صلوا على النبي 🤎
سعود دخل لها مسرع وقفل الباب راح جلس جنبها
ولقاها ترجف مسك يدها ورفع راسها : داليني حبيبي انتي ناظري فيني
رفعت راسها له وبكت اكثر وقامت تنادي اسمه: سعود والله ما سويت والله هيي هيي الي سوت
سعود سحبها لحضنه : عارف عارف والله انك ما سويتي شي واثق بعد بس هدي انتي هديي
دالين ببكاء وسعود خلاها تبكي بحضنه لين هدت
ابعدها سعود عن حضنه وبحنيه : وريني وش يعورك ؟
دالين ب الم: يدي ي سعودي تعورني مره
ابتسم سعود : يا جعلني فداك وفدا سعودك اناا ما عليك بكمدها لكك وبسيطه ان شاء الله
دالين رفعت راسها ببراءة: عادي احط راسي على رجولك وتلعب بشعري لين انام؟؟
تعدل سعود وتكى في الفراش وحطت راسها على رجوله وقعد يلعب بشعرها وهي غفت من التعب على طول ناظر لها وتنهد : استودعتك الله ي اغلى شي يارب لا تفجعنيي فيها يارب
دخل فيصل بسرعه رفع راسه سعود واشر له يسكت حط راسها على المخده ولحفها وعدل لها المكيف وطلع مع فيصل للغرفه حقت سعود
فيصل : شصار ؟
سعود تنهد: مدري للان ما تكلمت خليتها تنسدح وتنام يدها تعورها اذا قامت فهمنا السالفه كلها
فيصل تنهد: تمام
*عند اهل ابو غدق*
الظهر
دخل برجس يصحى خواته
قامت غدق بنعاس: ساعه كم ؟
برجس : الظهر
فزت غدق: كيف الظهر ليه ما قومتني الفطور راح عليكم
ابتسم لها برجس: عادي يروحي افطرنا سوينا لنا حنا وقعدنا ريحي انتي و نايا قومتكم الحين عشان تصلون
غدق : خلاص انا بصحي نايا ونلبس وننزل لكم
طلع برجس وغدق راحت تصحي نايا: نايا قوميي
تنهدت لانو نايمه نومها اوقات يكون ثقيل: سحب اللحاف وصفقت راسها نايا فزت بخرشه: يمه شصاير
ضحكت غدق: مافيه شي قومي بسس صار الظهر بس ما عليك اخواني افطروا وابوي وامي مسافرين
قامت نايا تلحق غدق عشانها ضربتها وطلعوا للصاله وهم يركضون سلطان يضحك عليهم: قلنا انهم بيعقلون بس متى ما ندري
سهم راح سحب غدق: خلاص روحوا صلوا
نايا ناظرت له: اسكت انت تفاهمي مع الي عندك ذي
ضحكوا كلهم على وجهه سهم
برجس جاء عندهم: شفيك ي نايا القلب
نايا بتمثيل: شف غدق ضربتني
غلق بشهقه: كذابه ذا كله دلع بس صفقتها في راسها
ضحكوا عليهم وعلى هبالهم
وكل واحد راح يصليي ورجعوا جلسواا مع بعض يسولفون ويضحكون
*نروح عند بيت البتال*
كانوا قايمين البنات كلهم وحاطين قهوه ينتظرون اخوانهم يجون من المسجد
دخلوا اخوانهم البتال: السلام عليكم
كلهم: وعليكم السلام
جلسوا جنب أخواتهم البتال: ايوه اخباركم واخبار عروستنا؟
سهام استحت: موافقه ي اخوي
تولين غطرفت وقامت غزل معها تغطرف وسهام استحت اكثر
سكتهم البتال : اسكتوا يالله سكّنهم مساكنهم
تولين خزته: خلنا فرحانين
غزل: وهي صادقة خلنا نستانس
البتال ابتسم: جعلها دايمه عليكم بس انا راسي مصدع مدري علامه عشان كذا
فزت تولين :تبي بنادول؟
هز راسه وراحت تجيب لي سهام بضحكه: ما يحتاج نسوي شي دكتورتك قامت
غزل بطقطقه: بنسبه ل البتال تولين العلاج نفس غدق عند سهم
وضحكوا كلهم
