اسولف يگلبي........ وابدي الندامه
كعبه جروحك.......... حسين وخيامه
جا يمته نبضك.......... ينزف هيامه
جرحك طهاره............ مابيه ملامه
ياكلبي ابجيله تره حسين
محد باجيله ولا عين
يوم الضل مطروح ايام
راحت عنه اخته بلونين
ابجي اله......... واسهر ليلك
ابجي اله........... من كل حيلك
ابجي اله............ غير الضامي
ابجي اله........... ما يعنيلك
@@@@@@@@
@@@@@@@@@@
ياروحي زيدي..........بوني ونحيبي
كلمن نصيبه............ الدمعه نصيبي
ماتطفه بيه........... جمرة حبيبي
كون على حزنه........... يخضبني شيبي
والوادم تبجي على الراح
شيسوي العنده خدر طاح
عذرن مامتنه على حسين
من نسمع راسه على رماح
سيدي....... رمحك بينه
سيدي......... وياذينه
سيدي.......... بس مصابك
سيدي............ يبجينه
بيك انه قاصر....... مو كد نعمتك
كل ما هنالك........ عاشگ خدمتك
يجذبني حبك............ واشهك رحمتك
كل نضره توهم ........... انه نضرتك
تاخذني النضره للخيام
وتعيشني اجواه الشام
والكه ضعونك بين الناس
زينب محتاره بالايتام
ماعشت......... بدون عيونك
ماعشت.......... غير اضعونك
ماعشت............. الابجرحك
ماعشت........... دنيه بدونك
عاشك سوادك.....عشك الثواكل
بطاريك ادنك........ مثل السناسل
انه على دينك........ تطردني قابل
بس على بابك....... خليني احاول
ماريد الدنيه بلا نوح
ياربي احزاني والجروح
اهواك واهوه شوك الخيام
روح الما تهوه بلا روح
روحي الك...... انته البيهه
روحي الك....... ماوصيهه
روحي الك........ والمملوكه
روحي الك........ يا راعيهه
روحي مدينه..... مالهه تالي
حزنك سعاده......... عاش بخيالي
بس العزائك......... يسرحله بالي
درب المجالس........ غيرلي حالي
ماعندي حجايه ولا راي
اخذ بعيوني شكو ماي
بيدك خليني يمولاي
ياوطن........ لهل الغيره
ياوطن........ واجمل ديره
يا وطن ...... لم خدامه
ياوطن.......... عشنه بخيره
سولف يگلبي وابدي الندامه
