صمت مميت(ليبية_منقولة)

الحلقة 4

#صمت_مميت4 🔥❤️
بدت الزحمة اتخف شويا مع الساعة 11 ف الليل ومقعد حد ف حوش غير اهل حوش و شوية جيرانهم بس
انار : كنت رااقدة ومش حاسه بشي شوية نسمع ف حركة ف دار الي اني فيها نضت تحركت بشوية وتنعست حسيت بحد حط يده ع فمي 😨
انار : امممم ....امم
__ : حنحول يدي من ع فمك بتتكلمي بننهي جد اصلك فاهمة ..
انار : كانت تحرك ف راسها بمعنى تمام ودموعها ينزلو اما ايديها كانوا ع يده تحول تنحيها
__ : بدي يبعد يده بشوية بشوية لين حولها بعدين قرب علاها .... انتي مني !؟
انار : اا اني
__ :  تكلمي كويس من غير صوت هذا غير ما نشرك فمك
انار : اا انا حلقي يي يوجع فيا هه هذا
باا ش نن تكلم ه كي
__ : كان يتامل فيها وهيا ترعش وتتكلم وتحرك ف ايديها بتوتر وخوف كان مستغرب من شاش اللي ع عيونها ..
انتي حتنسي انك كلمتيني او حتى سمعتي صوتي والاهم من هذا كله تجيبي سيرة لحد والله ما ني راحمك
انار : كنت نرعش مع بعض خفت هلبا لانه كان يضغط ع يدي كل ما يتكلم
_: نضت من علاها وجاي بنطلع من من روشن رجعت شفتلها شبحة اخيرة قبل مانطلع كانت ترعش بكل معنى كلمة لو تنخصها بموس ميطلعش منها دم

انار : حسيت بيه مشي لما سمعت خبطة صغيرة دل ع انه نزل من روشن  طلع  وكانت ريحته القوية علقت ف حوايجي  كنت متوقعة يقتلني يعتدى عليا لو جاي للدار ليش طلع بسرعة  لو جي بيخنب ليش مقتنيش بما اني سمعت حسه ...

بس الي كانت متعرفاش انار انه ما فيش ولا حاجة مني قلتها صح وكل تفكيرها خطا وماجاش ع خاطر شي هذا !!
بس الي منعرفوشي لا أنتم ولا هيا انه جي ع خاطر حاجة اكثر اهمية من هذا كله ومستعد يدير أي شي لو انصابها مكروه ❤️

_______

#تسريع_الاحداث
بعد مرور يومين :-
انار : طول اليومين هادم مصار شي غريب زي ما صار ف ليل عايشة عااادي جدا قاعدة من دار مطلعتش يجبولي ف ماكلة لعندي ومش مخليني محتاجة حاجة اما علاقتي معاهم حلللووووة خصوصا اسماء حسيتها تقول اختى اما ايمن وانس مخيريلي جوي بكللل اربع وعشرين ساعة ضحك أما حاج رجب حسيته معتبرتي زي بنته ❤️ خله مرته وبنته يطلعو يشرولي حوايج وحاجات تانية اما دار طلعوني من دار الي كنت فيها وحطوني ف دار تانية
اما يوم هوا يوم منتظر بيجي دكتور مصطفى بينحلي شاش من ع عيوني وفرحتي مش عاطيتها لحد من كثر ما مليت منه وفضووول نعرف اشكالهم لاني كنت نسمع ف حسهم بس

طلع عمي رجب وعمتي نعيمة بعد ماخلوني معاها
دكتور مصطفى : اهلين بنيتي !
انار : اهلين بيك
دكتور مصطفى: حسيتك كويسة ع قبل بهلباااا صح !
انار : اي مرتاحة حمد الله بكل ... بس ي دكتور بنسالك
دكتور مصطفى : لو تناديني عمي يكون احسن انار
انار : تمام ع عمي مصطفى
دكتور مصطفى : ايوا هكي كويس توا توا تفضلي اساليني شن تبي
انار : يعني ف امل ان ترجعلي ذكرتي ولا لا
دكتور مصطفى : أكيد ... كل اللي عليك بس انك مترهقيش نفسك
انار : لو مرجعتش !!
دكتور مصطفى : ي بنتي انتي توا قلتي انك مرتاحة وحمد الله خلاص متفكريش فيه موضوع هذا بإذن الله ترجعلك .. خدي نفس وطلعه ... لو مرجعتش بعدين كل مشكلة ليها حل صح ولا
انار : ابتسمت بامل ... اي
دكتور مصطفى: املا خلاص توا خليني انفكلك شاش مستعدة
انار : بكامل استعدادي .. ليا يومين واني نستى فيك مليت منها
دكتور مصطفى : هههه تمام بإذن الله تكوني احسن من قبل
انار : انشاء الله ❤️
جي دكتور مصطفى قدامها وحط يديه ع شاش وفك لفة الاولى والتانية والاخيرة
دكتور مصطفى : شني توا انار تشوفي فيا ولالا !؟
كانت حرفيااااااااا دقات قلبها طالعة برا رمشت تلاتة مرات وفتحت عيونها ✨
انار : اا اي بس يوجعو فيا شوية من كثر ضي
دكتور مصطفى : حط يده ع قلبه ... حمد الله هدا شي طبيعي تو مع وقت تتعودي
انار : صحيت بجد مش عارفة كيف بنشكرك
دكتور مصطفى : اني مادرت شي درت واجبي ب..
انار : قطعاته لا بالعكس انت درت اكثر من واجبك معايا لو حد تاني ف مكانك انت ولا عمي رجب راهو مدورتوش موضوعي بكل ولا اهتميتو فيا بس أنت وقفت معايا وساعدتني هلبا
دكتور مصطفى : ابتسم وحط كم حكة دواء ع طاولة
انار : شفتله بخوف لما لحظت من بين حاجات يبرة ..  هادم ليش !؟
دكتور مصطفى : ضحك ع خوفهاا ..  هادا واشر ع حكة زرقة مسكن  لتخفيف الالم عضلات فقرية تخديه ف صبح كل يوم لمدة شهر اما هدا   ..   واشر ع دواء لونه ابيض وفيه خطين بلون احمر يساعدك ع حركة تخديه كل يومين ف ليل لمدة لسبوعين .. وكريمة وقطرة لعيونك  .. وزيت هدا اهدية مني ليك ادهني بيه جسمك لخفي اثار جروحك وكدمات
انار  : وو يبرة !؟
دكتور مصطفى : توا بتجي ممرضة تضربهالك وحدة ف وريد وتانية ف عضلة