احلى من العقد لباسه الماسه تلبس الماسة

بارت6

اليل~
غرفه فيّ ضحكاتها تصدو بمكانها من حلطمة البندري على مديرها الجديد
البندري بنرفزه:  يع يع شايف نفسه!!! اول يوم وكرفني كرف حسيبه ربي وربي تعبت
ابتسمت تنطق:  اسمعي نوني بكرة عازمتتس عندي البنات يبون يتعرفون عليتس تجيني متكشخة على الاخر تفهمين؟
البندري:  ابشري وانا اردك؟
وكملوا سوالفهم لين ناموا

تسريع الاحداث~
المغرب خلصت صلاتها ومشت للتسريحة تبدا تضبط مكياجها ولبسها
والبنات يتجهزون بما ان عازمين البندري ويبون يتعرفون عليها
وصف عن ملابس بنوتاتي!
فيّ [لابسة  فستان عنابي طويل شوي وفي فتحة برجلها وخفيف وشاد عليها من الخصر وفيه زينة بسيطة وشعرها ويفي ومرتب ومكياجها مره ناعم وحلو!]
دانة[مطقمة مع هاجر بملابسهم والي هو فستان اسود قصير مفتوح من عند الصدر شوي ومكياج خفيف وشعرها ستريت]
ناهد[فستان كحلي بسيط وحلو عليها مره ومكياج خفيف بعد وشعرها كيرلي]
جود [فستان ازرق مفتوح من عند الخصر وقصير شوي وشعرها ستريت ومكياجها حاد]
منيرة[فتسان احمر طويل مفتوح من ورا وشعرها ستريت ومكياجها خفيف مع روجها الاحمر]
يقين[فتسان نيلي جميل بمعنى الكلمة عليها ومكياجها حاد ويبرز ملامحها وشعرها ويفي مسويته ذيل حصان وخصلات من شعرها نازله على وجهها]
الماسة[فستان ابيض قصير شاد وراسم جسمها مع ميكب خفيف وشعرها ويفي]

نرجع للواقع
خلصوا البنات تجهيزات ونزلوا للحوش الخلفي مجهزين فيه جلسه خفيفة وقعدوا ينتظرون البندري

عند البندري خلصت تجهيز ونزلت عند اهلها توريهم كشختها:  شرايكم بس؟
ملاك بحنيه:  بسم الله عليك يبنتي حصني نفسك
هزت راسها بابتسامة تقبل جبين امها وابوها وتلبس عبايتها ونقابها  تطلع مع ريان بوديها لانه سيارتها بالورشة
وصلت وحرك ريان مبتعد عن القصر نزلت تدق على  فيّ وماترد زفرت بغضب توجهت للداخل تتلفت تبي تشوفها:  وينها ذي الزق ساعة ادورها
وقاعدة تتحلطم نزلت انظارها على جوالها تدق عليها وحست راسها ينصدم بجسم انسان
حكت جبينها بالم: حشى مو جسم ذ....
رفعت عيونها وانصدمت بلي واقف قدامها!!
ناظرها: قولي ماشاءالله طيب!
شهقت تنطق: شجابك  انت هنا!
ناظرها بسخريه: بيتي وشدخلتس ؟ وبعدين مين انتِ
ضيق عيونه يركز بعيونها وسرعان ماتوسعت عيونه: بندري!
بلعت ريقها وقال بسخريه:  لذي الدرحة ميتة علي تابعتني لبيتي؟
ناظرته بصدمة:  هدي علينا لا يطق لك عرق جاية  عشان فيّ بس
هز راسه ينطق:  بالحديقه الخلفيه تلقيها
قلبت عيونها له تمشي لهم واول مادخلت راحت تقرص ايد فيّ: ساعة اتصل عليك ماتردين!  وجع ان شاءلله
حسست مكان قرصتها بالم:  وجعاه ماشفت
سرعان مانقزت تحضنها وهي تضحك وسلمت على البنات مسكت ايدها في: امشي سلمي على جدتي وامي والباقيين
هزت راسها تمشي معها دخلوا لداخل وشافت حريم5حريم واضح كبار ووحدة ماسكة بنت والواضح انها بنتها
سلمت عليهم بهدوء وبابتسامة جميلة كانت تناظرها فتون باعجاب لشكلها واسلوبها
كانت تشرب قهوة وانكبت عليها بالغلط فزت لها فيّ: بسم الله عليتس دقيقة 
اعطتها مناديل تمسح واحرقها شوي: اسمعي امشي لغرفتي بعطيتس ملابس وحطي مرهم لفخذتس
البندري: تمام
مشت معها وعطتها توب اسود وبنطلون اسود ضيق شوي وجاكيت خفيف
راحت فيّ للبنات بدون ماتسكر الباب
كانت بالحمام شافت مكان الحرق وحطت مرهم ولبست وطلعت للتسريحة اخذت المشط وبدت تعدل شعرها بهدوء
عند سلمان كان فيه ملل وقرر بحارش فيّ شاف نور غرفتها مفتوح توقع انه هي فيها!
راح بهدوء ودخل غرفتها وشاف بنت معطيته ظهره وقاعدة تمشط شعرها لقدام تقدم لها بهدوء وهو حاسبها فيّ!
نخزها من خصرها بيدينه كمزح وقال: بوه
فزت من مكانها بصدمة تشوف سلمان قدامها وسرعان ماتغيرت ملامحه لذهول من شافها قدامه! عرفها؛ عرفها من عيونها الحادة والمسحوبة
قعدوا يناظرون بعض بصدمة ماحد تحرك لين استوعبت البندري شكلها ونطت على السرير تتلحف بسرعة من الخرشة
كتم ضحكته على حركاتها  وتنحنح ينطق: معليش حسبتس فيّ اختي اسف
وطلع وطيفها ينعاد بخياله عض شفته لوهله "ذي تفسها ام لسان؟  والله اني طحت ومحد سمى علي)
عندها قامت من السرير بخرشه وتنهدت براحة: الحمدلله ماعرفني ياربي
مسكت صدرها تتحي انفاسها وشهقت من لمسته وكان مره مبين معالمها!! وهي تشتم فيّ من داخلها
وازنت نفسها ونزلت للبنات بطبيعية لين خلصوا سهرتهم واتصلت على ريان يحي ياخذها
كان قاعد بالمقلط الخارجي
وشاف سيارة تدخل من البوابة قام وشاف واحد ينزل من السيارة ويتكتف عليها كأنه ينتظر احد
راح عنده وسلم عليه ورحب فيه بس قال:  والله خلها مره ثانيه انتظر اختي الحين
هز راسه بتفهم وكان بيرجع للمقلط وشافها تطلع (لحظه ذا اخوها!! اشهد انها عائلة تورث جمال)
ركبت مع اخوها ومشوا لبيتهم

بعد يومين~
كانوا قاعدين كلهم بأمر من الجد لانه في طلبت منه يقول لهم
عضت شفايفها تفكر كيف بتصارحهم
تنحنت من شافتهم كلهم موجودين:  جدي وابوي واخواني وكلكم اسمعوني بدون ما احد يقاطعني لين اخلص!
ناظروها باستغراب وكملت كلامها بتوتر:  انتو تدرون انه يعني من صغري وان اتمنى اكون من امن الدولة ودخلت طب عشانك  ياجدي بس....
عقد حواحبه عبد الرحمن: بس وش بنيتي؟
بلعت ريقها: انا صراحة يعني شسمه دخلت دورة عسكرية
ناظروها بصدمة ماعدا فيصل الي كان يناظرها بهدوء
وكملت:  انا الحين مو الدكتورة فيّ محمد بس انا الدكتورة والاستخباراتية فيّ بنت محمد آل زايد!
سكتوا وغمضت عيونها متوقعة انهم يصارخون او يهاوشون بس تجمدت من حست بابوها يضمها!!
نطق:  صح انه غلط انتس دخلتي من ورانا بس انا للحين فخور فيتس! الله يوفقتس بنيتي
ابتسمت تقبل راسه وراحت لجدها شافته يبتسم برضى وراحت تخمه بفرح: والله اسفه جدي بس مالقيت فرصه اقول لكم
مسح على راسها بحنيه:  عادي يبنتي راضي علي بعدت عنه وجت  بتنطق بس صرخت من حست بانها ترتفع من الارض ضحك سلمان وهو يحملها: افا يالسلق! من وراي حتى انا زعلت ترا حاوطت رقبته ببرائة:  تزعل مني انا؟
صد يمثل الزعل: اي مارح اسامحتس عشان نظراتس
ابتسمت بخبث تقبل خده وتهمس باذنه: على كذا مارح اضبط لك البندري!
ناظرها بصدمة شتقصد وسوا نفسه غبي:  ها؟ شدخل؟
ابتسمت تميل راسها: بعدين بعدين اقولك
بعدت عنه تحضن امها و يزن وبعدها دانة
ضحكت توري للبنات والكل بطاقتها
نطقت دانة بفخر: من قدي الحين!  يوه يافي احبك
ابتسمت فيّ بامتنان تحمد ربها على اسرتها ذي وعائلتها الي دايم تحتويها
اما عند فيصل كان يراقبها يراقب تصرفاتها الطفولية كيف ممكن ذي تكون نفسها الي تقبرك بارضك! اعترف انه فعلا مغرم فيها وبعيونها الحادة!
تنحنت تنطق:  انا قلت لكم لاني عندي مهمة بكرة
ماقدروا يعترضون لانه هذا شغلها   وكملوا سوالفهم
بعد فترة قامت لغرفتها ولحقها سلمان بسرعة
تربع على سريرها ينطق:  اي وش كنتي تقصدين الحين تعلميني!
قررت ترفع ضغطه ناظرته بهدوء: وش كنت اقصد؟ نسيت
ابتسم يحاول يهدي اعصابه: فوفي تكلمي حبيبتي
ضحكت تنطق: اوك ترا نوني قالت لي شصار وغمزت_وقالت لي انها مساعدتك بعد
سلمان يمثل عدم الاهتمام: طيب؟
فيّ بملعنة طلعت جوالها وسوت انه جاتها رسالة وثواني وصرخت
ناظرها بصدمة و: شفيتس تصرخين وجع؟؟؟
هزت راسها بأسى: نوني تقول ولد عمها خطبها واهلها وافقوا
فز يمسك يدينها بعدم تصديق:  في من جدتس؟؟؟؟
انفجرت تضحك عليه: لا اكذب بس بشوف رده فعلك وبعدين ليه تكذب؟؟ علي انا لا ماتمشي
تنهد براحة ينطق بهيام:  والله انها جابتني من اقصاي اهخ بس

يبنات الدعم والله زفت!  1077كلمة😚