لطم ونعي

زينب والحسين يوم الاربعين

..​
قصيــده. عن رجوع مولاتي زينب الى الحسين ع في الاربعين

❥❥❥❥ـــــــــــــ❁❁ـــــــــــــ❥❥❥❥

لاتعتب يبعد اختك عليه
من تشوف الضعن مابي رقيه

ماتت فوك نحرك
اهناا يحسين اخبرك
ووصتني بوصيه
لاتعتب عليه
❥❥❥❥ـــــــــــــ❁❁ـــــــــــــ❥❥❥❥

لاتعتب عتابك يلجم جروحي
اموتن لو اسمع ونك يمذبوحي
وانه بهاي المصايب وشبقى بروحي
من يوم دفتها ومابطل نوحي

رقيه الدللتها
ماتت ماشفتها
على نحر الشفيه
لاتعتب عليه
❥❥❥❥ـــــــــــــ❁❁ـــــــــــــ❥❥❥❥

كالتلي يعمه من تروحين
اعله كبر حسين ابويه لو تكعدين
وصليله سلامي ودمعت العين
وكليله رقيه  ام كلب  الحنين

عذبها دهرها
وماتت من قهرها
يسموها السبيه
لا تعتب عليه
❥❥❥❥ـــــــــــــ❁❁ـــــــــــــ❥❥❥❥

خليني اسولفلك يزاجي
عن جروحها وعن البواجي
قبل لتغمض ام حلوه المحاجي
خلت بيدي ياخويه التراجي

امانه وسلمتها
على كبرك عفتها
عليها اني شبديه
لاتعتب عليه
❥❥❥❥ـــــــــــــ❁❁ـــــــــــــ❥❥❥❥

جانت تنتضر  جيت املها
وتلحگ على الطايح من حملها
تنشف دموعها وتستمع ونها
وتشوف اثار الاسياط بمتنها

تشوف متونها شلون
من گد اليضربون
خويه انذال اميه
لاتعتب عليه
❥❥❥❥ـــــــــــــ❁❁ـــــــــــــ❥❥❥❥

هاي مدلله وماتحمل احزان
شلون ميسره تمشي ويه عدوان
متعوده اعله ابوها وذيج الاخوان
من صدمتها ماتت ها يعطشان

ماتت بت الاحزان
يم راسك يعطشان
وشالتها اديه
لاتعتب عليه
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي​
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalh...​