هَجَر الجَمال أوطانهُ وأسَتقَر بِعينِاك!.

البارت (1)

البدايه

دخل طلال وهو يرفس باب الفصل وحذف كتبه على الطاوله  نط مصلح من الخرعه وشماغه على وجه ويناظر في طلال  ويقول الله يلعنك احسب طاح صاروخ على فصلنا
لف عليه عساف: لو انه طايح امداك فطست ارقد بس
تقدم طلال ويقول: ورع انت وياه ليش تشيلون الاضافه متابعيني نقصوا! ، طالع فيه مصلح وهو وده يقوم يرن طلال  بوحده مصلح: يعني انت مقومني عشان قناتك ذي اللى مافيه غير ثلاث متابعين
تكلم عساف وهو قاعد يحل واجب رياضيات لان الاستاذ متوعد فيه: ذاك ثلاث متابعين قبل سنه الحين ثنين الوليد وهو من حسابه الثاني
مصلح وهو يضرب الطاوله ويضحك :   الله يكتب اجرك ياعساف
طلال : اقول انطم انت وياها والله بكره اصير مشهور وماتشمون ريال واحد مني
مصلح: انت رد الخمسه اللى اخذتها مني قبل اسبوعين وتكلم ( رجع نام مصلح)
دخل الوليد مع الباب وهو يتزحلق برجوله : ارحبوووا يعيال ناظرو شريت نعول شرايكم فيها
عساف: ارحببب حلوه زي وجه مصلح
نقز مصلح مرا ثانيه: ياليل ياابن الحلال حلوه بس روح عني
الوليد: اقول اهجدو تراها من ابو خمسه اصليه وعليها عروض
طلال: اصليه ومن ابو خمسه جديده ذي ههههههه
________________________________

بعد خمس دقايق جو الطلاب من الطابور
دخل استاذه الرياضيات وهو يتكلم  بهدوء : السلام عليكم ورحمة الله وبركاته
الوليد بصوت خفيف: ياخوي اخلص علينا وعليكم السلام
ضحكوا عساف وطلال
الاستاذ: بس انت وياها وقوم خيشة النوم اللى جنبك !
عساف وقف: دق التحيه ابشر بعزك وهبد مصلح
الاستاذ: تطقطق انت وجهك طلع الواجب خلصني
عدا اليوم على خير وكل واحد راح لبيته
__________________________________
العصر الساعه 3:00
تجمعوا بالاستراحه حقتهم يلعبون بلوت الا مصلح الفاطس
الوليد : يعيال مصلح وينه ذا
عساف: يعني ماتعرف حركاته نايم تلقاه
طلال: المشكله الكلب هو قايل لي بجي وبحط منبه لعيونك
الوليد: ضحك عليك يعني ههه
طلال: العب وانت ساكت
دخل عليهم مصلح الساعه 4:50
التفتو عليه كلهم بصوت واحد
لا ياشيخ كان كملت
مصلح وهو مستانس: يعيال اول مرا يقومني المنبه احس نومي صار خفيف
الوليد: شكل المنبه طقت روحه وهو يرن من 3  زين انه قومك
عساف: اكلك شوف بالثلاجه يامروح
مصلح:  زين يالمروح انت وين طلال
عساف: جاه النوم وراح
____________________________
شلة عساف وقفوا بطابور وهم يتأففون بسبب ان معلم الفنون اجبرهم يصفون طابور
مصلح: يعيال وانا راجع شطفتني بنت قسم بالله يانهااا حلوههه مزه من الاخر  لو اني ماخذ رقمها
الوليد وهو يضحك: وانت مصدق انها بتخذ رقمك وهذا وجهك
عساف:  اتركو عنكم حركات المراهقين ذي 
مصلح: انتم وش عرفكم بالوناسه جوكم بيض دايم
المدير: النشيد الوطني بصوت عالي
قالوا النشيد الوطني وعلى اخر شي لف طلال يعد لثلاثه يلا يعيال ، هم بصوت عالي طن طا طن طاااا طاااااااااااا
المدير بعد ماشاف الطلاب وبعض المعلمين يضحكون: وجع ان شاءالله على فصلك انت وياه
________________________
نهايه الحصه الاولى
دخل الفصل زياد ( اخو رجوا) : السلام عليكم
وقفه معلم الدين: على وين ياحبيب على وين
زياد : على الكرسي ورد السلام واجب
المعلم: وعليكم السلام والرحمن  ماباقي شي على الحصه الثانيه وانت توك تجي اطلع لي برا
زياد:  صار لي ظرف السموحه
المعلم: مو اول مرا يازياد قلت اطلع وبجيك
"طلع زياد ولحقه المعلم "
المعلم: تفضل قول ظرفك
زياد: والله يااستاذ ماااحب اقوله ظرف وبس ومشى زياد
المعلم وهو يصرخ : وش هالظرف هذا اللى اشغلتنا فيه الله يشغلك
لف عليه زياد وهو معصب: شف انا محترمك ومقدرك عشان طلعتني برا  مااحرجتني قدامهم لكن هذا مايعني انه يحق لك ترفع صوتك علي فاهم
المعلم:  روح لفصلك بس وعذر هذا قوله للاداره
زياد: طالع فيه نظرت استحقار وعطاه ظهره وراح
دخل وراه المعلم وجلس على كرسيه وقعد يناظر في زياد بحقد
زياد رفع نبرة صوته شوي : بغيت شي ؟
المعلم : ابدا والله لك سنتين وانت تفحط عندنا ونفس العذر كل مرا ماطفشت
"التفت عساف على المعلم وهو مطير عيونه مصدوم"
زياده وهو منحررررج : شكلي قاعد على قلبك يااستاذ حمود ولا؟
العلم ناظر فيه وضحك طلع بعد مارن الحصه
راح لدورة المياه زياد وجلس عند المغاسل مقهورر  يدعي من قلبه انه الله ياخذ حمود ولا يوفقه
عند عساف : يعيال بروح واجيكم بعد شوي خليكم هنا
دخل عساف على زياد
زياد: التفت وهي يعدل جلسته
عساف: معليك منه يازياد ذا الخبل معلم الدين
زياد: لا يا عساف ماعلي من كلام هالدلخ على قولتك
عساف قرب ومسك كتفه: اجل وش فيك يازياد
زياد: مافيني شي وانا اخوك بس تعرف هموم الدارسه والبيت
عساف ابتسم  بتسليك وراح وتركه
____________________________________
بعد ماراح الكل من المدرسه وحرك زياد بسيكله من كثر الفقر اللى هو عايش فيه رغم ان ابوه عنده فلوس بس مثل ماقلنا ابوه ناسي ان عنده ولد اصلاً

وصل للبيت بعد ساعه وهو تعبان و متكسر  وقف وهو يتأكد من اللى شافه واقف عند الباب ..........!