ملاذي الضائع ❤️

الجزء الرابع 🍂

"لأنها كانت تبحث عنه طويلاً..... التوي قلبها عندما رأته بتدبير صُدفه إلاهيه!! ✍️💔
#نهال مصطفى 🌹
#ملاذي الضائع ❤️
▪️▪️▪️▪️▪️
في منزل ساره....
سناء بشك :اوعي تكون دفعت حاجه من معاك
احمد بنفاذ صبر: هدفع امتى مأنا مشيت معاكو....وبعدين اهدى كده وخلي السر يندفن معانا
سناء بسخريه:  مأنا هاديه اهو الدور والباقي عليك
احمد بشك : تقصدي اي؟
سناء :مقصدش حاجه..... عندك حق لو السر انكشف هنروح في داهيه
احمد في نفسه ياريت يندفن معانا مع اني عارف انوا مفيش حاجه بتستخبي مهما فات عليها اي.....
سناء بتهكم: وهنعمل اي في مرضها اللي طلعتلنا بيه مش عارفه منين
احمد بلا مبالاه مصطنعه: هنعمل اي يعني مش هي بتشتغل يبقى كل واحد يشيل شلته
سناء بفرحه : هو ده الكلام مهو احنا مش هنصرف على علاجها كمان
احمد :افرحي..... انا داخل انام شويه مش عايز حد يزعجني
سناء: ادخل نام وهصحيك على الاكل...
في الغرفه...
احمد بحزن : سامحني يامالك غصب عني والله، الله يرحمك يارب
.............
اليوم التالي....
ساره: الو السلام عليكم
سجاد :وعليكم السلام ازيك يااستاذه ساره
ساره بنفاذ صبر: لو سمحت ممكن طلب.. ثم اكملت بصراخ ممكن تبطل استاذه دي مهو انا مش يتمسح بيا الأرض وانت تقولي استاذه
سجاد بصدمه :في اي بعدين اقول لحضرتك اي مش فاهم؟!
ساره براحه :ممكن دكتوره او بشمهندسه او انسه وممكن متسألش عني خالص برضو
سجاد بضحك  : واي مشكله استاذه مش فاهم؟
ساره بضيق: مهو انا دكتوره او طالبه في طب بمعني اصح مش تيجي وتقولي استاذه
سجاد بضحك على هذه الطفله : خلاص خلاص يادكتوره كنتي عايزه اي؟
ساره بعمليه : حضرتك مبعتش الصور بتاعت الشركه وبسبب ان الوقت ضيق فممكن حضرتك تفتح الكاميرا اشوف التفاصيل اللي انا عايزاها
سجاد: تمام ثم قام بفتح الكاميرا بعد أن قام بتدور الجهاز
بعد فتره....
قام سجاد بتدور الجهاز فرأي أمامه حوريه على هيئه انسان فتاه ذات ملامح طفوليه وجميله ثم تذكر مقوله..... "وكأنها جاءته من أحلامه"....
فاق سجاد على صوتها وهي تناديه
ساره: يابشمهندس حضرتك لفيت الحهاز ليه؟
سجاد بصدمه : لا بس انتي سكتي كتير فقولت اشوف بتعملي اي
ساره :... تمام ممكن تبعتلي الصور علشان اكمل الشغل
سجاد بضيق لا يعرفه مصدره : طيب متكملي دلوقتي
ساره : لا مش هقدر علشان عندي كليه
سجاد : تمام لو احتجتي حاجه اتصلي بيا.... مع السلامه
ساره :مع السلامه ثم اغلقت معه.....
سجاد في نفسه فوق كده زمانها بتقول عليك اي دلوقتي ثم اقنع نفسه انه فعل ذلك لانه اول مشروع له ويريده ان يكون عل اكمل وجه 
................
عند آيه.......
آيه: ماما ياماما
ايمان: في اي صوتك عالي ليه كده
آيه:بابا قالك انوا انس هيجي النهارده؟
ايمان : اه قالي تعالي يلا علشان تساعدني في الأكل
آيه: ماشي..... ماما
ايمان : نعم يااخر صبري
آيه بخجل مصطنع : ممكن اعزم ساره تتغدى معانا النهارده بدل ماتقعد مع العقربه اللي في البيت
ايمان بضيق: متقوليش على مامت صاحبتك كده ترضيها على نفسك
آيه : ياماما انتي مشفتيش بتعمل ولا بتقول اي
ايمان: حتى لو اي مينفعش تجيبي سيره حد وهو مش موجود حرام عليكي ولو عايزه تعزمي ساره اعزميها
آيه بحب : والله انتي احلى ام في الدنيا... ثم ركضت لغرفتها لكي تخبر ساره
ايمان وهي تضرب كف على كف : جيل مهبب والله
فى غرفه آيه......
آيه: يساره تعالي متبقيش رخمه
ساره بتعب: ياآيه انتي عازمه انس وانتي عارفه اننا مش بنطيق بعض وبنفضل نتخانق فاليه وجع القلب بس
آيه : مفيش وجع قلب ولا حاجه  تعالي بس وانا هكلمه ماشي؟
ساره وقد وافقت لأنها تريد الخروج من المنزل باي شكل : ماشي هلبس واجي
آيه : خلاص هستناكي باي
ساره : باي
ساره في نفسها يارب ريح قلبي ثم تذكرت ماحدث لها بعد عودتها من الجامعه
فلاش باك....
عادت من الجامعه فوجدت امها فقط موجوده في المنزل
ساره : السلام عليكم
سناء بتهكم : حمد الله على السلامه نورتي
ساره بهدوء معروف عنها : الله يسلمك بنورك يا ماما
سناء شماته : بقولك ابوكي بيقولك اصرفي انتي على الارف اللي بتاخديه مهو اكيد مش هيصرف على واحده مدمنه زيك
ساره بألم : تمام مفيش مشكله... بعد اذنك هطلع اريح شويه قبل الغداء
سناء :   اطلعي مهو احنا خدامين عندك تأكلي على الجاهز اطلعي اطلعي
صعدت ساره الي أعلى ثم صلت فرضها وظلت تدعي الله ان يزيل الحزن من قلبها  ويريحها
عوده...... يارب فوضت أمري إليك ثم نزلت لكي تستأذن والدها الذهاب إلى بيت آيه
.........
في مكان مهجور خارج مصر....
مجهول ١: عملت اللي قولتلك عليه؟
مجهول ٢ : ايوا ياباشا كل شئ تم زي ماانت عايز وكلها يومين وكل حاجه هتبقى تحت ايدك
مجهول ١ بسعاده : خلاص روح انت..... ده بس درس بسيط ليك علشان تلعب مع الأكبر منك يسجاد...
...........
في منزل ساره.......
ساره : بابا ممكن اروح اتغدي النهارده عند عمو ابراهيم علشان عزمني
سناء ببعض الخوف :تخليكي هنا احسن
ساره باستغراب: ليه وبعدين هما عزموني ومينفعش مروحش
الاب بهدوء : خلاص روحي يساره ومتتاخريش
ساره بسخريه في نفسها :على اساس هيفرق ثم قالت تمام شكرا
ريم بخجل :ينفع اجي معاكي
ساره بحب: تمام احهزي وانا هتصل باآيه اقولها
سناء بغضب :لا بنتي مش هتروح هناك
ساره بحيره منها :ليه مش فاهمه؟!
احمد بتسرع : خلاص ياريم روحي مع ساره وانتي يسناء تعالي معايا..... ثم ذهبوا بعد أن القت سناء نظره حارقه لساره
نظرت ساره لاختفائهم عده دقائق بحيره ثم نفضت أفكارها وذهبت لكي تتحضر وتتصل على آيه تخبرها بقدوم ريم معها
عند احمد.....
احمد بغضب: انتي اتجننتي اي اللي بتعمله ده
سناء بلا مبالاه : هو انا عملت اي يعني
احمد بصراخ : عملتي اي بنتي مش هتروح هناك هتعملي اي لو ساره فكرت وحست انوا في حاجه علشان كل شويه تمنعيهم يروحوا هناك وخصوصا ريم
سناء بخوف : انت عارف ان ابراهيم عارف ومخبي علشان اخوك وساره
احمد بتعب : عارف عارف... هو مش هيقول حاجه اطمني ثم اكمل بغضب بس انتي اللي هتفضحينا بعمايلك
سناء ببعض الخوف : هبقي اخد بالي بعد كده
احمد بسخريه :ماشي هنشوف بس اعرفي لكل شئ حساب ثم ذهب وتركها
سناء بتوعد في نفسها : ماشي اما وريتك يا بنت مالك انا مش هسمح لأي حد يهد اللي انا عملته
..........
عند آيه.....
ساره : هو انس جه؟
آيه : لا لسه هيجي كمان ساعتين تكوني حكيتيلي اي اللي حصل وكمان الاكل كده ولا كده خلص
ساره :تمام تعالي نطلع الجنينه شويه
آيه :تمام.... خدي راحتك ياريم البيت بيتك ثم اكملت بخبث عبد الرحمن واروى وعبد الله نازلين اهم، تعالي ياعبدالرحمن اقعد مع ريم شويه لحد ما نيجي من بره  
عبد الرحمن بفرحه :ازيك ياريم عامله اي
ريم بخجل : الحمد الله وانت عامل اي، ازيك يااروي انتي وعبد الله 
عبد الله واروي:الحمد الله كويسين
عبد الرحمن بأهتمام: وانتي الثانويه عامله معاكي اي
ريم بزهق:ماسحه بينا الأرض بس
عبد الرحمن بضحك :معلش استحملي هانت عايزه طب صح؟!
ريم :اه بس علاج طبيعي مش بشري
عبد الرحمن بحب:حلو ربنا يوفقك... تحبي تشوفي المشروع بتاعي الجديد
ريم بحماس :احب جدا
عبد الرحمن بمرح :طيب تعالي وانتي يااروي وعبدالله تعالوا معانا ثم ذهبوا لكي يروا المشروع..
عند آيه وساره....
آيه بحيره بعد أن قصت عليها ساره ماحدث :دي مش اول تعملها في حاجه ورا الموضوع ده
ساره بتعب:والله مابقيت عارفه حاجه بس انا تعبت اوي
آيه بحزن على حال صديقتها :معلش ده امتحان من ربنا وانتي ادها ثم غيرت مجرى الحديث.. ها قوليلي اخ سجاده شكله اي بقا
ساره بضحك : سجاده اي بس اسمه سجاد
آيه :مش مهم المهم المضمون
ساره بخجل :عادي هو تقريبا اطول مني معرفش وملامحه حاده شويه بس جذابه بس انا غضيت ا
بصري  الحمد الله علشان حرام عليا بس فعلاً حاسه بحاجه غريبه
آيه بخبث :حاسه بأي؟!
ساره بحيره:حاسه اني عارفه الشخص ده مش اول مره اشوفه او اكلمه
جاءت ايه لترد ولكن قاطعها قدوم انس
آيه بفرحه :انس انت جيت بدري كويس والله
انس بحب :مقدرتش استني اكتر من كده جيت بعد الشغل علطول
ساره بأستفزاز:اهلا يااخويا
انس بأستفزاز أشد :اي ده هو انتي هنا لو كنت اعرف كنت جيت على المعاد
ساره بضيق :على اساس انك مشفتش ريم جوا
انس بأستغراب :ريم هي هنا وحشتني البت دي مش زي ناس
ساره بتعب : بقولك اي احنا ناخد هدنه علشان انا فاصله انهارده
انس بسخريه :فاصله اجيب لك شاحن ميغلاش عليكي
نظرت له بضيق ثم سكتت
انس بخوف حقيقي :ساره انتي كويسه بجد؟!بقيتي بتتعبي كتير اليومين دول
ساره بحب : اه الحمد لله يأنس متخفش انا كويسه اسيبكم تتكلموا واروح انا اشوف ريم... ثم ذهبت وتركتهم
انس بحيره : هي ساره مالها ياآيه؟!
آيه بحزن على حال صديقتها :معرفش يا انس معرفش
انس وقد غير مجري الحديث حتى لايزيد الأمر عليها فهو لا يحب ان يراها حزينه :لا بس مكنتش اعرف ان القمر بيطلع دلوقتي الصراحه
آيه بخجل :شكرا
انس بضيق :شكرا.. هو انتي بتكلمي ابن اختك
آيه بضحك : امال اقول اي يعني
انس بملل: متقوليش حاجه يختي قال شكرا قال
.... ثم قضوا اليوم بين لعب وضحك ونسي او تناسي كل شخص ألمه ولو قليلاً.....
بعد يومين....
ساره : الو السلام عليكم
سجاد :وعليكم السلام ازيك يا دكتوره
ساره بفرحه : اخيرا دكتوره
سجاد : بتقولي اي؟
ساره : لا ابدا انا بعت لحضرتك لينك الملف بتاع المشروع والفلوس اتحولت لحسابي الف مبروك عليك
سجاد : اه وصل وفتحته شكرا ليكي
ساره : العفو على اي ده شغلي وإنشاء الله يكون في تعامل تاني مابينا.. مع السلامه
سجاد بحزن لا يعرف مصدره : انشاء الله مع السلامه ثم أغلق معها
وبعد عده دقائق وصلت رساله له بأن هناك شركه بدأت في تنفيذ المشروع ولكن المثير ان هذا المشروع التقديمي له  يخص شركته
سجاد وقد أدرك ان ساره قامت بخداعه :والله لوريكي يساره.. ثم اتصل على صديقه :احجزلي اول طياره على مصر فوراً
▪️▪️▪️▪️▪️▪️
"لهذه اللحظه لم أجد تفسيراً واضحاً ل شخصٍ لا تربطنا به ساعه زمنيه واحده.. او نقطه التقاء فوق ساحه الصُدف، او نظره الشغف المتبادله التي أهلكها الانتظار حتى هجرها الصبر.... ان يقتحم احلامنا بتلك الطريقه المروعه للنفس.... قلوبنا لا تحتمل ان تكون عُرضه للمفاجأت المهلكه لها.....
*نتناسي ولكن لازالت الحياه تكلفنا بقُدراتها*🌎✍️