صلوا على النبي 🤎
*عند غدق*
أشرقت الشمس وقامت وهي امنيتها تقوم من غير همها وتتذكر حياتها لكنن ما امداها الا دخلت ام غدق وهي تهاوش
ام غدق : حسبي الله بسس نايمه للحين وابوك واخوانك الحين يقومون ولا يلقون فطور انتي متى تتعدل...
غدق بمقاطعه : يمه بقوم الحين اسوي توها اشرقت الشمس ما صار شيي استهدي بالله تكف...
قاطعتها ام غدق بكف : حسبي الله تقاطعيني بعد قومي لا بارك الله فيك قوميي وبروح اشوف اختكك الي ما منها فايده ماهي نايمه هنا وينهي هاا
غدق: انا بروح اشوفها يمه ابشري
قامت غدق تركض تنادي اختها من السطح قبل ما تجي امها وتهاوشها لانو تدري انو امها تحب تهاوشهم لكن نايا تحب جلسه السطح كثيرر اكثر شي
دخلت غدق مسرعه لاختهاا: نايا بسرعه امشي امشي امي قامت وبتهاوشك لو درت بقولها انك في الحمام وانتي تصرفي وانزلي تحت بسرعه
نايا:افف طيب طيب الواحد ما يقدر يقعد
غدق : بسرعه بعدين تحلطميي يختي
نزلت غدق بسرعه وقابلت امها عند باب الغرفه وتوترت يوم انها شافتها وقالت وهي يالله تتنفس : الحين نايا تجي كانت في الحمام الحين تجي
جت نايا مسرعه وام غدق انخرشت : الله يصبرني شفيك تقل مصفوقه اخلصوا على المطبخ سوو الفطور
نايا وغدق : ابشري ابشري
راحت ام غدق ناظروا في بعض وضحكوا وكل وحده راحت غسلت وجها ونزلوا المطبخ يسوون فطور عشان ابوهم واخوانهم غدق وهي تسوي العجينه دخل سلطان بشويش وراح عند غدق شافته نايا وهو اشر لهاا تسكت راح سلطان غطى على عيون غدق وغير صوته : مين اناا؟؟
غدق ضحكت:اممم سلطان القلب وسلطانيي ؟
ابتسم سلطان وباس خدها: عيون سلطانك ي غدقي يزينك يختيي
نايا بمزح : هيه واناا خير ان شاء الله؟
دخل برجس: شفيكم؟
نايا: شف يمزح معها ويحضنها ويبوسها وانا لا ليه؟
ضحك سلطان وقرب منها وباس خدها: يزين الغيرانين انا يناس احبكك
قرب برجس بسرعه وابعد سلطان وحضنها : ابعد عنها هذي نايا القلب انت خلك عند غدقك
ضحكت نايا : فديت اخوي الغيور
راح سلطان عند غدق وحضنها : وازين غدق
ضحكت غدق الضحكه الي الكل يحبها وظهرت غمازتها الي يحبونها الكل ضحك من ضحكتها
دخل سهم: السلام عليكم
كلهم ردو السلام قام يخز ب سلطان عشانه حاضن غدق وتكى على الجدار ناظروا فيه وضحكوا كلهم عارفين قد ايش يغار على غدق لانها تؤامه لكن ما يتكلم دايم نظراته تتكلم
ضحك سلطان وهو باقي حاضنها : ما راح ابعد سلم على الاهل
ضحكت غدق : ابعد الا زعل سهومي وراحت حضنته وهو ابتسم لها على طول وحضنهاا كلهم ضحكوا لانو ابتسامته هذي ما تطلع الا معها هيي بسس
شوي شافوا امهم دخلت تهاوش نايا وغدق : لا والله قاعدين تسولفون ومخلين ابوكم ينتظر وين الفطور حسبي الله ما منك فايده انا مدري ليه جبتكم وابلشت نفسي
انجرحت غدق ونايا بس تعودوا ما قالوا شي اما برجس ناظر امه وسكت وطلع
وقال سهم : يمه احنا الي جيناهم الغلط منا احنا
وقال سلطان : صادق يمه اصلا احنا طالعين الحين
سكتت يوم شافتهم كلهم يتكلمون وقالت قبل تطلع : بسرعه انتي وياها يامال الوجع بس وطلعت
ناظروا خواتهم وحزنوا وطلعوا للان ما عرفوا وش سبب كرهم لذي الدرجه ويتمنون يعرفون بسس
خلصوا البنات وحضروا الفطور وقعد الكل يفطر
