شلونكم اصنامي؟ ما راح اطلب منكم تفاعل لان الاصنام ما تتفاعل مو بيدها عمت عيني عليكم، يلة استمتعوا بالبارت بالنهاية اكو كلام خوش
ــــــــــــــــــــــــــــــــــــــــــــــــــــــ
متكور على نفسه بالشقة و عيونه جانت مثبته على الحايط، ما جان الا واهس يسوي شي ولا يتحرك الجوع جان مسيطر عليه بس مابيه حيل يشوف شنو موجود من اكل يعرف ان جسار راح يجي بأي لحظه ويطبخ اله فا ماكو حاجه يتعب نفسه، و ما مرت الا ثواني ويسمع صوت قفل باب الشقة ينفتح ويدخل جسار بملابس الشغل و بيده علاليگ (اكياس) متروسه اشكل و الوان من الفواكه و الخضروات و الحلويات الي يحبهن
دخل جسار للشقة و شاف حبيبه كاعد بالزاوية متكور على نفسه و عيونه جانت عليه، تقدم منه وكعد على ركبته وايده تسمح على شعره حبيبي جوعان صح؟ هز المعني راسه لان جان فعلاً كلش جوعان بما انه صارله يوم كامل ما ماكل شي، ابتسم جسار ادري بيك حبيبي ما تاكل تنتظري اسويلك اكل، بس شنسوي تدلل هسه اسويلك احلى اكل، راح جسار للمطبخ و فرغ كل الاشياء الي جايبها بالثلاجة وطلع المكونات الي يحتاجها بالطبخ جان مقرر يسوي معكرونه بالطماطه مثل ما يحبها حبيبه وفعلا خلص من كلشي وقدمها بصحن ويا كوب عصير وحطها گدامه
وكلني مابيه حيل اكل حجه يزن برود الـ جسار الي ما رفض ولا راح يكدر يرفض اصلا، وكعد يأكل يزن و يشربه عصير وابتسامته جانت مسيطره عليه اليوم جاي تدلل عليه عن غير العادة لا تعض ولا ترفس، ماينكر جسار عاجبه الوضع هيج بس بنفس الوقت مستغرب خمول الاصغر الي صاير ما يقاوم
شفت ماكو فايدة لو هسه احرگ روحي هم اشوفك بوجهي فا گلت خلي استغلك حجه يزن بعد اهتمام وهوه يشرب اخر شي من العصير، ضحك جسار على صراحة يزن بالكلام وياه استغلني شلون ما تريد عيوني اشلعهن الك، اذا تضل هيج حباب تطلع منا وتعيش حالك حال غيرك بس كمل جسار كلامه لمعت عيون يزن بنوع من الامل تحجي صدگ لو تجذب عليه؟ تسأل يزن بنوع من شك ويتمنى ان كلام جسار يكون صحيح
وداعة عيونك الي ما احلف بيهن جذب، بس صير حباب وتشوف مني كل خير تتمناه بعد ما كمل كلامه شال صينيه الاكل من كدام يزن الي خلص اكله و راح للمطبخ يغسلها بينما يزن ظهرت شبه ابتسامة على وجهه بتخيله انه راح يطلع من هاي الشقة الي صارت مثل السجن عليه
رجع جسار بعد ما كمل وحضن جسد يزن الهزيل بجسده الضخم الي كاد ان يختفي وسط هذا الحضن، ظل جسار يقبل راس يزن الي غمض عيونه بنعاس نايم وسط احضان سجانه
ـــــــــــــــــــــــــــــــــــــــــــــــــــــ
ياربي شسالفتهم هذول! گال مَجن بجزع وهو يشوف نفس التشفيرات الي شافهن بحساب الشَبح موجودات بهذا الحساب، تنهد لانه ما گدر يفك ولا شفره من هذن جان كلام كله مشفر و رموز و ارقام عجز عن فهم شي منهم، قرر يتصل بالشَبح و يسلمه الحساب هو وشفراته بدون لا يحاول اكثر ويتعب نفسه، و ما جانت الا ثواني ورد عليه الشَبح
YOU ARE READING
مَجن الشَبح
Teen Fiction"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
