🫶🏻🫶🏻🫶🏻
____________
قعدو في الصالو يستناو في الضياف شوي هاك ودخل عليهم راجل عادي في وجهو طويل ورقيق شوي وشيخ وعجوزة دخلو قعدو مع بعضاتهم شوي هاك ودخلت ليهم سيليا رافدة القهوة والقاطو لي خدمتهم خديجة كانت طالقة شعرها ولابسة روبة طويلة لونها باج وطالو نوار وكانت حاطة كحل وشوي ڨلوس كانت باينة مشنفة ومش حاطه غاضتها كي مزال ماقالتش لعمتها على ليلى وعمتها تدير في الاحتفالات وقع كان خالد وسامي قاعدين مقابلين بعضاهم خالد كالعاده يخمم فيها وحاس روحو قاعد على نار احر من الجمر شوي هاك وكان قاعد يشوف في سامي كيفاش يشوف في عبد السلام(لي تيتزوج بسيليا زعما) كان قريب تيقتلو شاف فيه لقاه يشوف عبد السلام في سيليا بصح ماركزش معاه او بالاحرى ماشافش نظراتو لختو لي كانت مليانة شهوة وذيك النظرات لي لاحظها وعرفها هو سامي ماقدرش يتحكم في روحو وجا تيهدر حتى قاطعو عبد السلام
عبد السلام: ميسيو خالد!! نقدر نحكي مع مدام سيليا على انفراد؟
خالد: بيانسور سيليا تقدري تديه للبالكو تحكو كيف كيف (جماعة بالكو متحلب وقع )
كان خالد مش حاط نهائيا ويحوس يليكيدي العباد قد مايقدر باش يبقى وحدو في قوقعتو
كان سامي يشوف في خالد مصدوم كيفاش خلى واحد كيما ذا يبقى وحدو مع ختو
كانت سيليا متوترة طول الجلسه حتى نطق عبد السلام
عبد السلام:راكي قريب تكوني مرتي وديجا شكون ترفض طبيب
شافت فيه بصدمة وهو كمل
عبد السلام:المهم نتي كي تكوني مرتي رايحة تديريلي كلش بمعنى اخر تعبديني بعد ربي(استغفر الله والعياذ بالله)وباش يكون في علمك نتزوج بال4 لي حللهم لي ربي باش نشبع رغباتي
ناضت سيليا ونطقت
سيليا: وباش يكون في علمك اذا قبلتها بيه راني بنت حرام
عبد السلام: وانا وش ضمنلي بلي مكش حرايمية هههه المهم راكي قابلة سور
ناضت ليه ومع ذاك الغل والحقد وكلش عطاتلو كف دار وجهو لهيه(سيليا اليوم راها تكفف وخلاص)
وعيطت في وجهو
سيليا:تخرج من داري ضك
شافها مصدوم وشبيها ذي وزاد غاضو الحال كي عطاتلو كف شدلها يديها وزير عليها
عبد السلام:عاودي وش درتي ضك عاودي؟
سيليا(بعياط):اطلقني
جا خالد وسامي يجرو وشافو المنظر لي قدامهم راح خالد شدو شبعو ضرب كيفاش يشد ختو هاك!! واما سامي راح يشوف في سيليا لي كانت تبكي بهستيريا حسبو كشما دارلها راح خالد يشوف ثاني في ختو وهي ماحبتش تسكت
في ذيك الدقيقة وصلو الكبار وشافو عبد السلام مرمي فوق الكرسي ووجهو ازرق وسيليا تبكي وخالد يسكت فيها
سليمة(ام عبد السلام): شكاين هنا بني بني وشبيك؟
خديجة:اويلي وشكاين هنا خالد وشدرت للطفل!!
خالد:الله اعلم وش دار للطفلة لي ناضت تبكي وزيد تيضربها وشادلها ذراعها وذي قع ومزال ماتزوجوش
سليمة:عبد السلام صح كاينة؟
عبد السلام:ماما ايا علينا مانناسبوش ذون العباد حاجة بيني وبينها تدخلتو فيها قع
خرجو عبد السلام ودارهم وسامي ثان راح وخلاو خديجة لي كانت تعيط عليهم كامل
خديجة:هاهو راح طفيل كي الورد
سيليا:عمتي راه وقيل وقتها!!مامي سامعه والو وزايده جايبتلي ذا الحية في وقت مش وقتو كامل
خديجة: علاه وش كاين!!!
خالد:ماكاين والو سيليا الهاي بروحك
خديجة:انطقو فيسع!!!
سيليا: انا ضك نقوللك وش كاين!!ليلى مخطوفة عندها نهارين ومن تفس العصابه!!!
انصدمت خديجة وحلت عينيها شحال كانت عزيزة عليها ليلى طفلة شادة قدرها وفمها ماتخرب في حتى واحد
__________________
ناضت ليلى على الصوت العالي لي طلقوه فجأة فتحت عينيها وشافت حمد مقابلها
حمد:ياعمري شحال كيوتت
ليلى: وشكاين!!
حمد:ارواحي حاسبيني ضك جبتلك خبر
ليلى:خبر!!
حمد:لالا زوج نقوللك؟اولهم خويا حبيبي جاي غدووه كي سمعك هنا قرر انو يسرع الجيه شوي وثاني خبر سمعت بلي عمك رحل في شبتك وخلالك كامل حقك هنا بحسبك تترجعي لحياتك المسكين وزيد زيييد مش يحوسك تعرفي وراه لانك كرهتيلو عيشتو!!!اخبار يهبلو صح؟
انصدمت ليلى وبداو دموعها يهبطو تدريجيا
ليلى:ماتكذبش امانه لالا ماتكذبش مايديروهااش
حمد:نحاسبك على ماتكذبش ذي وضك انا نوريلك الدليل
فتح التيليفون وورالها الفوكال لي سجلاتو مرت عمها لعمها(حمد تفاهم مع مرت عمها باش يديرو هاك لانو هددها بولادها حتى وليلى عزيزة عليها بصح ولادها اعز باينة)
بدات تبكي وتضرب في الارض وتعيط للرب لي خلقها
حمد:ايا بلعي بلعي وضك نحاسبك
راح قدم ليها ونحلها خيمارها في اقل من الثانية عيطت ليلى عليه
ليلى:رجعو يالحمار رجعوو
جات نايضة باش ترجعو حتى عطاها بوكس طيحها للارض
حمد(بعصبية): شكون الحمار ها شكون راح ليها وبدا يضرب فيها تقول مش عبد فسدلها خليقتها شوي هاك وناض يضحك وحدو
(نظن عرفتو بلي راانا مع مريض نفسي )
حمد:يالزينه فسدتلك شوي برك من وجهك
ناضت تبكي من الالم النفسي والخارحي ومن كلش
ليلى:امانه رجع الخيمار حرام عليك
حمد:بصح شعرك شباب بلا!!! ديجا مابقاش وتنحي كلش قدام خويا واتفقنا مرة ليا ومرة ليه
ليلى:حسبي الله و نعم الوكيل فيكم حسبي الله ونعم الوكيل
حمد:ايا اسكتي اسكتي هاكي البسي وبلعي علينا
حمد: يااااو يالرااااقدين يالحميررررر(على الي يخدمو معاه) جيبولها الفطور جيبولها
أنت تقرأ
لمستنا الاولى(باللهجة الجزائرية)
Actionسوووووو اول كرونيك رايحة نكتبو.. المهم الكرونيك يحكي على طفلة تحتمت عليها الظروف انو تشوف عباد مقتولة قدامها وخلاتها تهرب من عباد كانو يحوسو يلحقوها لذوك العباد(يقتلوها) بصح حبيبنا الشرطي الي ويلي عليه بيانسور رايح يحميها!!!
