نوفيلا القاتل بقلمي سما حازم مراد 🤍 ( السلسلة الاولى من غموض القضايا والبحث)

البارت الثامن

وصلنا في البارت اللي فات لما كان...............

وعدا كام يوم واحنا قاعدين في بيت جدتي والبيت كان تقريباً مفهوش حاجة للاكل ولسه احنا الاتنين ذي ماحنا لابسين نفس اللبس ودي عفانة اكيد يعني آنا مستحيل افضل بنفس اللبس تاني

سما : ايه رايك يا مصطفي ننزل نشتري شوية حاجات للبيت واكل ولبس غير دا عشان بقالنا كتير اوي لابسين اللبس دا ودي عفانة اوي

مصطفي بمرح : اه والنبي يختي يلا عشان انا بقيت نتن ومعفن اوي وبعدين جعان اوي وحياتك يا بنتي نفسي اغير اللبس دا اوي

سما بسخرية : حاسس انك معفن يا مصطفى مش متاكد يعني

مصطفي : يابت انتي يأم شبر ونص ولسان طويل اسكتي بدل ما اضربك

سما : بس ياض الزم حدودك واعرف إنت بتكلم مين ويلا بقا عشان نمشي ثم فرت هاربة إلي الخارج وهي تري نظرات تكاد تخترقها من عيون مصطفي ففرت هاربة قبل آن تقع فريسة سهلة لمصطفي

في المول ........

كان مصطفى واقف وهو كان هجيله سكتة قلبية بسبب سما المخبولة اللي طلعت عين ام الغلبان دا باللي ماسكاه في ايديها دا

مصطفي بنفاذ صبر: يارب صبرني يارب يا بنتي في بنوتة جميلة رقيقة ذيك كدا ذي القمر تلبس كارجو وأوفر سايز ليه يعني هي شايفة نفسها راجل يعني قالها بسخرية

سما : أومال عايزاني البس إيه مش فاهمة وبعدين وحياة عيالك بلاش الاسطوانة الحمضانة بتاعت البت نور وعم محمد بتاعت كل يوم الله يكرمك

مصطفي : بعد اذنك لو مش هضايق الراجل اللي جواكي ممكن تعيشي سنك وتبطلي القرف دا والاسود اللي علي طول بيه دا

سما ببرود : لا معلش ملكش دعوة انت بلبسي وبعدين ماله الاسود ما هو ذي الفل اهو

مصطفي : طب بصي بس هناك بصي علي الفستان البينك اللي قدامك دا حلو ازاي

سما : انت ياض بقولك ايه آنا مش متعودة علي الحاجات دي اتلم بقا وغور من وشي ويلا بقا عشان انا مش عاجبني حاجة آنا هاخد دا وماشية

مصطفي بخبث : وماله هجيب ذيه علي الاقل مقاساته واحدة ونمشي سوا واحنا لابسين ذي بعض كأني ماشي مع واحد صحبي

سما بغيظ : هديت نفسي عشان مفرغش المسدس دا في وشه ومشيت برة المحل بعد ما حسبت علي الحاجات اللي خدناها ومكنتش طايقة مصطفي ولا طايقة حتي ابص في خلقة امه ولو كان قدامي كان هان عليا ارميه تحت عربية ولا اقتله واخلص نفسي من غبائه

مصطفي برجاء : ممكن تجيبي فلوس بعد اذنك يعني عايز اجيب حاجة

سما : اتزفت واخلص عشان انا علي آخري

بصيت عليه وهو ماشي وكان دخل نفس المحل اللي كنا فيه وشوية ولاقيته خارج ومعاه كيس في ايديه وبعدين مشينا تاني