#عشك_الملا_ج١
وردة الشيخ محمد
لاتنسون التصويت ❤️✅ 🌟
#جمان #هيثم
كاعدة ولازمه اطفالي بيدي وطلع هيثم يجيب مي ويجي بين ميجي القاضي ، دموعي تجري مقهوره ومكسور كلبي احس متندمه لان حجيت كلشي الهيثم
انقهرت ع ضياء رغم كل الي صار والي سواه بيه وبغيري من اطفال
ابشع شي ممكن يسوي الشخص انو يستخدم الطفل لاشباع غريزته الحيوانيه يشوف الطفل ضعيف ميكدر يحجي ويهدده وياخذ الي يريده ب ابشع طرق ممكن توصل الطفل للموت
هواية اطفال تعرضو للتحرش الجنسي مرات اكول بسبب الامهات ومرات اكول لا بسبب الناس وبسبب اكلهم للحرام وعدم تربية ابنائهم تربية صالحة وبسبب ابتعاد الناس عن الدين ...
هوايه امهات او خوات كبار يدرون خواتهم او اخوانهم الاطفال للسوك او المحلات حتى يشترون الهم الي يحتاجو بس جهلو انُ ممكن هذا الطفل يتعرض للتحرش او الاغتصاب
وميدرون انُ حتى الجار حايط ع حايط ممكن يغدرهم ويكون عدوهم بيوم من الايام
اني ضياء كان ابن جيرانه وصديقة والدتي ، وصديقتي كذلك تعرضت للتحرش من صاحب مكتبة وكان اسم المكتبة احد اسماء الله الحسنى ومعروف بين الناس بالدين والورع وجان رجل كبير بالعمر يطلع عمره اكثر من ٦٠ سنه وجانت صديقتي تروح للمكتبه اشتري قرطاسية الها واخواتها يدزوها واشوفه يلمس بجسمها
بكل براءه بجت وكالت : اني اخاف منه بعد منجي هنا
جانت صديقتي فطنه وذكيه وام لسان ، حجت الامها امها حرمتها من عندي وضربتها وبطلتها من المدرسه وهي كل عمرها ١٠ سنوات ... بدال متروح تاخذ حق بنتها وتعلمها ع كد عقلها انُ اكو امور لازم تحافظ عليها واذا وكعت تبلغ امها واذا احد حجه وياها او سوالها شي تبلغها وتحميلها وتكون صديقة اطفالها من ولادتهم الى مالا نهاية ...
صرت اكثر حريصة على اطفالي من شفت الاغتصاب والتحرش صار مو فقط متركز ع اطفال بنات صار كذلك يمس الاولاد بطريقة بشعه
حرصت ع تعليمهم تعاليم دينا بالغربه ، وبديت انمي عقلهم بأمور تنفعهم وكنت اراقبهم وعيني عليهم وين ميرحون بنفس الوقت مخانكتهم وانطيهم حريتهم بالقدر الي يرتاحله عقلهم
هيثم : وين صافن كبسول
جُمان : حبيبي
كعد بالكاع مقابيلي وحجه : كتلج حقج مايضيع واخذه بالقانون واخلي كدامج يتوسل يطلب السماح
- ابد مااريد اشوفه هيثم الله يسامحه بس اشوفه اذكر
- خلص هاي هي حبيبي لاتنقهرين ابويه
- تمام جبت للاطفال نساتل
- اي هاي بالعلاكه شوفي
اخذتها وطلعت انطيتها اكلو ، لهناك وجان رفعت راسي عين ضياء حزينه وتباوعلي مااكدر اسامحه الي اغتصبهم اربع اطفاال هاي اذا جانو اكثر
