بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شُـــــذير
زڪريا.... هاج شربي وخلي نحجي
مديت ايدي الترجف واخذت الڪلاص من عندة قربتة من شفايفي بعدني ما مخلية المي بحلڪي وحجة
زڪريا.... الجابتج كدام الموڪب مو امج صح؟
طاحت ڪاسة المي من ايدي وباوعت الة بخوف رجفن شفايفي وما جاوبتى يربي هذا شلون عرف زين اني حتى ما حاجية معقولة يعرف ابتهال لو قاسم رجف جسمي ڪُلة اني منا باجية هوايه واعصابي تلفت اليوم ومنا هذا صدمني بحجايتة من الخوف فجأة دخت وما حسيت بشي
.........................
آرام
ڪاعدين بالامام والساعة حوالي 1 بالليل مغمضة عيوني وساندة راسي على الحايط واستمع للقراية الي مسوايتها النسوان والطم على رجلي اجواء لا ارادي تقشعر البدن
فتحت عيوني اريد احاجي امي شفت ليلى تحوس وتهمس بأذن امها اجت عينها بعيني حجت بعدم اريحية
ليلى.... اكلج آرام مو جنهم اتأخرو!
آرام.... منو همه؟
ليلى... زڪريا ويه هذيج البنية الهسه ما رجعت وهوَ وينة!
آرام.... وشلج شغل بيهم عوفيهم لو بيج دودة الة تعرفين
خزرتني امي وحجت
اسيل... آرام شنو هذا الحجي كاعدة بحضرة امام عيب يمة
آرام... ما تشوفينها ماما حجيها ما ادري شلونة
زهـره....عوفيها بيبي لا اتعبين رويحتج وياها شڪول على رضيوي انحصر وعفتها جان هسه انه وياهم
YOU ARE READING
بين انيابهم
Actionحـقـيقيـة ٪100 أَرْبَعَةٌ لِبَوَاتِ يَدُورُ حَوْلَهُنَّ مَجْمُوعَةٌ مِنَ الذِّئَابِ لَڪُلِ مِنْهُمَ غَايَةِ.... _متجبرات _قَوِيَّاتِ _شَامِخَاتٌ _ڪأَسْرَاتِ لَقَيَّدُوهُمْ _رافضات لِلْخُضُوعِ _قلبهن مِلْجَا لِلْحَنَانِ وَالْحَبْ _وَقَفْنَ أَم...
