بين انيابهم

••العثـــرة الثانية عشر ••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تـــــاج

••2016••

تمــࢪ السـنين اسوء من الي قبلها ڪُل سنة مرت عليّ ڪسرتني اكثر من الي قبلها

ابتهال رجعت اخذتني يمها بس هالمرة بأرادتي اني وبسببها هيَ استغلت نقاط ضعفي

وخصوصاً هيَ تعرف نقطة ضعفي شُـذير.... شهدت بهاي السنين انواع واشڪال الجرائم الخطف الشرب الزنة... والخ من الشغلات الي ما تنراد

جان ڪُل فعل يسوونة اشهد عليه واتسلل وفضولي يدفعني حتى اكتشفة

ما جنت اكدر اشتڪي عليهم لأن اني متورطة وياهم ولا جنت اكدر اشرد لأن هما لا واحد ولا اثنين عصابة مرتبطة بعصابة يكردون يلكوني

اشوفهم مرات يصعدون جثث او اشخاص خاطفينهم فوك بس ما بأيدي شي اسوي ومنو يصدڪني؟

بنية وحدي بين انيابهم ينهشون بلحمي و اي فعل اسويه يهددوني بسالفة قتل عدنان او بشُذير الاااخ يا شُـذير اكثر انسانة ڪسرتني خصوصاً من ڪبرت وبدت تفهم هيَ منو ووين و عند منو
بدايتها جانت من تسمع اصواتهم القذرة بالليل ترفع راسها وتحجي

شُـذير.... تـــــاج شنو هذا الصوت؟؟

واني احاول اجرها الحضني واشتت انتباها

تـــــاج... معليج حبيبتي نامي

وهيَ تسڪت وتنام وما ترجع تسأل هالسؤال الة الثاني يوم وما تلكة جواب مني غيرة

شُـذير حيلل هادئة وخوافة وهذا الشي مطمني لأن ابتهال مبتعدة عنها بس تنطيها شغل البيت واني عليّ الشغل البرة اوصل او اذا عدهم شي استلمة وهذا الشي جان اجباري لأن بڪُل مرة جنت اوصل الهم يجبروني اوقع او يصوروني وڪُل ما اريد انسحب يهددوني بيهن