حب التيام 4
بقلم سما النجدى
••أيوا يا عم ما اللي لقى أحبابه نسى أصحابه
آسيل: دا المفروض الكلام دا ليا صح
( قالت كدا و هى بتضحك 😂 😂 )
شمس: بت مش تستفذينى
آسيل: هو أنا قولت ايه يا حنفى
شمس: لا مقلتيش يا كيداهم
و فضلوا يضحكوا و مرة واحدة شمس سكتت و آسيل قالتلها سكتي ليه
شمس: أنتى صاحيه ولا أنا بحلم
آسيل: نايمة و أنتى بتحلمى
شمس: بت أنتى صاحيه بجد
آسيل: لا بتكلمى شبحى
شمس: آسيل
آسيل: يا نعم
شمس: ازاى صاحيه بدري
آسيل: عشان مانمتش أصلا
شمس: أنتى و مش نمتي فى جملة واحدة أنتى تعبانه يا حبيبتي ولا حاجة لو سخنة قومى خدى دوا عشان بتهلوسى و بدأتى تخرفى
آسيل: ايه يا بنتى دا كله ( قالت كدا و هى بتضحك 😂 )
شمس: مش مستوعبة و لا كلمة من اللي قولتيها
آسيل: ايه اللى مش مستوعباه يعني مش شايفة حاجة غريبة
شمس: دا كله و مفيش حاجه غريبة
آسيل: اه و سلام عشان عايزة أنام
شمس: هى دى آسيل صحبتي
آسيل: مبسوطه دلوقتي سلام عشان هموت و أناااااام
شمس: سلام ايه يا ببلاوى دا أنت هتحكى كل اللي حصل من طقطك لسلام عليكوا
آسيل: بكره يا شمس والله هموت و أنام
شمس: ما هو إحنا بكره
آسيل: طب سيبينى أنام نصاية و هصحى أحكيلك زى ما أنتى عايزة
شمس: حبيبتي بلاش ننصب على بعض
آسيل: فين النصب فى كدا
شمس: يعني انتي عايزة تفهمينى إنك بتنامى نصاية ولا حتى ساعايه دا أنتى بتنامى يومايه شهراية
آسيل: بلاش أفورة ( قالت كدا و هى مش قادره توقف ضحك على كلام شمس )
شمس: أسيل إنتى تعرفى عنى ايه
آسيل: زنانة و حشرية
شمس: أديكى قولتي لنفسك فخلصى كدا يا حبيبتي عشان مش هتنامى غير لما أعرف
آسيل: هأحكى و أمرى لله
و بدأت آسيل تحكي لشمس كل اللي حصل من أول ما وصلت الفيلا لعند ما شمس رنت عليها و استمر الكلام لمدة ساعتين و بعدين قفلت معاها و نامت و بقت الساعة عشرة الصبح و كانوا لسا نايمين ( أقصد آسيل و نور و هادى و تيام و خالد )
بقلم سما النجدى
_
_________________________
فى المطبخ
كانت واقفة عائشة و جميله بجهزوا الفطار و قاعدين يتكلموا
عائشة: وحشتني الواقفه مع بعض في المطبخ يا جوجو
جميله: و أنا والله كنت أول ما أدخل المطبخ اقعد أفتكر و إحنا بنطبخ و بنتكلم سوا
عائشة: اهو هانت خلاص و نبقى مع بعض كل يوم زى الاول
جميله: اه بس آسيل تخلص امتحانات و نرجع تاني هنا و ترجع أيام زمان
عائشة: هى امتحاناتها امته
جميله: الأسبوع الجاى
عائشة: ربنا يوفقها و نفرح بيها يارب و تبقى أكبر مهندسة
جميله: يارب يا حبيبتي
عائشة: الولاد شكلهم ناموا متأخر
جميله: اه دا أنا كنت قايمة أصلى الفجر شوفتهم و هما رايحين الجامع
عائشة: بقالهم كتير مش شافوا بعض فأول ما جتلهم فرصة قرروا يستغلوها
جميله: ربنا يخليهم لبعض
عائشة: يارب..... مفيش أجمل من صحاب الطفولة
جميله: ربنا يديمها نعمة
عائشة: اللهم آمين
YOU ARE READING
حب التيام ❤⚡بقلم * سما النجدى 🇸🇳 *
Romance♕ تيام الوردانى ♕ ~ مهندس معمارى ♕ آسيل الحجازى ♕ ~ طالبة هندسة معمارية ماذا سيحدث عندما يجتمع التلميذ مع الأستاذ؟ و ما هى النتيجة؟ 🤔😉 بقلم * سما النجدى 🇸🇳 *
