أبنة الشيطان

➛ الحلقه ٩ ➛

⊱━━━━⊰✾⊱━━━━⊰
  بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰

روايــة : أبنة الشيطان

بقلمي : الكاتبه توته

مهم ⚠️" تصويت + تعليق بين كل الفقرات حبيباتي ☘️🤍"

‏كطِير تعبت أجنحته، من حمله،
فسقط في الأرض مُتألماً وحيداً وخائفاً🖤."

· · • • • ✤ • • • · ·

رائد : قطوف؟

رفعت راسي مصدومه هذا مو نفسه الولد الي دعمني بسيارته الي يقرب خاله سعاد ابتسمت من شفته.

_هلا

سرئ : تعرفون بعض

رائد : مو هذيج المعرفه القويه بس شايفها واعرفها

ضياء : هيه هاي موو نفسها بنت ..

رائد : ضياء

ثريا : حلوو الحمدالله لگينه اقاربج

_لا لا ميقربوني بشي

ثريا : چا شلون يعرفونج

_خاله سعاد الي حچيتلكم عنهاا يصيرون اقاربها

سرئ : هاا هيج

رائد : تفضلو اكعدو

_لأ نريد نروح بس سلملي هواي علئ خاله سعاد.

رائد ; هيه هنا انتقلت

_يعني عافت بيتها وشالت؟

ضياء : رائد شكوو تحجي وياها خليها تطلع لاني اطردها

خزره بغضب دار وجهه حسيت ضياء حيل حيل ضايج مني ماعرف ليش عكس رائد هادئ ويانه واسلوبه حلوو بالكلام

رائد : تفضلو اكعدو هنا العالم تدخل تشتري وانتم بالباب

سرئ : ايي نكعد ليش لأ وقطوف هم تعبانه شويه

رائد : اجتج نفس الحاله؟

ثريا : تعرف بمرضها

رائد : أي اعرف

سرئ : ايي والله خطيه هسه دخلنه نزور وتخربطت عدنه وكعت بالشارع وهسه يلا تحسن وضعها شويه.

رائد : الحمدالله علئ سلامتج

_الله يسلمك

رائد : اكو دكتور قريب هنا اذا بعدج دايخه ناخذج أله.

_لا لا زينه احسن وعندي علاج

رائد : علئ راحتج

كعدنه علئ صفحه قنفات موجودات بالمحل حيل حيل متوتره وخجلانه اعصر باصابعي بتوتر والم بالعبايه علئ جسمي ماريد يبين أي شيء منيي.