‎"احتليتِ القَّلب وصعب من يحتله "

10

في بيت العم ثنيان~
نجلا : يبه شرايك نطلع البر مع عماني؟
ثنيان : والله مدري يبنتي
نجلا : شوف يبه دق عليهم وااذ فاضين نروح؟
ثنيان مارد ودق اول شي على اخوه الكبير مسفر
مسفر: ارحب ارحب يابو مازن
ثنيان ببتسامه: البقى يبو عايض
ثنيان: فاضي اليوم ولاعندك اشغال؟
مسفر: لاوالله ماعندي شي ليه؟
ثنيان : ودي اننا نروح البر ونستانس هناك
مسفر : والله الي تم خاطري في البر منزمان
ثنيان : اجل تجهزو في العصر وحنا هناك
مسفر : الله يحفظك
قفل مسفر ولف ثنيان على بنته نجلا وقال
عمتس مسفر بيجي بعد عمس ملفي وعثمان وعمتس نويّر وثريا
نجلا بضحكه: ماشاءالله ياكثرهم هههههههههههه
ثنيان الي دق على اخوانه كلهم وعزمهم لسمرته الي بلبر
ثنيان : روحي نادي امتس يانجلا تقهوى معي برا
نجلا : ابشر
راحت نجلا تركض لألمها ألب كانت تحني يدها
نجلا : الله حنا حطي لي معتس
هدى : هاتي يدتس
نجلا سمي
حطت نجلا على يدها حنا وكانت معجبتها مررره
هدى : يازين ذا الحنا ع يدتس يبنتي
نجلا ببتسامه: امي وين مازن هو ولميس؟
هدى : راحو الجامعه الا صدق ليه ماداومتي انتي؟
نجلا: ماعندي شي اليوم
نجلا: ابوي يبتس يمه قال ناديها وجلست معتس ههههههههه
هدى بضحكه: وش بغى؟
نجلا: اتوقع بيعلمتس اننا بنروح البر بس مدري شوفيه
هدى : قايمه له
عند همس واحمد الي بعزبه يجهزون عفوشهم
همس : لو كنت حيوان وش بتصير
احمد الي استغرب من سوألها وقال: وش طرا هههههههه
همس : لو كنت حيوان وش بتصير
احمد : حصان
همس : اي واضح قصدك حمار
احمد بضحكه : تعقبين هههههههههههه
احمد لو انتي حيوان وش بتصيرين؟
همس : وولاشي ههههههههه
احمد : بتكونين دجاجه يلخوافه
همس : خيررر ههههههههه
احمد : امزح معتس يلا جاهزه نحرك؟
همس : اي مشينا
بعد ساعات في المخيم📍.
غزلان: يوووه فروتي وين مالقيتها!
ريما: روحي للمخيم الي ورا اتوقع انها فيه
راحت غزلان وصادفت مطلق
مطلق : ارحبي ي فاتنتي😋
غزلان: البقى لبى عيونك
مطلق : يعني الحين اقدر اسوي اي شي صح مايجون حرام قدتس زوجتي، غزلان: اي بس شفت فروتي ي مطلق؟
مطلق: لاوالله تبين اشوف المخيم الي عندنا؟
غزلان: اي تكفى
مطلق ببتسامه: ابشري
راح مطلق يدور فروتها ولقاها
مطلق : يلبيه ي الريحههه
"عند البنات "
اصايل: بنات خاطري افحططط
ريما: حتى انا والله شرايتس ناخذ سياره اي واحد من العيال ونسويها،اصايل : تم بس سياره من ناخذ؟
ريما: شوفي سياره تركي اقرب شي
جيلان وجميله: اقول اقعدو بس بتجيبون ام العيدد انتو!
ريما: لامعليتس اعرف اسوق انا
اصايل بكذبه: حتى انا اعرف
ركبو الهايلكس حقت تركي وكانت الي تسوق اصايل وبجنبها ريما ووراهم رهف وغزلان والهنوف
اصايل الي بدت تسوق على خفيف وبعدها بدت تفحط وتغبر ب السياره والمكان كله مكزوز وللأسف ماكانت تعرف شلون توقفها
ريما: اختت مطلقق ماتعرفين توقفين يزلابه وسايقه فينا
اصايل : بدت ترجع بسياره وتمشي قدام بسرعه
عند العيال:
ياسر: اسمع صوت انا تسمعون انتو؟
خالد : اي بالله اسمع
فز تركي وقال : ذا صوت الهلي حقتي
راح يركض ورا السياره وكانت تسوق سرعه جداو تخوف
اصايل بخوف: يمهه وش اسويي!
ريما : حولييي بسوق انا
قاطعهم تركي وخالد الي جاو ركض
وكانو البنات لابسين براقعهم ويفحطون اشكالهم كانت مضحكه جداً
تركي : اسللم الي تسوق اصايل السلقه صح؟
اصايل: تعقب انت السلقه
خالد الي يضحك وقال: مب وقته تتهاوشون حولي بس
اصايل: منزين سيارتك الخرده ذي هههههههه
تركي ببتسامه : جاكم شي ؟
اصايل: لا بسيطه
الهنوف وهي تبكي وتضحك بنفس الوقت : حسبي الله عليكم ي حيوانااتتت ، اصايل : تراتس مدلعه عادي ترا الحياه مره وحده
خالد: بصوت خفيف جعله بروحي ي الهنوف كان يحسب محد سمعه بس للاسف سمعه تركي والهنوف وغزلان وبدو يطقطقون عليهم
تركي: ي الخروف ماتوقعتك كذا هههههههههه
خالد بضحكه : لعنه ياتركي
الهنوف في نفسها : معقوله يحبني؟اخخ طلع الشعور متبادل يعني
تركي الي ودا السياره من ورا
عند الحريم
الجده ساره: يلبيه ي المطر!
مشاعل : اي والله يزين المطر زينااه
هدى بخوف : حد شاف نجلا؟
مشاعل : لاوالله ليه؟
هدى : دورناها مالقينهاه مدري وين راحت!
مشاعل بخوف : بسم الله عليها يمكن راحت تمشي
هدى : لا لا لو راحت بتقول اعرفها انا
عيده: وش فيكم؟
هدى : شفتي نجلا؟
عيده: اي اول ماجينا قالت بتروح الحمام "الله يكرمكم "
هدى الي تطمنت شوي : مستحيل للحين ماجات
عيده: لاتشيلين هم اكيد بتجي معليتس
عند نجلا الي ضيعت المكان وبدت تركض وجا الليل وهي تدور المخيم حقهم طلعت لشارع وكانت تتمنى احد من الي تعرفهم يطلع لها عشان يساعدها وكانت تمشي سيارات وجات وهي تركض وقفت سياره كامري صغيره لها
نجلا وهي تحصن نفسها وكان عليها برقعها وجلابيتها ومغرقها المطر وكان حالها جداً مزرري
نادر وهو صاد : من انتي عليه؟؟
نجلا بخوف : مدري ضعت والله خايفه
نادر : خلاص اركبي من المطر ولاتخافين ماني مأذيتس وبدور اهلتس اليوم وان شااءالله ألقاهم
نجلا بخوف : لامابركب روح
نادر : والله يبنتي مااسوي لتس شي اركبي بس اردتس لااهلتس المطر قوي!
نجلا سكتت وركبت معه بهدوء
نجلا: وين اروح الحين؟
نادر : ابل بوي هنا فيه كرفانه بخليتس فيها ع ماادور اهلتس
نجلا : طيب
وصلو لعزبه ابوه ونزلت نجلا معه وكانت تلحقه وهو صاد منها
نادر : ادخلي هنا وبجيب لتس حليب دافي
نجلا : لاعادي مب لازم
نادر: شفيتس انتي اشوفتس مثل اختي ولازم اساعدتس
نجلا : مدري خايفه
نادر : لاتخافين وولاشي
راح نادر يحلب من ناقتهم ويحطه ببريق ويضبطه لها
عند نجلا الي فكت برقعها وقعدت تهويه عشان ينشف من المطر
جا نادر ومعه الحليب وقال: ادخل ؟
نجلا: صبر بلبس برقعي
نجلا : خلاص ادخل
دخل نادر واول مره يشوف هيئتها وعيونها ماركز وعطاها الحليب وقال : تعرفين رقم ابوتس؟
نجلا : لاوالله
نادر: طيب عطيني اسمس الرباعي عشان ادور ع اهلتس
نجلا : نجلا بنت ثنيان ياسر ال ياسر
نادر : ونعم يلا انا طالع اشوف وينهم
نجلا : زين
طلع نادر يفر في المخيمات ع الاسم ذا لكن تعب وكان فيه نوم وناوي يكمل من بكره
عند الحريم ~
هدى وهي تبكي : ياويلي بنتي ويينننن
رهف بخوف : يمه خلاص تكفين لعد تبكين طلعو العيال يدورونها
هدى : شلون ماابكي ذي بنتي والله ماتحسون صدق
رهف : يمه والله حاسه فيتس بس البكاء والله ماينفع!
هدى الي سكتت شوي وراحت تصلي وتدعي تجي بنتها بخير
عند نادر ونجلا
نادر : مالقيت بكره بطلع وأدور مره ثانيه
نادر: انا بنام في الغرفه الي بجنبتس زين؟
نجلا : زين
راح ينام نادر وبس تفكر نجلا في اهلها وخايفه جداً عليهم
قامت نجلا بهدوء تبي تاخذ ما ولقته منسدح ونام وهو بريء
نجلا : ياويل حالي مزيون ويساعدني بعد راحت للمطبخ وطلعت للمجلس تنام
من بكره الصبح الي قامت نجلا وقعدت تفكر وتهوجس وماكان معها جوالها طلع نادر قدامها وقال: تبين تنزلين تحت عند البل؟
نجلا الي كانت تحب البر ولاجوا القديمه والبل قالت : طيب بس شوي
نزلت نجلا بعد ماراح وقعدت تلممس الناقه الصغيره وفكت برقعها بحكم ان مافيه احد وكانت ناويه تحبها
عند نادر الي قعد لين الظهر مالقا اهلها وهو جاي على سيارته شاف نجلا لااول مره وانصدم لان اول مره يشوف بنت حلوه لهالدرجة
استوعب انه قعد يناظرها وهي ماتحل له وصد وجا وقعد عند البل يعطيها اكلها

وبكذا خلص البارت شرايكم😢❤️؟
لاتنسون النجمه يحلويني😋⭐️.