ملاذي الضائع ❤️

الجزء الثاني (مكالمه القدر)

هناك نوعان من الحب :-
الأول يريك صوره مصغره من نعيم الجنه
والثاني يريك كيف يتمثل الجحيم في الحياه
〰️〰️〰️
وهل يعشق العقل؟!
هكذا ختمت ساره مقالها على صفحتها على الفيس بوك فهي من عشاق الكتابه
ساره:كده انا خلصت كل اللي عندي النهارده مفضلش غير اني اخلص بحث الكليه واليوم يخلص، ثم تنهدت بملل وذهبت لتحضر قهوتها ولكن قاطعها رنين الهاتف
ساره:الو السلام عليكم 😊
المتصل:وعليكم السلام استاذه ساره معايا
ساره في سرها يعني انا اتمرمط في الكليه ٧سنين طب اي نعم لسه اول سنه وفي الاخر يقولي استاذه
:ايواه انا ساره مين حضرتك
المتصل:انا سجاد كنت عايز مشروع تقديمي لشركه بتاعتي
ساره :وشركه حضرتك بتبيع اي؟
سجاد:نعم؟!
ساره :اقصد يعني تخصصها اي
سجاد:تخصص هندسه الكترونيه
ساره :اوك حضرتك ممكن تبعت البيانات اللي تخص الألوان والاسم والتخصص وأهم مميزات الشركه على الاميل واي إضافات حضرتك محتاجها وانا هبعت لحضرتك بناء عليه السعر، ثم أعطت له الاميل
ساره :طيب كده المشروع٥٠٠دولار, اي كل الحاجات اللي هو طالبها دي؟ ثم ارسلت له المبلغ الكلي بعد الخصم
▪️▪️▪️▪️▪️
في احد الأحياء الراقيه:
انس:ياأهل الدار انتوا فين؟
والده انس وتدعي صفيه :اي الصوت العالي ده نفسي مره تعقل وتكون انسان طبيعي
انس وهو يقبل جبينها :وخدنا اي من العقل ياصفصف المهم فين الاكل؟
صفيه :دايما همك على الاكل كده عموما احنا هنستني باباك علشان هياكل معانا هو شويه وجاي
انس:حلو اكون اخدت شور وفقت عقبال لما هو يجي، ثم ذهب مسرعا
صفيه وهي تضرب كف على كف :ربنا يهديك يابني ويعقّلك، ثم ذهبت لترى الطعام
في غرفه انس...
انس :هو الجميل هيفضل زعلان كده كتير مكنش حضن ياايه الله
ايه وتكون خطيبته :حضن بردو وبعدين ياانسان يامحترم احنا لسه مخطوبين يعني مينفعش الكلام ده وبعدين اودي وشي فين من ساره
انس وهو فخور بها:وديه الناحيه التانيه عادي المهم خلاص بقا متزعليش والله لو فضلتي زعلانه هجيلك وهسيبك تسرحي بخيالك انا هعمل اي؟
ايه وهي تكتم ضحكتها منه:هتعمل اي يعني؟
انس :عادي همسك طوب واحدّف بيه شباكك واقول ياحبيبتي افتحي شباكك انا جيت بس
ايه وهي تضحك:هههههههه انت هتعمل كده بجد
انس:ايوا اضحكي وبعدين اكيد لا ده ابوكي يقتلني فيها المهم حقك عليا متزعليش اخر مره
ايه :وعد؟
انس:الوعد يشمل مابعد الجواز؟
ايه بضحك:اكيد لا
انس :اذا كان كده وعد يلا تصبحي على خير
ايه :وانت من اهل الخير اشوفك بكره في الجامعه
انس:انشاء الله باي
ايه:باي
▪️▪️▪️▪️▪️
عند ايه....
ايه :مالك يساره صوتك متغير؟
ساره وهي تمسك قلبها لعله يهدا عن وجعه :حاسه نفسي مخنوقه ومش قادره انزل تحت عندهم مبقتش قادره اتعامل معاهم
ايه بألم على صديقتها فهي الوحيده التي تعرف مدى ألمها :معلش يساره قومي صلي ركعتين واستهدي بالله وانزلي وحاولي تتجنبي اي حوار بينك وبينها
ساره:انا مش عارفه انا عملت اي لكل ده تعرفي احيانا بحس اني مش بنتهم مهو مفيش اهل هيعملوا كده في بنتهم
ايه :اي اللي انتي بتقوليه ده اكيد لا اعملي بس زي ماقلتلك وإنشاء الله خير
ساره :انشاء الله ثم قالت مغيره الحديث انا شايفه ان سي انس انتقل لمرحله الجواز ولا انتي اي رأيك؟
ايه بخجل :خلاص يساره انا عرفته غلطه واقفلي الموضوع
ساره بمرح:خلاص ياستي احمدي ربك اني انا اللي شوفتك والا كانت الفضيحه هتسمع كليات الجامعه كلها
ايه بصراخ :خلاص بقا الله
ساره بضحك:هههه خلاص خلاص المهم بكره علينا عملي تعالي بدري بقا
ايه :تمام اشوفك بكره باي
ساره:باي
ثم قامت بفتح الاميل الخاص بسجاد :اسمه غريب ومميز حتى صوته بيبين انه مش من مصر ثم نفضت أفكارها وبدأت في الشغل على مشروعه
بعد مرور ٣ساعات
ساره بتعب :اي المشروع المتعب ده، ثم قامت لتصلي وبعد انتهائها احست بدوار مفاجئ وبدايه نوبه ثم انطلقت صرخه من جوفها لم يسمعها سوي حيطان غرفتها.........
▪️▪️▪️▪️▪️
مواعيد الروايه يومين في الأسبوع
دي روايتي الأولى اتمنى انها تعجبكوا
هتنزل يوم الجمعه والثلاثاء بإذن الله، اتمنى التفاعل.. 🌹🌹🌹
〰️〰️〰️
كلنا هاريبون من الحب ياصديقي.. من الأماكن التي تحمل رائحته.. من الأشخاص الذين هزمونا من قبل وربما من أنفسنا المحمله بمذاق الخيبات.. كل منا لديه سبب مختلف للهروب.. ولكن نحن مجتمعون في الهرب من شئ ما....