" ယန်းဂျောင်ဝန်း! "
ရုံးခန်းစာပွဲပေါ် စာရင်းတွေပါသည့်ဖိုင်တွဲကို ခပ်ကြမ်းကြမ်းပြစ်ချသံနှင့် ဟီဆွန်း၏ အော်သံက တစ်ချိန်တည်းမှာပင်ဖြစ်၏ ။
" ဟုတ်ကဲ့ boss ''
မိမိ၏စားပွဲမှထကာ ဂျောင်ဝန်း boss အနားအပြေးသွားရ၏ ။ ရောက်ရောက်ချင်းပင် boss ရဲ့အကြည့်တွေက ခပ်စူးစူးမို့ လူက တောင့်ခနဲပင်ဖြစ်သွား၏ ။ ဘ ဘာလဲ။ ထ ထပ်ပြီး ဂျောင်ဝန်း ဘာလုပ်မိပြန်ပြီလဲ။ ဂျောင်ဝန်း ဒီနေ့ boss ခိုင်းတာမှန်သမျှ သေချာလုပ်ပါတယ်။ စာရင်းတွေလည်း ဆယ်ခါမက စစ်ပြီးမှ boss ဆီပို့တာပါ။
" ၃အလီရလား ''
"ဟင်! "
၃အလီတဲ့။ boss ဘာဖြစ်တာပါလိမ့်။ အသက်နှစ်ဆယ့်နှစ်ကျော်နေပြီဖြစ်သည့် ဂျောင်ဝန်းလို စူပါဘရိန်းပိုင်ရှင်က သုံးအလီကို မရစရာအကြောင်းရှိပါ့မလား။
" ရတာပေါ့ bossကလည်း....... လွယ်လွယ်လေးကို''
" သြော် လွယ်လွယ်လေးပေါ့ သုံးသုံးလီဘယ်လောက်လဲ ''
" ကိုးလေ boss ကလည်း. ... boss မသိဘူးလား ကလေးတောင် သိတယ်''
ယန်းဂျောင်ဝန်း စကားကြောင့် ဟီဆွန်း ပါးစပ်ကလေးပင် အာခနဲဟသွားရ၏ ။
အမယ်လေး။ ဟီဆွန်းကဘဲ သုံးအလီမသိဘူးဖြစ်ရသေး။ သွေးတက်တာ။" ငါမှမသိဘဲနေမလား သိလို့ boss ဖြစ်နေတာကွ ''
" သြော် ဟုတ်ကဲ့ အဲ့ဒါဆို ဘာလို့မေးတာလဲ ''
" မင်းရဲ့စာရင်းပေါင်းတာ ကြည့်ကြည့်လိုက်''
Bossက စာရွက်ပေါ်ရှိ ပေါင်းနုတ်မြှောက်စားထားသော ဂဏန်းတွေကိုညွှန်ပြ၏ ။
" ဒီမှာ သုံးသုံးလီ ခြောက်လုပ်ထားတယ် မြင်လား ''ဂျောင်ဝန်း မျက်လုံးဝိုင်းလေးတွေ ပြူးသွား၏ ။ အာ ဟုတ်သားဘဲ။ သုံးသုံးလီခြောက်လုပ်ထားတာ။ ဂျောင်ဝန်းနီးလေး နည်းနည်းလေး လျှမ်းသွားပုံပါဘဲ။ ပညာရှိသတိဖြစ်ခဲ ဆိုတာလည်း ရှိတာဘဲ မဟုတ်ပါလား။
" တောင်းပန်ပါတယ် boss''
ချက်ချင်း ချက်ချင်း မျက်နှာဖြူဝိုင်းလေးက အိုစာကျသွားကာ သနားစရာကြောင်ပေါက်စလေးဖြစ်သွား၏ ။ ဟီဆွန်း မှာ အပြတ်အသတ်ဆူရန် ခဲလေသမျှ သဲရေကျရတော့၏။
YOU ARE READING
My Dimple Boy (Complete )
Romanceပတ်ဂျေးချစ်တဲ့ပါးချိုင့်ကောင်လေးက ဂျစ်တူး၊ရစ်စိန်၊ ဖိုးကောက်၊ ငဆိုးလေး။