحوول كل ذا عشاني هرجت ، ليتني عقبت"
نوره"اي افضل لك"
شذى"ابك اعرسي مجهزه لعرسك فستان على كيف كيفك"
ريم تغير الموضوع"الا وين المها و ضحى؟"
العنود"مدري اخر مره شفتهم بالمطبخ يسولفون"
-بالمطبخ-
قاطع سوالف ضحى والمها صراخ نواف بسبب ركبته
ابتسمت ضحى بعد ماشافت المها عقدت حواجبها وهي تحاول تسمعه وش يقول ، دقت كتفها وقالت " هلا بسلفتي"وضحكت ، المها غطت وجهها باحراج
المها"ضحىى اعقبيي"
ضحى بابتسامه"ابشري ابشري"
المها تغير الموضوع"انا اقول مشينا للبنات"ووقفت متجه لمجلس الحريم حيث البنات متواجدين
نوره قطعت الصمت"بنااتت ، شرايكم نروح نتقضى لعرس ريم"
ريم"عرسي مطول يالاخت"
مشاعل"من قال ، شفي قروب العايله"فتحت ريم جوالها ودخلت القروب توسعت عيونها بعد ماشافت ابوها وعمها وجدها يحددون موعد الزواج وهو بكره
ريم"ياويلييي ، ماجهزتت"
نوره"معليك اخوي غبي ما بيلاحظ"
شذى"اتفق مع نوره"قاطع كلامهم ضحى والمها وهم طابين مسرعين عليهم
ضحى"بتروحون بدوننااا"
المها"انا اعترضض وارفض هذا الشييء"
العنود"امشو نقشكم بس"
ريم"اعقبو اعقبو"ورفعت جوالها ترد على اتصال امها
نجد"ريموه"
ريم"سمي يمه"
نجد"البسو عباياتكم انتم والبنات بنروح نتقضى لعرسك"
ريم"زين زين ، ومن بيودينا؟"
نجد"عبدالله اخوك"
ريم بابتسامه"الان اجيك انا والبنات"قفلت الجوال وناظرت لنوره المبتسمه هي والبنات الي يطالعون شذى الي تشرب المويه ويدها ترجف بسبب نظراتهم
شذى بتوتر"شفييكم؟"
نوره"سمعتي عمتي شقالت؟"
شذى" اي اي بلبس عبايتي"وراحت مسرعه تاخذ عبايتها
ضحكو البنات على توترها وراحو كل وحده تلبس عبايتها
نوره لشذى قدام المرايه"بصيح برقعي كاني اربعينيه مطلقه وماخذ ورعاني"
شذى"عانيني كاني جدتكم التاسعه"
ضحكت نوره"حلوه حلو"
شذى"الله ياخذ عبدالله"
نوره"شدخله لحظه"
شذى"بس كذا نشبه"واشرت بعيونها عالدريشه ، وجهت نوره نظرها عالدريشه ولقت عبدالله يشغل السياره بابتسامه
نوره وسعت عيونها وفتحت فمها"الغامض مبتسم من متتى"
شذى"تصدقين حتى انا مستغربه ، بالمدينه دايم يتبوسم"
نوره"يمكن شاف البنات الحلوين"
شذى"اي الله يهنيه ، امشي بس" قالت كذا بعد ما عمتهم نادتهم  ، ركبت شذى ورا عبدالله ونوره جنبها ، وجه عبدالله نظره للمرايه يناظر شذى الي تناظر الدريشه بتوتر
نطق عبدالله"يمه ، تبون اي سوق"
نجد"سوقنا الي دايم"
عبدالله"زين"وناظر شذى نظره اخيره ، وشال عيونه يناظر الطريق بعد ماشغل السياره
شذى بنفسها"اخيرا الشايب مابغى يشيل عيونه لو ماشالها فقعتها له ، رصاص مب عيون ، الله يعين الي بتاخذه امها داعيه عليها"
نزلو البنات من السياره بعد ما عبدالله وطاهم ومشى راجع للبيت
نجد"اسمعو يابناتي حنا بنروح ندور لنا اغراض وانتم رحو دورولكم اغراض ، وانتي ياريم خلي جوالك معك لا بغيناك دقيت"
احلام"خلو جوالاتكم معكم"
هند"انتبهو لعمركم ، يلا يمه"ومسكت يد الجده وضحى ومشو بطريقهم
العنود طلعت ضحكتها الي ماسكتها ، لفت المها بسرعه نحوها باستغراب
المها"شفيك"
مشاعل"بسم الله"
نوره"الحرمه انهبلتت"
ضحى"شبلاكك"العنود كملت ضحك ، لفت شذى على ريم ومسكت يدها ومشو يدخلون وخلو البنات
العنود بدموع"تكفوننن ، شكل مشاعل بالبرقع يضحكك"
مشاعل بعصبيه"ياختي كلي تراب"ومشت مسرعه تلحق ريم وشذى
ضحى"هذي سالفتك ، حمدلله والشكر"
المها"ضحى مشينا مشينا ذي انهبلت"ومشو يلحقون مشاعل الي تلحق البنات ، نوره سحبت العنود بدون كلام مسرعه تلحق البنات قبل ما يخلونها
-البنات داخل المحل-
ريم لشذى ونوره"ها شرايكم بالتاج؟"
شذى"وع كأنه طوق مدرسة فنيه"
نوره"وراه يتبالص كذا"
ريم"اولا اسمه يلمع مو يتبالص يالبدويه ، ثانيا نعم صحيح التاج زفت"ورجعته لمكانه واتجهت تمسك تاج ثاني
ريم"هاه شرايكم؟"
نوره"واو واو واو ، عنجد روعه"
ريم"وراك قلبتي لبنانيه"
شذى"من التسليك"
ريم"انتي كل مامسكت شيي نقدتي علييه"
-من جهه ثانيه-
العنود"بصييح"
المها"وشو علامك"
العنود"الكعب نشب برجلي"
المها"انا قايله لك بينشب بس انتي تحسبين نفسك سندريلا يلا القمي"
العنود"ساعديني ياتبن عالاقل"
المها"الفاظظك ولا ماني مساعدتك"
العنود"غصب عنك تساعديني"
المها"اجل اذلفي"وكملت تدورلها كعب
-من جهه ثانيه-
طلعت مشاعل من غرفة القياس بالفستان توري ضحى ، صفرت ضحى وقامت تصفق
ضحى"انبهرتت ، بتخققين العالم "
مشاعل"لا داعي لا داعي ادري"
ضحى"خفي علينا ، لا تصدقين نفسك"
-عند العيال-
درعم عليهم عبدالرحمن بالثوب الجديد يوريهم
عبدالرحمن"بالله كييف"وابتسم ويتميلح قدامهم
عبدالله"رهيببب"
هايف"قل لنا من وين جبته عشان مانجيب زيه"
عبدالرحمن"يالغيور ، اعرف انكم تغارون مني اف يالغيره"
نايف"حركاتتت الشماغ جديد بعد"
عبدالرحمن"اي شيعرفك"وقام يرقص بالشماغ عساس انه شعره ، قام الوليد يصفق له
الوليد"عاشو ابو داحمم"
فارس وهو يطبل"ابو داحم هييه ابو داحم" عبدالرحمن داخ من كثر الدوران وطاح عالارض ، رفع يده ونطق"لنأخذ قسطًا من الراحه"
-من جهه ثانيه-
نوره وشذى يتهاوشون عند الكاشير من بيحاسب والموظفه تناظرهم تحتريهم يخلصون هواش
نوره وهي ماسكه يد شذى"قسم ماتدفعيينن ، انا بدفع"
شذى"اقول بس تقلعي انا بدفع"
نوره"انا حلفتتت"
شذى"ها اجل والله ماتدفعين"
ريم لضحى"تتوقعين متى يخلصون؟"
ضحى"لين يقفل المحل اتوقع؟"
ريم"الظاهر"
العنود"حنا خلصنا وذول للحين يتهاوشون"
ضحى"تشوفين"
—
عساي ماطولت عليكم بس؟