اخ من حِزنك يگلبي چمره مضمُومه بجريدة ..
.
شلت دوشك الچرباية ووگع منها علاگة ركضت عليها وافتحها بسرعة خاف يجي ويشوفني افتحها وايدي طلعت منها صور وكتابات صور اطفال وبنية بنصهم حنطية وشعرها غامق اسود ومخلية كُحل على عيونها وطفل رافع راسة مباوع عليها ماركزت حيل بلصوره اوراق كومة ورسائل فتحت وحده من الرسائل مكتوب بيها .
حبيبي
لقد طال البُعد هَذهِ المره ارجوكَ مَر لي كطيفٌ او حلمٌ
اشتقت لكَ عقلي لا يتحمل فكره غيابُكَ كُل هذهِ المُده
ولا فؤادي قادر على ان يبقى بَعيد عن فؤادكَ
حبيبي ارجوك اجبني ولو بكلمة فا نيران قَلبي بدأت تشب تحتاج لكَ
كوثر
2003/12/7
تخبلت اكثر دافتح بالثانية وسمعت صوت المفتاح ضميتهم وراي وخليت ضهري على الحايط دخل نفس الشخص وهم مُقنع باوعلي ووگف گدامي
ومَد ايده أليه
:يلي بيدچ ينحط بيدي ما ألج غير كم ثواني واذا مصارت بيدي احسبي اختج ميتة
رؤيا:من سمعن بطاري اختي كُل اطرافي رجفت كمت اصيح وهو يضحك شالهن ويريد يطلع لزمتة من ورا
رؤيا: بداعت كل عزيز على گلبك احلفك بيلي يعزه گلبك بس خليني اشوف اختي باوعلي وصفن بوجهي نتر بيه
نجم: راح اوديچ لاختچ بس اي كلمة زايده ناقصة تشهدين موتتها بعينچ
رؤيا؛ لا لا والله ماحجي بس وديني
نجم: صارلج ساعة تعوين فضيني
رؤيا:طلع سلاحة خلاه بضهري واني امشي وهو يوجهني روحي منا وتعاي منا عبارة عن بيت كُلش چبير وغرف متفرعة صعدنا درج يمكن اطول درج بحياتي صار لان ماعرف دربي وين ولا عندي طاقة امشي ماعرف صار شكد بدون اكل خلص الدرج واربع غرف كدامنا
نجم:الغرفة الثانية على يمينج كدامي يلا
رؤيا:دخلت للغرفة دفعني وقفل الباب اخر ذره بعقلي فقدتها كمت اعيط وادك على الباب واصيح
رؤيا:الله لا يوفقك كلب الله لا ينطيك جذبت علية ان شاء الله تطلع بعزيز گلبك يلي حلفتك بيه لك حيوان افتح الباب اختي وين عار وين وديتها شسويت بيها سمعت طگة المفتاح اني خنست سحبت نفسي على كيف
فتح الباب وذب رواء علية
رواء:بعد اخر شي حسيت بيه هو المنديل هو وجهي واني بسيارة تمشي بسرعة هائلة صوت طلقات وسب وشتايم رفعت نفسي داشوف شكو
سلمان:لك هاي گعدت ابن ال... كم مره كتلك عوفه ميفيد
رواد: كرمنا بسكوتك وسوق هسه يلزموك يسووك وصلتين
رواء:طلع منديل من جيبة واني صرخت باعلى صوتي وهو گُبل حطة على حلگي واني ارافس بيه وما اشتم منه أله ما سد خشمي ويا واختنگت وانجبرت اشمة وساحت روحي عقلي بده يضرب الدنيا غوشت بعيني ورجعت نمت
گعدت وحدي بغرفة يمكن بكد بيتنا مليانة كُتب ومكتب چبير حيل وبأخير الغرفة حمام حسيت معدتي گلبت ركضت للحمام لان معدتي فارغة ماكدرت اذب شي رجعت للمكتبة اشوف بيها انواع الكتب ما تقربت منها بس شفت عصير وكيكة على الميز مال مكتب اخذت العصير شربتة واخذت زاوية انتظر اي شي يجيني مشت الساعات واني نفس الگعده حسيت نفسي حنفجر وغضب بداخلي لدرجة بنفسي اكسر اي شي يجي گدامي گمت بكل هدوء الكتب يلي على الميز طشرتهم وچان اكو شمعة بگلاص ضربتها بلحايط ذبيت كل الكتب بلگاع النوب من شفتها هيچ تخبلت روحي تلوب تريد شي بس ماعرف شنو گمت اعيط بكل علو صوتي واشكك بنص الكتب وادفر الباب وارجع اهدء وارجع نفس الشي أله ما تعبت وحسيت روحي تعبت وغفيت بين الكُتب
گعدت على فتحتة الباب دخل شخص مُقنع مبينة بس عيونه فتح عيونه على وسعهن من شاف هيچ الغرفة صاير بيها
رواد: اني مراح اضربج ولا راح اعيط عليچ بس الاگوله الچ شي واحد كل كتاب هنا اغلى من راسج وياريت تحترميهم
رواء:النوب زاد خبالي من گلي هيچ جان كتاب بصفي وشمرتة بوجهة
رواء: اخذ هذني الاغلى من راسي وگولي اختي وين
رواد: مادري اختج وين شوفيها بجيبي
رواء:انجب دماغسزز اختي وين وليش جايبنا هنا وشتريد منا احنا مالنا دخل بلكلب فائق
رواد: احنا يلي نحدد هل شي صيري حبابة واسمعي الكلام حتى تطلعين منا بسرعة
رواء:اختييي ويننن داحجي وي جحش اني اختييي وينن
عافني وطلع وسد الباب بعد ما خله اكل على الميز كمت اضرب بلباب وشلت الاكل وطشرتة جانت عباره عن لفة مال كباب وبطل مي رجعت لنفس الزاوية وضليت صافنة وغطيت بلسواد يلي اخذني عن العالم وفصلني عنه
حديقة چبيرة مليانة خضار واشكال الورود وريحة الياس طاغية بيها اجتني امي من بين هل زرعات تباوعلي وتبتسم وتمشي وامشي وراها فجأة هل حديقة تحولت لغابة محروگة كلشي بيها مليان سواد وامي اندارت علية ولأنها مو امي وجوا رجلي قبر
فزيت من حلمي على فتحة الباب دخل شخص الي بس غيره باوعلي وبدون سوابق انذار خله السلاح براسي
نجم:اي كلمة والثانية يتفرغ براسچ
رواء: التزمت الصمت ومشيت ويا بكل هدوء لازم اضل هادئة حتى اعرف عن هذ مكان طلعني من الغرفة وهو يتجة بيه لغرفة ثانية وكل ما اتحرك ينبت السلاح براسي تقربنا لغرفة واني اسمع صوت رؤيا من سمعته گمت اصيح وابجي هو دخلني للغرفة وقفلها وراي دخلت اشوف رؤيا وجها دم من البچي والصياح ركضت حضنتها ودموعي تنزل
رؤيا: شسولج طمنيني عنج خما سولج شي خما أذوج الله يكسر ايدهم وجهج كلة دم
رواء:مااسو شي بس خشمي طك دم وماگدرت اسيطر علية
اثنينا انغمسنا بدموعنا ممتعودة على اختي واعوفها احنا حتى بلمدرسة ما افارقها شون فارقتها ضلت تبوس بيه بكل وجهي وتدعي عليهم مادري شگد مر من وقت واحنا على گعدتنا ونحچي لبعض شصار هواي مرت علينا اشيا بس هاي اقواها لان فرقتنا عن بعض صافنين احنا ورؤيا حاضنتني
رواء: شراح يصير بينا هسه
رؤيا: سكتت بدون ما اجاوبها متأكدة راح يجي ياخذني وراح يفرقني عنها لازم نهرب يلي بعقلي حالياً بس اهرب ماريد اضيع ولا اريد اضيعها وياي
گمت افتريت بلغرفة بيها مكتبة بلحايط وبس هذا البيها بس بيها حمام دخلت للحمام افتريت ادور اي شي حاد يجرح مالگيت باوعت للمراية وتأكدت هي مو ملزوگة بالحايط طلعت وباوعت لرواء
رؤيا: شما يصير وشما تسمعين اصوات ممنوع تدخلين
رواء: شنو البراسج رؤيا لا تورطينا اكثر ما احنا مورطين ترى البينا كافينا
رؤيا: اسكتي اذا ما ننقذ نفسنا محد راح يجي ينقذنا
مسحت دموعي ودخلت شعري للحجاب دخلت للحمام شلت المراية وخليتها بيدي وباوعت لنفسي بيها ونزلت دموعي بس مو وقتها واني بداخلي كومة حچي ( ربي صدگني اني مو هيچ بس ربي اعرف اذا ما طلعت منها محد راح يطلعني منا ولا احد راح يسأل عنا اسألك رضاك وسامحني)
شلتها ووكعتها من ايدي للكاع بحيث صارت اشلاء واني اباوعها شون متناثره دورت على جُزء يكون بيها حاد وچبير لگيت جُزء على شكل مثلث شلتة وطلعت من الحمام ورجعت لرواء
رواء: شنو السويتي بلحمام شنو هذا البيدچ وين تريد توصيلن رؤيا
رؤيا: اشش هذا الشي يلي راح يطلعنا منا وراح ينقذنا
رواء: خليت رأسي بحضنها وطگيت بچي شدعوه هلگد البشر قاسيين ما حن گلوبهم علينا محد فكر يحنن گلبة علينا كلشي ضدنا ليش مكتوبلنا بس الحزن والدمعات شدعوه هلگد يدنيا قاسية علينا
رؤيا: اسمع كلامها وگلبي يتگطع بس مابيدي شي غير السكوت
كومي يلا الراح اسوي تنسي من وقتها مابيدي غير اسوي هيچ مهما صار ممنوع تسوين مثلي لا تصيرين مثلي إياچ باوعتلي وهي تردد اي واي وادري بيها عقلها مو يمي
خليتها گاعده بمكانها حتى اليدخل ما يتردد بلدوخل من يشوفنا اثنينا ماكو من اعيط غمضي عيونچ ممنوع تفتحيها
رواء: گعدت اني اراقبها شسوي ختلت ورا الباب بعد ما تأكدت من المرايه البيدها حاده بحيث جرحت اصبعها ضلت تنتظر وتبتسم الي اعرف بيها متوترة گمت ماحس بيها اختي من ورا حركتها دتسوي كلشي حتى بس نطلع منا اعرف بيها مستعدة تضحي بروحها علمودي
رؤيا: اول مره حسويها ما راح اخطئ واضربة ضربة تموته لا اذا موتته مراح اسامح نفسي ولا راح يرتاح ضميري ما وگفت دعاء بداخلي واردد ايه
(وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ)
حسيت اكو خطوات اقتربت من يم الباب وطگة المفتاح مبينه وصوتها عالي حتى الابره حالياً اسمع صوتها من الخوفه والتوتر اسمع صوته وهو يدندن بأغنية حفظتها من گد التركيز
: يدگ بيه طول العُمر ما يطفى عطابي
رواء: دگات گلبي الف بلثانية احس دگات گلبي دتهز الگاع اعرف شنو البالها بس مالگت غير هل حل عيونها تتلفت وانفاسها صعدت من سمعت طگة الباب انفتح الباب وصوت تدندن باغاني وبالي مو يمه اراقب شراح تسوي وشنو ناوية انفتح الباب
: وين اخت
رواء: ما كمل كلمتة وألا اشوف الدم مُتناثر على صدره ورؤيا گدامه وايدها تنگط دم
رؤيا: غمضي عينچ
....يَتبع
مَررتُم اهلاً ووطئتم سهلاً هذا البارت الثاني اتمنى ينال اعجابكُم واكتبولي رأيكم ولا تخبلون علينا بنجمة حَلوه مَثلكم 🫶🏻
YOU ARE READING
حَواء
ChickLitلا اعرُف ماذا أصابني ، رُبما لعنة الحُزن التي يُلقيها على العِراقيين ام الحظ العاثر الذي تَركني في جَوف الحِزن يلهو بيه ، إن احببتم أن تقرؤ من ما كَتبت أناملي فا حَللتُم اهلاً ووطئتُم سَهلاً .
