⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
طابت نفسي منك بعد شتفيد
وبعيني متت شتفيد الاعذار ؟
◎❵══─━━──═∞═─━━─══❴◎
قطوف "
أدركتُ مؤخرًا أنه كلما كتم المرء أحزانه كلما تحولت تدريجيًا ألئ آلام جسديه تخيلوا مدى هشاشة المرء حين يظن أن الكتمان انتصار بينما في الحقيقه هوه أكبر هزيمة قد يرتكبها بحق نفسه.
الوضع الي صرت بيه والي مريت بيه وشفته وعشته ما اتمناه الأي بشر ابد
ماتمنه أي انسان يوصل للحزن والخيبه والكسره الي وصلتها اني.
بكل مره اگول خلص هاي اخر انفاسي راح اموت لان صدمه بعد صدمه صارت تجيني الامور مارتاحيت ولا حسيت بطعم الراحه ابد
من فقدت بالشارع ماحسيت بأي شيء بعد احس نفسي نايمه بنوم عميق كلش تجيني امي تگعد يمي احچي وياها شصار بيه وهيه بس تبتسملي وتمسح علئ راسي باديها.
فتحت عيوني مادري شكد مرت ايام واني هيچ وضعي گعدت علئ ألم وجع كلش قوووي براسي احس مخلين سجينه داخل راسي
بقيت ابچي واون رائد جان يمي مادري شلون وصل الي وين لگاني شصار بيه هواي اساله براسي بس ماكدر احچي
حته الكلام احسه يأذيني والله بالگوه ابلع ريگي راسي احسه مكصوم نصين.
رائد مبين من وجهه حيل متندم وخايف عليه بس لوو يبچي دم بعد مارجعله ولا اذل نفسي اكثرر اني اخذت قراري بعد ماريد أي بشر اعيش وحدي لوو اموت مارجعلهم الي طعنو شرفي وطلعوني مو خوش مستحيل ارجع وياه طلبت منه يطلكني بقه صافن بوجهي سحب نفس قوي لزم ايدي دفعت ايده عني واني اتنفس بصعوبه گلبي حيل يأذيني.
رائد : اسمعيني قطوف الوقت موو مناسب هسه رتاحي ومن تصيرين زينه شتردين يصير
_كلشي ماريد منك بس طلكني انتَ ءء انتَ ليش ماخليتني اموت ليش جبتني للمستشفى
رائد : تدرين شصار وياچ
_شصار؟
رائد : دخلتي غيبوبه صارلج اكثر من اسبوع فاقده
_غيبويه
رائد : أي گال الدكتور عندج ورم بالدماغ وجبتج واجيت لتركيا حته اسويلج عمليه
_تركيا !!!!
رائد : أي بويه هسه احنه بتركيا
بقيت صافنه هذا يتشاقه وياي لو صدگ هسه اني بتركيا هاي الدوله جنت من طفولتي احلم اوصل الها واشوفها حقيقه
