ادعمو البنات فوط وكومونتار شباب ما تخسرو والو🫶🏻❤️
________________
دخلت للصالو وين كانت خديجةمع خالد قاعدة راحت سلمت عليها وقعدت مساميها كيلتهها خديجة من الفوق للتحت الطفلة صح صح ماشاء الله وخالد لي كان مهبط راسو وخايف من الاحساس لي راه حاكمو ،بدات تسقسي فيها على عمرها قرايتها عايلتها وليلى كانت تجاوب سطحيا مش تحوس تتعمق بصح ضك حصلت تفرت فيها
ناض خالد بدل القش تاعو و سلم عليهم وراح للخدمة تاعو مع دخل قابل نفس البوليسي لي وصاتهم منو ليلى
^^^: بدلك الزواج اسي خالد موالف نلقازك هنا قبلنا هههههه
خالد: المطلوب؟معنديش الوقت
^^^:خويا نتمسخر مالك معبس!!
خالد: مابيا والو شوف روحك لي راك تشرشي
راح في وجهو وخلاه ياكل في روحو ديجا من بكري خالد مايحملوش وزيد راه ينبش وراه وبدا يلقى ادلة انو صح راه يخون فيهم!!!!
دخل خالد للسي سعيد باش يسلم عليه وزيد يضوف كش خدمة جديدة
سي السعيد: هيه عاش من شافك سي خالد
خالد:اسمحلي السي خالد كنت مريض شوي
سي السعيد:الله يشافيك خالد نسقسيك!
خالد:اكيد تفضل
سي السعيد:كي راها بنتي ليلى!!
خالد:والله الحمدلله في نعمة
سي السعيد:نسقسيك اذا ملكنتش تعتبرو تدخل!!راكم متفاهمين!!يعني رايحين تكملو في ذا الزواج!!
خالد: مش تدخل سي السعيد ذي راها مهمة اكيد نكمل فيه حتى نلقو القبض على العصابة لي مشكلتلها خطر في حياتها منبعد هي في طريقها وانا في طريقي
حس سي السعيد بالكذب تاعو كيفاش مايحسش وهو لي رباه وكبرو!!!!
خرج خالد وراح يكمل شغلو نورمال وهو حاس بنفس الشعور تاع البارح شحال كان متوحشها!
وصلت ال7 تاع العشية وكانو ليلى وسيليا يحكو في الكوزينة بعد ماكملو العشا ويستناو في خالد يجي باش يحطو ياكلو
ليلى: لازم نروح غدوا مكانش كيفاش مانحضرش قرايتي راها تضيع
سيليا: ماشكيتش خالد يخليك
ليلى:وشدخلو !!
سيليا:اطفلة اذا نسيتي نفكرك راكي في خطرر
ليلى:مدخلني مكانش كيفاش مانحضرش!!
سيليا: هيه كي يحكموك ويديرو فيك وش يحوسو قولي مكان مادخلني
ضحكت ليلى عليها وقعدت تخمم زعما وش تدير باش تروح تقرا غدوا شوي هاك ودخل خالد
سيليا: خالد نحطو ضك ولا منبعد؟
خالد:عمتي وينها؟
سيليا: اففففف سقسيتك ويلي راها تقرا في القران
خالد: حطي ضك شوي ونجي
راح سلم على عمتو وكمل طريقو للاشومبغ تاعو بدل القش تاعو قعد يشوف في قشها وهو مش يحوسها ترقد معاه في نفس لاشومبغ بصح الله غالب!!راح توضا وصلى الصلاوات لي فاتوه العصر والمغرب خرج لقاهم بداو يحطو قعد يستنا فب عمتو تجي شوي هاك وجات تلمو يتعشاو كامل كانت ليلى مطيبة الدولمة والبوراك واما سيليا خدمت خبز الدار والشكشوكة كملو عشاهم بالسكات ناضت ليلى وسيليا فرزو الحالة ثم وغسلو الماعين منبعد وجدت ليلى البقلاوة ولاتاي وداتهم للصالو
كان خالد قاعد مع عمتو يحكو عادي
خديجة:تحبها!!
خالد:باينة راها مرتي!
خديجة:متأكد
خالد:عمتي الله يهديك شكون مايحبش مرتو
خديجة:بصح عرفت تخير ياوليد الزين ولاطاي الشعر البيوضة واهم منهم قع الاخلاق ماشاء الله حكيت معاها شوي عرفت قداش هي رزينة
خالد:عشت وشفت طفلة تعجب سي خديجة
خديجة:اوليدي الحق يتقال
دخلت عليهم سيليا وحطتلهم لاتاي والبقلاوة ورجعت للكوزينة تعيط لليلى
سيليا: ارواحي تسهري!!
ليلى:اصبري نلبس حجابي و نرمي القمامة حاشاك ونجي!
سيليا:اخطيك ضك انا نهبط نرميها روحي اشربي واحكي
وصح راحت ليلى تجمع معاهم وبدات تحكي معاهم وفي ذيك اللحظة اكتشفو شحال راها مثقفة
هبطت سيليا وهي رافدة سواشي الزبل حاشاكم هبطت حطتهم عن السلة وهي تحط فيهم دخلت في يدها ذيك المراية المكسورة عيطت بالم وجعتها صح صح وزيد مش معقمة جات طالعة باش تعقم وتمسح يديها لانو كمية الدم لي راها تهبط مش نورمال وهي في الدروج وبالصدفة ااا تقابلت مع سامي كان باين عليه فرحان ويضحك شنفت في وجهو وهو مافهمش وشبيها!!
شاف هاك مع يدها لقاها تقطر من كثرة الدم
سامي: يدك مالها؟
سيليا: ماكان مادخلك!
سامي :سقسيتك جاوبي لسانك ذا كش نهار نقطعولك
سيليا:بصفتك شكون!!!روح من وجهي لكشما نقوللك
زير سامي على يدو وهو يستغفر مش يحوس يتهور لانها خت صاحبو برك
سامي: اطلعي لداركم فيسع داوي جرحك
ماريبونداتش عليه وكملت طلعت دخلت غلقت الباب وراحت عقمت جرحها وداواتو وراحت ترقد ماهي نافحتلها في سهرة ماوالو
ŞİMDİ OKUDUĞUN
لمستنا الاولى(باللهجة الجزائرية)
Actionسوووووو اول كرونيك رايحة نكتبو.. المهم الكرونيك يحكي على طفلة تحتمت عليها الظروف انو تشوف عباد مقتولة قدامها وخلاتها تهرب من عباد كانو يحوسو يلحقوها لذوك العباد(يقتلوها) بصح حبيبنا الشرطي الي ويلي عليه بيانسور رايح يحميها!!!
