هابي عيد
حلقة خاصة:
-قلبي متيم بعشقها
محمد&إسراء
أدهم&سارة
حسام&لينا
علي&مريم
كريم&ساندي
بعنوان:
-السهر من معاني العيد
بقلم:
-Rowan Mahmoud Dawoud.
-----------
*الأحداث كانت أثناء حمل أمير يعني الأبطال كلهم كانوا لسه في بداية جوازهم.
قراءة ممتعه للجميع....
-----------
إنها ليلة الرؤية حيث سيتم الإعلان إذا كانت هذه الليلة ليلة العيد أو ليلة المتمم من رمضان.
خرج من المرحاض بعد أن أخذ حماما دافئا يخفف به إرهاق العمل اليوم كان يجفف شعره ثم نزع المنشفة عن وجهه وابتسم وهو يراها تجلس تقرأ من هاتفها كالعادة اتجه إلى المرآة يمشط شعره وما كاد يمسك الفرشاة حتى انتفض بصدمة وهو يرى زوجته تقفز على الفراش بقوة.
هرول إليها يجذبها إلى صدره وهو يردد بصدمه:
-بتعملي ايه يا مجنونه انتي اتهبلتي يا إسراء بتتنططي بالشكل ده وانتي حامل؟!
لفت ذراعيها حول عنقه تهتف بسعادة:
-بكرة أول أيام العيد يا محمد ايه مش عاوزني أفرح.
-افرحي يا حبيبتي أنا قولت حاجة بس من غير ما تأذي نفسك.
قال ذلك وهو يقبل وجنتها ثم اتجه إلى الفراش ليرتاح من عناء اليوم ولو بضع سويعات ولكن قطع كل أحلامه صوتها وهي تردد بتعجب:
-انت رايح فين؟!
نظر لها ثم للفراش ثم أردف قائلا بسخرية:
-رايح ألعب كورة على السرير تيجي معايا هعمل ايه يعني؟! أكيد هلكان وعاوز أنام.
-تنام ايه يا حبيبي هو حد بينام ليلة العيد؟
ردد محمد باستغراب وعدم فهم:
-أومال بيعملوا ايه يعني بيذاكروا ليلة العيد؟!! هو حد قالك انها ليلة امتحانات الثانوية العامة يا إسراء!!
-لا يا حبيبي ما هو...ااا ما هو احنا محتاجين شوية كحك على غريبة على بتيفور وشوكولاتات وحاجات من دي.
اعتدل محمد في جلسته يردد باستنكار:
-ايه يختى؟؟! كحك وغريبة وبتيفور وكمان شوكولاته؟! أنا مش جايبلك الحاجات دي يا بت امبارح راحوا فين؟
ابتلعت إسراء ريقها وهي تنظر في كل أرجاء الغرفة إلى أن هداها عقلها لشيء واحد:
-القطة كلتهم.
رمقها محمد بغباء ثم ردد ببلاهة:
-القطة كلتهم!! هي القطة بتاكل بسكوت وشوكولاته يا اسراء؟؟!
BẠN ĐANG ĐỌC
هابي عيد
Truyện Ngắnحلقات خاصة مجمعة من روايات بقلم روان داود بمناسبة العيد قراءة ممتعة لكم جميعا.... -قلبي متيم بعشقها -عشق أسود(أحببت القطة السوداء) -مجموعة مجانين قي مغامرة -كانت سبيل هدايتي
