ما رهمت ويانه تكول ماعيش
بـ محكمة القدر طلگنا الافراح
طيور الخير هجن عافن البيت
وغراب الفگر بمجانهن صَاح
مسودن بختنا وحظنا مشلول
ومن كثر الحزن منهم عَ راح
-جَبار رَشيد
.......
گاعده بغُرفتي مِثل كل يوم بصف الشباك اباوع للناس تروح وترجع
والسيارات يلي تُصف كلمن بصف بيته
افكر بيني وبين نفسي كل هل ناس كلمن وأله قصة خاصة بيه واكو اتعس مني وحظهم عاثر اكثر واكو يلي ظلم واكو ظالم
بين ما اني افكر اتجه نضري على العرگجي وهو يصف سيارته وبطاله العرگ بعلاگة سودة رفع راسة فوك وشافني گمت بكل خوف سديت البردة والشباك ما سمعت الة رگعة باب غرفتي
رؤيا : رواء عزا بعينج يمكن شافج كم مره گتلج لا تفتحين الشباك هيچ وقت اليوم يسوي الليلة سودة ادعي ما شايفچ
رواء: باوعتلها بنضرات جمود ماكو اي مشاعر بس الخوف بگلبي يدُگ
گعدت رؤيا تحوم بغرفتي رايحة جاية سمعنا صيحتة من جوا وهو يصيح علية باوعتلي رؤيا بخوف ابتسمت ألها وعفتها ونزلت وهي لحگتني
باوعتلي گاعد بلصاله مثل كل مره قميصة مفتوح بدايتة وبطل عرگ بيده
أشر لرؤيا على النرگيلة معناها سويلي نرگيلة
وگفت كدامة وعيني بعينة بكل برود دفرني على بطني خله مُصاريني تكمز احاول اتماسك وما اطلع صوت
فائق: كم مره گلت شباك الغرفة مينفتح والاضرب تباوعلي من فوگ بنت الك.... ليش متسمعين كلام كح...
رواء : گام جر شعري واني صافنة شيريد يسوي اجتي رؤيا تدفعة عني بس اذا هو بغل حتى ميتزحزح
رؤيا : بابا عليك الله عوفها بعد ماخليها تفتح الشباك
رواء: دفعني حيل على الحايط وهو يسب ويشتم بأمي لان خلفتنا حسيت كل عضامي كامت توجعني گومتني رؤيا واني احاول اتمسك بيها من الوجع صعدتني على الدرج وراحت اذا ما كملت النركيلة يسوي مشكلة ويضربها
طبيت لغرفتي دفنت راسي بفراشي وگامت دموعي تنزل والشهگة كوه كاتمتها تذكرت ايام من چانت امي عايشة شون جان يعاملنا زين وما يسوي هيج ويانا حاولت شكد ما اگدر انام بس جافاني النوم دخلت رؤيا وبيدها مي فرشت بصفي وهي تستغفر
رؤيا : رواء ادري بيچ گاعده لا تقهرين نفسچ وتسوين بنفسچ هيچ احمدي الله على يلي عدنا ولا اسوء خلي ثقتچ برب العالمين چبيرة يجي يوم ونطلع من عنده منضل يمه
رواء: مارديت عليها لان بس احجي ابچي سمعت انفاسها استقرت عرفتها نامت وخرت الغطة عن راسي اباوع عليها
رواء: مادري شگولج رؤيا بس العيشة دتصعب يوم عن يوم وما فد يوم ضحكنا ولا فد يوم زار الفرح بيتنا من يوم ما ماتت امي يمكن الله ديختبرنا بهل شي بس والله صعب حسيت بحراره على شفايفي لمستها خشمي طگ دم گُبل خليت ايدي علية وركضت للحمام حاولت شكد ماكدر اوقفة
باوعت للمراية جوا عيوني اسود من الارق شعري من گدام خفيف من گد الشد يلي يشده من يعصب بس طويل لنهاية ضهري جسمي نحيل لدرجة بچيت واني اباوع لنفسي
رواء : هذا وجه بنية عمرها 19 سنة ولازم هسه هي دخلت جامعة بقالي بس الروح كُلشي انشال مني
رجعت لفراشي ونمت من گد البچي
رؤيا: گعدت على صوت طگات جوه باوعت رواء نايمة بصفي والبطانية بيها دم عرفت خشمها طگ دم مو اول مره انسحبت على كيف جوا باوعت اله ديسوي اكل لنفسه يمكن اليوم شوية سرح بطالة العرگ خلصانة لميتهم باوعت مسدسة بصفي مال اشيلة واضرب علية بس حرام علية
باوعلي وباوع للمسدس يريد يشوف شسوي ابتسمت أله وركض لگفة وراح للغرفة رحت للمطبخ
فائق: سويلي زقنبوت اريد اطلع ونوم بعد لهيچ وكت ماكو ممگاعدات بفندق خمس نجوم
رؤيا : ما ناقشتة سويت بيض لان على السريع خليتة گدامه باوعلي وكمل اكل
فائق: جبت الچن مسواگ بصل وطماطة وبتيتة راح اروح اسبوع عندي شغل اكملة وارجع
رؤيا: باوعتلة وجفلت وين تعوفنا واحنا بنات وحدنا هنا
فائق: ما عليچن شي اشو كل وحده بيچن راسها اگوه من الحديد
رؤيا: بابا كلشي يصير واحنا نخاف وحدنا شمر الماعون بس مااجة بيه
فائق: من احچي لا تناقشيني راح اروح وهاهية اكيد متحتاجن شي
رؤيا : باوعتلة وعيوني غرغرت دموع مو حباً بيه بس هاي اول مره يعوفنا وحدنا ومنطقتنا اصلاً تعبانة نُصها عرگجية امثالة
صاحني انطي الجنطة مالته رحت اريد اجيبها بس ثگيلة شيسوي بكل هذا وهو رايح اسبوع اريد افتحها اشوف شبيها گُبل فتح الباب وسحبها مني ضربني على راسي بيده
فائق: بنت الكلب كم مره گتلج لا تفتحين شي اذا مو اني اگلج
سحبها وراح خله الفين ونص على الميز وطلع ركضت قفلت الباب ورا
نزلت رواء تباوعلي
رواء: هذا وين راح
رؤيا: مادري يگول عندي شغل
رواء: شنو راح نضل وحدنا ما يفكر بينا كلشي يصير
رؤيا: مادري تردين اكل
رواء: لا
مَرت الايام عادي على الرُغم من خوفنا بس وحده ما بينت للثانية أله ما اجة هل يوم
چنه گاعدين نتعشى طماطة حمس وبتيتة ونحچي اني ورواء
سمعت دگة الباب بس تجاهلت عبالي بس اني اسمعة فجأة صارت قوية حسيتة ينكسر سحبت حُجابي ورواء تباوعلي صحت من ورا الباب منو ورجع اندگ سريع گمت اعيط منو ماكو احد جاوب بس دگة الباب
رجعت للطبخ وي ماريد اقفل الباب وگع الباب البرا وهو ضال بس الروح بيه وفاتو أشخاص ملثمين بس عيونهم مبينه طبكت الباب على السريع ورواء وراي اريد اقفلة ومااحس اله صرت بالحايط گمت اعيط وابچي اريد افهم ذولة منو واحد منهم وجه السلاح علية وزاد عياطي ورواء تعيط وخشمها بده يُطگ دم
: داحچي وياچ لچ وين فائق
رؤيا: انت منو عوفنا والله مالنا دخل
:وين فائق الكلبب انتي مو بنتة اكيد تعرفي وين
رؤيا: والله مادري امانة وخر السلاح بس خل اشوف اختي حتتخربط
:باع هاي احنا گوه يلا لگينا أله طرف خيط وهسه جاية تبيع اخويات براسي
رؤيا: مااحس أله راسي انجر ونرگع بلحايط من الضربة دخت وفقدت توازني گعدت بالگاع اباوع لرواء اسمعهم يحچون بس مافهمهم
تقرب احد على رواء استجمعت كل حيلي وشلت الصينية وضربت راسة بيها باوعلي وطلع منديل من جيبة وحطة على خشمي واني اريد اصرخ ماكدر اتنفس حسيت بلدنيا غوشت وبدت تسود واخر شي شفتة رواء وهي تصيح .
رواء : مادري شصار ولا اعرف منو ذولة وشنو يريدون منا رؤيا تحاول تقاوم وتصيح بس محد گدر يشوف شبينا ولا احد فكر
من انضربت رؤيا گمت اصيح بكل قوتي تقرب مني واحد منهم
يريد يلزمني هنا اني تخبلت كم شكو شي گدامي اشمره علية الا ماحسيت ضربتة رؤيا بلصينية وي ما دار وجهه على رؤيا ركضت للسچينة وخليتها بيدي
رواء : بس تتقرب اموتك إياك تتقرب
يباوعلي بكل برود اعصاب خشمي بده ينزف اكثر واني اعيط حسيت الدنيا دارت بيه وي دوختي هو غلبني وخله ايدي ورا ضهري تخبلت كمت ارافس واريد يهدني بس يا جبل ما يهزك رحيل هو ثابت والسچينة يم رجلية دفرها لبعيد حسيت باب البيت انفتح وي عيطتي خلة المنديل بوجهي وبعد ماحسيت بأي شي
رؤيا: فتحت عيوني بغرفة ضواها قوي ضرب على راسي وغمضت حاولت استرجع الاحداث وتذكرت رواء كُبل فتحت عيوني صارت بوجهي المرآية باوعت على نفسي وحجابي بصفي خليتة على راسي وادور اي شي يطلعني منا ماكو بس هل باب
كمت ادك علية بكل قوتي واني احاول اصيح بس صوتي مبحوح ادك وماكو جواب بس اسمع مشي ناس
رجعت ليوره وركضت للباب وي ما ردت اطخ الباب انفتح لزمني شخص ورجعني وسد الباب
:شونها الحلوه هسه گعدت بنت العركچي الچبيرة
رؤيا: باوعتلة ورجعت ليوره ادور اي شي اضربة بيه بس ماكو
: لا تعبين نفسچ ما راح تلگين شي فضيت الغرفة علمودچ ام الصياني
رؤيا (بصياح) : انت منوو رواء وين وشجابني هنا شتريد مني
:لا لا لا ما تفقنا هيچ يا مُزه بعدنا بأولها وگمتي تعيطين على گيفج وي نفسچ لا يصير بيچ شي
رؤيا: عليك الله خلي اشوف اختي والله گلبي عليها مثل النار
:لاا صدوووك خل اطفيلج نارج لعد
رؤيا: راد يلزمني وتخبلت علية كل قطعة بجسمي ترجف واني اصيح
رؤيا: بستر اختج وامك لا تلزمني
باوعلي وابتسم رجع للباب فتحة وطلع
كل اطرافي ترجف واني احاول الزم نفسي وما اتخربط
رحت ادور بالغرفة على اي شي يوصلني لو يطلعني منا
ماكو بس چرباية ومرآية
النوب اتهسترت بلزايد واني ماشوف شي يدلني واشوفهم شيردون منا وليش هلگد مُصرين علينا واذا هُما همهم ابوي ليش اجونا
گمت بكل حيلي وجريت الچرباية احاول الگا اي شي يطلعني منا
صارت الچرباية صفح شلت الدوشگ جان يطلع منها
يَتبع.....
حللتُم اهلاً ووطئتُم سهلاً
هذا البارت الاول من القُصة اتمنى ينال إعجابكم
لا تخبلون علينا ومتنطون رأيكم 🤍.
YOU ARE READING
حَواء
ChickLitلا اعرُف ماذا أصابني ، رُبما لعنة الحُزن التي يُلقيها على العِراقيين ام الحظ العاثر الذي تَركني في جَوف الحِزن يلهو بيه ، إن احببتم أن تقرؤ من ما كَتبت أناملي فا حَللتُم اهلاً ووطئتُم سَهلاً .
