-
دخلت للبيت ارجف مَن الموقف الصار وياي طلع بوجهي خالي ومَن شافني مبهذلة وابچي انصدم واجاني يركض
_ شبيچ بابا هاي شصاير بيچ شكووو احچي
_ خالو خالو هاي واحد چان يلحگ وراي و وخفت
_ استغفرلله دتعاي بابا باعي شحالچ صفره تعاي
حضني واني چلبت بي واتنفس بسرعة مَن الخوف چانت بيبي گاعده ومرت خالو بيبي بَس شافتني گمزت خطيه وعبالها بي شيء حضنتها وهيَ تمسح عَ ظهري تهدي بي
_ يُمه بتي شصابچ بيبي
_ ماكو شيء بيبي صارت هوسه وجابو سلاح وركضت خفت منهم
_ يايمه هاي العالم تعاي گعدي ترجفين
باوعت لخالو وهوَ افتهمني يدري بيها تهبط إذا اگللها ، ضليت گاعده يمها وصعدت بعدني عَ درج وخالو سألني :
_ خالو تعرفين شكله
_ لا خالو مَا شفته چان مغطي وجهه
عفت خالو وصعدت ارجف اريد بَس اوصل للغرفة ، أول مَا فتت ذبيت جنطتي ورحت للچرباية نمت وتغطيت ودموعي تنزل عَ موقف اليوم مُستحيل انساه
مَن الخوف مدري بروحي مَن نمت وفزيت عَ ايد هبة تباوعلي بـ قلق ضليت اباوعلها واني اتذكر شصار بيه
هبة : بيچ شيء رفه أول مَا اجيت بابا گلي شصار وياچ وضل باله يمچ
رهف : لا بَس چنتّ حِيل خايفه ونمت
هبة : يعُمري دگومي حتى بعدچ بملابسچ هسه دنيا العصر وبيبي تسأل عليچ دگومي غسلي وبدلي وأكليلچ لگمه حتى تگليلي شصار
