احلى من العقد لباسه الماسه تلبس الماسة

بارت27

دخل جده لغرفته بكم انه للحين يتشافى من الرصاصة طلع من عنده وتوجه لغرفة الماسة: ادخل
دخل وابتسم يشوفها تشاهد مسلسل انسدح جنبها وطفت الايباد تلف له اشرت له على رجلها وانسدح على رجلها وبدت تمسح عليه: كيف الشغل معك؟
تنهد يغمض عيونه: الحمدلله ماشي الحل وانتِ
ضحكت الماسة بخفة: عاجبني
ابتسم الايهم يقبل كف يدها وزمت شفايفها ثواني: ابي اشوفك عريس مو ناوي تتزوج؟
ضحك: معتس عزام اكبر مني توي انا
دق الباب ودخل عزام ورفع حاجبه: خير تحتك انت وخر مكاني
ضحكت الماسة بحب لهم صارت لهم الام بعد امهم يحبوها وتحبهم ماعمرهم زعلوا من بعض ومن  هم صغار ميتين فبعض  وخر له الايهم شوي وجاء انسدح هو بعد وبدت تمسح على شعرهم
الماسة: عزام متى تتزوج ابي اشوف عيالكم
عزام: لسا مالقيت الي يحبها قلبي
دفه الايهم بمزح: مسوي رومانسي دز بس
الماسة: شكلي بزوجكم انا على تسذا
الايهم بمزح: ومين بتزوجينا طيب؟ اقارب انا مابي
فكرت الماسة لثواني: مدري احس تناسبك انت جموح
ضحك الايهم: ليه عصفور هي؟
ضحك عزام معه وكشرت الماسة: سخيف ماتضحك ترا
عزام: وانا مين تبي لي؟
الماسة: مدري احس ماحد والايهم كنسلت
الايهم بتمثيل الحزن: اوف راحت علي
ضربت كتفه الماسة: ياخفيف
الايهم: اعقبي
ضحكت وكملت تسولف معهم

غيرت ملابسها لفستان ولبست عبايتها تطلع لمازن ابتسمت تتمسك بكفه ويطلعون سلموا على خلود ولبست نقابها تطلع معه ركب سيارته وهي معه ومشوا للبحر وقف ينزل ونزلت معه توجهوا ليخته وصعد يشغله وتحركوا يتوسطون البحر نزلت عبايتها تظبط شعرها وطلعت تشوف مازن الي على ظهر اليخت تقدمت له ولف يبتسم لها نزل تيشيرته وعضت شفتها تتأمل عضلاته وشكله'مثير'استوعبت على نفسه من نطق: خلصتي تأمل؟
شتت انظارها: ماتأملت
ابتسم على جنب وتقدم يحملها شهقت من عرفت نيته: مازنن نزلنيي
تجاهلها ونط للبحر وهي معه غمضت عيونها تتمسك برقبته ومازن عاجبه الوضع رفع راسه ياخذ نفس وهي معه تنفست بسرعة: تستهبل انت بفستاني ياخي
ضحك يتأمل شكلها المبلل وغطس مره ثانيه وهو ماسكها غمضت عيونها من جديد وحاولت ترفعه رفع نفسه يضحك بقوة وهو يناظر شكلها: بنت الخبر وماتعرفي تسبحي؟
رفعت حاجبها بثقه: تعقب اعرف بس انت ماسكني
مازن: اجل بتركك ووريني سباحتك
كشرت له: اول شي ماني خويك ترا تكلمني بالكاف
ضحك: تمام يلا اسبحي
تركها واخذت نفس طويل تغطس بدت تسبح وغطس مازن رفعت نفسها تاخذ نفس وطلع مازن يضحك: والله وتعرفي
ماردت تبدا ترش عليه موية وهي تضحك ورش وبدا يرش هو عليها: خلاص استلمت اهجد
تقدمت له ببتسامة بريئة صغر عيونه يعرف وراها شي ومسكت راسه تغطسه وهي تضغط عليه ضحكت بقوة وهي تحاول تغطسه اكثر بس وين وهو اكبر منها رفع نفسه يناظرها ويناظر ابتسامتها وشعرها الكيرلي المبعثر سحبها له يناظر عيونها الي هام وضاع فيهم من زمان ناظرت عيونه بصمت ومافي اي صوت غير الموج والهدوء
توترت ناهد من نظراته: نرجع؟
ماعطاها فرصه وتقدم يقبل ثغرها غمضت عيونها ترفع يدينها وتحاوط عنقه تعمق فيها بالمكان الي يحبه ويهواه مع الي يهواها ويتنفسها مايصدق كيف سرقت عقله ماتوقع بيوم يرجع حبها من جديد رفع يده يمسح على شعرها الي ماينكر انه يجذبه وجدا بعد عنها يتنفس ويناظر عيونها الي فتحتها حط جبينه على جبينها يهمس: أحبتس
ردت بنفس همسه وبخجل وهي مغمضة عينها: اهيمك
طلع اليخت وهي معه دخلت تغير لبسها لفستان اصفر قصير وطلعت تشوف مازن الي واقف على حافة اليخت توجهت لعنده وفتح ذراعه لها تقدمت له وحضنها وقعدوا يتأملون البحر وهدوئه مع بعض.