وقفت تفتح الباب وتنصدم من الرجال اللي واقف قدامها واللي هو الوليد
الوليد: سنهه كاملهه!
الجوهره: وجع وش تبي
الوليد: لا والله هذي جزاتي وانا جاي اذكر بموترك يالثور
الجوهره مدت يدها تحطها على راسها: يوهههه الموتررر يقدميي نسيته
الوليد: وش اللي يقدميي ترا ماله يوم مو سنه عشان تنساه
الجوهره خصرت: كيفي اشوفه سنه
الوليد سلك : ايي اي سنه بس خلصني وتحرك
الجوهره: دقايق واجيك
الوليد: إي دقايق يخوك انت لابس امش اخلص علينا
الجوهره: اقولك دقايق روح وانا بلحقك
الوليد: ياليللل ياليل صدق وراح ينزل مع الدرج
الجوهره ردت الباب وراحت تركض لصاله تسحب جوالها من الشاحنه وتحطه في جيبها
رجوا عدلت جلسها بعد ماكانت تنقنق على بطاط: وين وين
الجوهره: بروح مع الوليد
رجوا: وش يوديك لحالك معه
الجوهره: ياخي الموتر بالورشه ولا نسيتي انتي بعد
رجوا: اهااا اجل انتظروني بجيكم
الجوهره: وش تبين
رجوا: وش اللي وش ابي اجل اخلك معه لحالك ؟
الجوهره: خف علينا يالمحرم
رجوا: يلا بس وراحت تلبس والجوهره طلعت مع الباب تنزل مع الدرج وتشوف الوليد بالموتر وهو يرفع يده و يأشر لها وهو طفشان وماله خلق ، اشرت تقوله له جايك جايك وراحت له تفتح باب المعاون وتركب قدام سكرت الباب وجلست تصارخ من حست بالموتر يتحرك مدت يدها تمسك الدركسون
وليد: بسم الرحمن وش بلاك انتت!
الجوهره: وقف وقف زياد بيجي
الوليد ضرب يدها : كلها هذا عشان زياد بعدين وش يبي جاي
الجوهره: عمى وش اللي وش يبي !
الوليد: انطم بس انا اقصد انه ماله داعي لاني طارد طلال
الجوهره: طلال وش يبي
الوليد: وزياد وش يبي
الجوهره: زياد صديقي
الوليد: وطلال صديقي وضغط على البوريي ياشر لطلال
ركض له طلال وهو يرفع صوته وحاط عينه على الجوهره ويكلم الوليد: وش تبي
الوليد: ارواحك للورشه اركب
طلال: لا والله واللي قبل شوي كارشني
الوليد هذا قبل لا ادري واشر على الجوهره ان خوي الدلخ ذا بيجي
طلال: اقول لا تصدق نفسك كذا ولا كذا بخاويكم طرق
وركض يفتح الباب ويركب ورا المعاون ويضحك : ناسي موترك يادلخ
الجوهره لفت عليه: الدلخ انت
طلال قرص خشمها وهو يقلدها مستلطفها: الدلييخخخ ايييننتت
وسعت عيونها الجوهره وهو تحط يدها على خشمها وترجع تضربه على صدره: قليل ادب
طلال: اعقب اعقب بس
الوليد: اتركه ياطلال
طلال: ابي احارشه
الجوهره: وش تبي فيني
طلال: احبك
الجوهره رجعت تلف عليه : انت فيك بلاء اليوم وطالعت في الوليد وهي تقول خويك وش ماكل
الوليد وهو يطالع فيها ويرجع يطالع في طلال: قسم بالله انا مثلك مستغرب انجن الرجال
نزلت رجوا تطلع مع الباب وهي تحط يدها على جبهتها تغطي عيونها من الشمس اللي صاكتها وتصغر عيونها وهي تشوف ثلاث اشخاص في السياره ماكنت تشوف طلال من الشمس استغربت وقربت منه لحد مافتحت الباب
طلال مسك المرتبه لانه كان متكي على الباب: بسم الله وجع بغيت تطيحنيي
رجوا: وش جابك انت
طلال: جاي مثلك انت وش جابك بعد
رجوا: انا جابتني رجوليي
طلال: وانا جابت... غمض عيونه بعد ماصفقت الباب بوجه وراحت تفتح الباب الثاني وتركب وتسكر
طلال كان يطالع فيها ولفت عليها: في شي
طلال: صفقت الباب ذي بتتحاسب عليها يازياد
لفت الجوهره على رجوا ورجوا طالعت في الجوهره وقالوا مع بعض وهم يطقطق على تهديد طلال: صفقتت الببباب هذيي راح تتتحاسبب عليها يازياددد وضحكت الجوهره بصوتت عاليي وهي تمد يدها لرجوا ورجوا تضرب كفها وتضحكك
طلال طالع فيهم وهو يضحك ويقول في نفسه( والله واتحدو عليك فريق البنات ياطلال ) اضحكوا اضحكوا وصد يتأمل الطريق
_______________________________
VOCÊ ESTÁ LENDO
هَجَر الجَمال أوطانهُ وأسَتقَر بِعينِاك!.
Romanceتقع جريمه قتل تهز ارجاء ثانويه العيال وسرعان مايتبين ان اخوها ضحيه تنمر وتتخذ قرار جريء مع ابنة عمها ويتخلون عن انوثتهم سعياً للانتقام ولكن يواجهون شله تشتت انتباهم ويصعب عليهم انتقامهم في البدايات.....
