MLMH: Franco Cortez | VANESSA

09

CHAPTER NINE

ISANG floral-printed na bestida ang isinuot ni Paige patungo sa bahay ng mga magulang ni Belinda.

Nasa dulong bahagi ng farm iyon.

Marami nang bisita nang dumating sila ni Franco roon. Nakangiting sinalubong sila ni Mario. Agad

na kinarga ito ni Franco.

"Nasaan ang lola mo?" tanong ni Franco sa bata. Halatang malapit ito sa pamilya ni Belinda.

"Nasa loob. Pasok kayo."

"Hi, Mario," sabi niya rito.

"Hello po."

She was glad the boy seemed to like her. Pumasok na nga sila sa kabahayan. Doon ay sinalubong sila

ni Belinda. Aaminin na niya, maganda talaga ito at lalong na-enhance iyon ng pulang bestidang suot ito.

Walang manggas at mababa pa naman ang neckline ng bestida. Parang dadalo ito sa isang pang-yuppie na

party at hindi sa kaarawan ng ina nito sa sariling tahanan.

Nilapitan na rin sila ng may kaarawan. Ibinigay ni Franco ang regalo nila rito. Binati naman niya ang

matanda. Kamukha ito ni Belinda kaya kakatwang hindi siya nakadama ng inis dito. Magiliw kasi ito sa

kanya. Bagaman agad din itong nagpaalam para asikasuhin ang iba pang bisita.

Pagkatapos kumuha ng pagkain ay pumuwesto na sila ni Franco sa sala. Nasa labas ang mga tauhan

ng farm. Hindi pa nagtatagal ay niyaya na ng mga ito si Franco na makipag-inuman sa mga ito. Game

naman si Franco at hinayaan naman niya ito. Naiwan siyang nag-iisa sa sala. Nakabukas naman ang TV

kaya nanood na lamang siya.

Mayamaya ay tinabihan siya ni Mario.

"Hello uli," aniya sa bata.

"Hi po." Tiningnan siya nito. "Bakit po kayo palaging kasama ni Kuya Franco?"

"Magkaibigan kasi kami," nakangiting paliwanag niya.

"Ah..." Napatango pa ito. "Kasi minsan nagseselos ang mama ko, eh. Sinabi niya kay Kuya Franco na

nagseselos siya. Sabi naman daw ni Kuya Franco, magkaibigan lang naman daw kayo."

Awtomatikong kumunot ang kanyang noo. "Ano'ng ibig mong sabihin?"

"Eh, kasìdi ba mag-boyfriend silang dalawa?"

She was really taken aback dahil sa sinabi nito at higit sa ekspresyon ng mukha nito. Kung magsalita

ito ay inosenteng-inosente, halatang kung anuman ang sinabi nito ay iyon ang katotohanang nalalaman

nito. Bakit naman nito sasabihin iyon? Posibleng sinabi iyon ng nanay nito rito pero sa tingin niya ay

hindi tama iyon. Kung anu-ano ang isinasaksak ni Belinda sa isip ng sariling anak. Paano na lang kung

malaman nito ang totoo? Baka pati kay Franco ay magtampo ang bata.

"Sino naman ang nagsabi sàyo na mag-boyfriend silang dalawa?"

"Naririnig ko ang usapan nila. Saka sinabi ni Mama na nagseselos siya sàyo."

"Totoo bàyan?" paniniyak niya.