‎"احتليتِ القَّلب وصعب من يحتله "

3

في سياره عايض ~
عايض : انبسطتي ؟
كنوز ببتسامه : اي بس ماسولفت مع البنات
عايض : تبين انزلك؟
كنوز : لالا بقعد معك
عايض ببتسامه : اطلق من يقعد عندي بكرا بنروح مكه جهزي نفستس، كنوز : ابشر
وصلو الفندق ونامو ..
من بكرا الصبح قام عايض وقوم كنوز لصلاه الفجر وتتجهز مره وحده عايض : كنوزي قومي
كنوز بكسل : يلا قمت
بعد دقايق قليله طلعت كنوز وصلت وافطرو وطلعو يمسكون خط ..
في الطريق ~
عايض : وش تبين اشغلتس أغنيه؟
كنوز : ابو نورهه
عايض فتح المسجل وشغل
"اشوفك كل يوم واروح واقُول نظرة ترد الروحح
اعيش فيها عشان بكره عشان ليلي الي كله جروح
صحيح النظره ماتكفي من الالَام مَـاتِشفي ولكن عذرنا
الحاضر نراعي الوقت والخاطر ومدام النظر مسموح
اشوفك كليوم واروح" كملو طريقهم بصوت عايض الي يغني لكنوز
وكان صوته جداً جمميلل
عند البنات في بيت الجد ~
(همس الي كانت تحب واحد من الجوال وتراسله وماكانت تشوف حياتها بدونه لكن للاسف كان ماخذها تسليه ويحب بنت عمه)
همس وهي الي كانت تكلم احمد كليوم وترسل صورها له وواثقه فيه حرفياً
*اهل احمد*
ابو احمد راشد عمره 45 ومتزوج ب مها
مها ام احمد  : عمرها 43 تزوجت راشد وهي صغيره بعمر 15 وانجبت العيال ذولي كلهم الي بنتعرف عليهم مها كانت جداً تكره شوق الي هي بنت عم احمد بسبب مهاوشتها هي وامها ..
غلا البكر : عمرها 26 حنونه وتحب اخوها احمد وكل ماتزعل او تتضايق تروح لااخوها احمد ويغير جوها في ثانيه حلوهه ومو متزوجه ..
احمد : ثاني عيال مها وراشد عصبي جداً بس فله ويحب الضحك وحلو كان انيق جداً وملفت للانتباه طوله 187 ..
غدي : عمرها 22 كانت ساحبه على اهلها ومو معبرتهم مره واهم شي دراستها وتبتعث لااي منطقه في امريكا ماكانت معجبتها حياتها وبالاصح ماتحس احد يفهمها وعلى جوها ..
تهاني اخر العنقود تدرس ثالث ثانوي جميله جداً ملامحها حاده وفخمه كانت شقّيه منذ الصغر لين كبرت ماتغيرت ابداً وكل يوم استدعاً ولي الأمر في المدرسه وماكانت طاقه لهم خبرر .

في بيت ال راشد ~
احمد بعصبيه : تخطبينها لي ولامعد لي رجعه ب البيت
مها بهدوء : اول شي تتزوج قبلها وبعدها بكيفك عاد حتى لو تتزوج وحده برا القبيله اهم شي ماتاخذ شوق قبل
احمد تذكر همس وقال : خلاص بخطب لكن بعد الزواج بااسبوعين بخطب شوق وبتزوجها
مها الي قالت يصير خير وراحت ..
غدي الي سمعت صراخ اخوها وسدت أذنها وبدت تروق وتعيش جوها لحالها وكانت تتمنى لو انها من أصول امريكيه .
احمد طلع من البيت معصب وركب سيارته الدوج وحط دخانه بين شفته وكان شكله مغري احمد ارسل رساله لهمس وقال لها انه بيجي يخطبها بعد كم يوم وهو الي يعرف وين مكان بيتهم الي بديره والي في الرياض ..
عند همس الي اول ماشافت الرساله نقزت من الفرحه لكن للاسف ماكانت تدري انه متزوجها عشان يرضي امه بعدها يتزوج شوق
همس كانت تتخيل حياتها معه ومبسوطة سوت شاهي وهي مروقه وطلعت تشرب مع البنات
عند عايض وكنوز الي وصلو لسعي
"الصفا والمروه "
بدا عايض يركض وكنوز الي ماكانت تدري ان لازم الرجل يركض في السعي وكانت مندهشه منهم كيف يركضون وبدت تركض ورا عايض عشان مايروح ويخليها وتضيعه 😭، عايض الي كان يركض وتركض وراه كنوز والناس يناظرون فيهم نظره انتقاد
خلص عايض ولف لقا كنوز تلهث من الركض انفجر يضحك عليها وقال : شسويتي يكنوز؟
كنوز بعصبيه : وخر مني الحقك وتركض شذا الحركات
عايض الي حط راسه على الدركسون وقعد يضحك وقال: الرجُل بس الي يركض في السعي مب الأنثى يحلوه
كنوز الي صدت بفشله وقالت في نفسها الله يفشلني وتذكرت نظرات الناس وبدت تضحك معه ..
عند العيال :
ياسر وخالد الي كانو جالسين مع بعض ويخططون يروح الاسطبل ويجيبون اهاليهم معهم خالد : انا بقوم احاول في جدي عشان يروح معنا واكيد بيوافق ياسر : تم ونا بروح اجهز السيارات وارتبها
راح خالد عند جده وبدا يقنعه خالد : خاونا ياجد بتنبسط معليك وجدتي بتروح ومعليك المكان هناك مريح واذا بغيت تنسدح تقدر
الجد : يوليدي شايفني بزر اروح للخيول وش ابي ابها؟
خالد اقنعه ووافق الجد
الساعه 4:45
ثريا : يلا ياصبايا البسو عبييّكم واطلعو
غزلان وهي لابسه بلوزه مفتتوحه الصدر واكمامها طويله منفوشه ولونها بني على بنطلون اسود غزلان : ها كيف يعمه حلو؟
ثريا : قمر قمرررر
غزلان باست راسها ولبست عبايتها وركبت في السياره الي يسوق فيها مطلق وكانت بجنبها ريما وعيده قدام والبزراين معهم الي هم عيال جيلان وغزال وميعاد والعفش ، مطلق تذكر شكلها في العيد وقعد يناظر عيونها بكل حب وشغل قصيده على المسجل
" لعّيونك السّـود جيتك رافع راسَـي شيخ خذا ثار خاله
من ولد عمه جيت اقتل الذل وأسكن قلبك القاسي ظميت
وأوفيت وجيت ادور الضمه ."
استحت غزلان وحست انه يقصدها وريما الي متكيه راسها على الشباك وتهوجس في حمد " حارس الأمن الي شأفته " وصلو بعد نص ساعه واتجهو العيال صوب الخيول والبنات لحقوهم وهم عليهم براقعهم ، اصايل عطوني ذا الرمادي الله يجنن عبد الملك ضحك وقال روحي شوفيه واذا تبين تركبين البسي البس حقه وروحي القسم حق الحريم ، اصايل بحماس تم تم ، غزلان همست لمطلق وقالت عطني ذاك الأبيض وبسوي نفسي ماادري مطلق عطا ياسر " النادرة" وهي من افضل الخيول واجملها واطربها وكانت سرعتها خياليه، ياسر خذاه منه وقال : خذي ذا وروحي مع اصايل وبعدها بدو البنات يختارون احصنه ويروحون القسم حقهم
غزلان : بنات شوفو الفرس حقتي طويله كيف اقدر اركب الحين
جميله : جيبي اي شي ونطي فوقها وسوتها غزلان وليتها ماسوتها تحمست النادرة وكانت تحسب انه سباق وبدت تركض وماكان متبقي في الإسطبل الا ياسر ومطلق والعيال قد خذو الخيول حقتهم وراحو مع الجهه الثانيه غزلان وهي تبكي : تكفى ياسر نزلني منها وكل مالها تزيد سرعه النادرة وياسر ماكان يفهم في الأحصنة كثير
ياسر برعب وغيره : صد يمطلق البنت ماعليها عبايه
مطلق بخوف : فاضي انت الحين امش خلنا نحاصر النادرة ويارب توقف غزلان وهي تحس بدوخه : وقفوها تكفون
مطلق بدا يركض يوم شافها تبكي بقوه : مسك النادرة مطلق وقال لها نطي في حضني وامسكي رقبتي عشان ماتطيحين
غزلان بخوف : مقدر يمطلق بعيد انت شلون انط
مطلق وهو يهديها : معليه يبنتي نطي بسرعه
نطت غزلان وسوت نفسه وقال لياسر امسك الفرس يلا وبنزل غزلان ورجعها غزلان الي كانت تتأمل كيف مطلق خايف عليها لكن كانت خايفه من الهواش الي بيجيها من اخوها وماتدري وش بيصير مطلق لف ولقاها تناظر فيه وبانت غمازتها وباسها فيها ونزلها على السريع ، ياسر الي كان يحاول يمسك الخيل بدون ماتسوي حركه توديهم في داهيه وماشاف مطلق وهو يبوسها لكن كان يحتترق غيره من لمسته لها وهو يدري ان مطلق ناوي يجيهم بعد يومين يخطب لان قد علمه لكن مارضى لان باقي ماصار شي ولاتملكو حتى .
مطلق نزل غزلان وجات ورا ياسر وخذت شماغه ياسر : توتس تتذكرين انتس تتنقبين يااخت غزلان حسابتس في البيت ، غزلان : شسوي ياخي كنت في رعب وكان ممكن اموت وانت تفكر في النقاب ؟ ، ياسر سفهها وراح وراحت هي بعد وبدلت لبسها ولبست جلابيه وعليها برقعها وطلعت لهم في الجلسه الي كانو جالسين فيها.
همس وهي تقول لااصايل والهنوف ونجلا ورهف وجميله وريما تعالو لحالنا نسولف مارتحت هنا
قامو البنات يمشون بعيد وبدو يفضفضون لبعض
همس : بنات انا تعبت من ابوي وش اسوي اذا شافني كلمت حمود او طلعت معه يقعد يهاوش ويسفل فيه معن ماله ذنب هو وانا الي أكلمه ابيه يجي لكن كان يرفض ابوي صح احبه بس صرت اكره اهلي وأحس امي سبب كل شي مع ان مالها ذنب وهو ساحب على عمتي العنود من قبل
رهف بحزن على حمود : لازم نعرف وش سر ذا الكرهه والسحبه عليه هو وامه ، همس : حاولت من قبلس يرهف بس مانفع
نجلا: بنات خلوكم من سالفه حمود وعمي عن السحبه الحين ماتلاحظون ان عمي يغصب حمود يسوي اشيا اكثر من محمد ويحمله شي اكبر من عمره من يوم هو صغير
همس بحزن : بنات لو تشوفون كيف يعامله بس قسم شي يقهر ان ابوي يسوي ذي الحركات ب اعز اخواني عندي !.
الهنوف وجميله قالو : خلاص بنات جايين نبي نفلها ونستانس ليه تنكدون على انفسكم؟ قومو خلونا نشغل سماعات ونهز
همس ضحكت وقالت : تعجبببيينيي قومو تم تم "الي يسال عن لميس راحت مع ابوها لان عندها اختبارات جداً صعبه وماترتاح تذاكر هنا وكانت اعز صديقاتها غدي الي كان يروح نص وقتها معها"
عند البنات جميله الي حطت طرحتها على خصرها وبدت تهز بااتقان هي وغزلان والهنوف وريما تعزز لهم وهي تصفق وتقول في نفسها ياحظك يامطيلق ريما: لو كنوز هنا شلت ام المكان بصراخها وحماسها، رهف اي والله اشتقت لها الحيوانه 😔.
نجلا الي كانت هاديه جداً وتصفق لهم وتقول عاشووو بنات عمي
غزلان : اخخ يكثرررر الحببب يحلواتي
رهف : يحظنااا
ريما : اي والله ياحظنا بس مطلق دق يقول العشاء زان خلونا نرجع
رجعو البنات وسوو سباق والي فازت هي رهف بدو يصفقون لها البنات
رهف : لاداعي لاداعي
ريما : صكتها بكتفها بمزح وقالت كفووو يبنت ثنيان هههههههههههه
وصلو البنات وكلو وبدو يلعبون كلهم والبنات مع العيال ويلفون القاروره واحكام وفعاليات حلوهه جداً
ريما : اوووهه يلا يفلاح اسالها حكم ولاسوال
فلاح ناظر في جميله وقال وش تبين حكم ولا سؤال؟
جميله : سؤال
فلاح : لو قالو لتس اختاري شخص واحد يقعد معتس طول الحياه من بتختارين؟
جميله ب احراج : من تحس؟
ريما : بلا قرف بلا حركات مخطوببين اعجلي نبي نلعب هههههههههه ضحكو كلهم وقالت غزلان : اي صدق بسرعه
ريما : مين بتختارين؟
جميله : فلاح
ضحكو العيال واستحى فلاح وقال: كفو كفو بنتيي حضنها مع كتفها وباس راسها
الجد : الي ماكان معجبه الوضع ومب جايز له المكان
الجده ساره وهي حاطه سلطان بحظنها وقالت يزين هصغير
ابتسمت جيلان وقالت : يعيوني انتي يجده والله
مطلق تذكر موقفه مع سلطان وغزلان وبدا يناظرها وهي ب المثل
بعد دقايق شلو اغراضهم وكانو ماشين لديره ووصلو بعد دقايق
عند همس الي ماصدقت ترجع دقت على احمد
احمد : ارحبي
همس بحب وبضحكه : البقى
احمد : كيف يومتس سولفي لي طفشان
همس بدت تعلمه وش صار بيومها وبعدها سالته ، همس :صدق بتجي تخطبني ، احمد وهو يزفر دخانه قال : اي صدق متى تبيني اجيتس او الوقت الي فاضين فيه؟
همس : بعد اسبوع قد جينا من الديره
احمد سكت وهو الي كان اول مايكلم همس يقعد يضحك ويحبها حب صديقه فقط مو حب حبيبه او يشوفها بتصير زوجه له مررره

خلص البارت يحلويني شرايكم فيه ووش احلى ثنين عجبوكم احس كنوز وعايض مررره داخلين قلبي 😢 في البارتات الجايه بتحزنون على همس وحالها تجهزو ولاتنسون النجمه عشان نستمر😋⭐️.