جيتك من أقصاي .. وأنا صدري شمالي

البـَارت الستـّين

البَارت الستـّون

.

.

.

<الحمدالله حمدًا كثيراً "
<بعد مرور العشـِر الآواخر| ليلة العيـٓد>

<ديرة مقرن>

كانت القرية مُزينه بعقود اللمبات ويعدّلون على خيمة الديرة اللي يجتمعون فيها للمناسبات مُتسمه بصفات الأولين البهيه

مطلق وهو راجع وتّوه مشتري التوزيعات اللي البنات طالبينها:السلاام علييكم
العنود وهي ترتّب الصاله:وعليكم السلام مطلق تكفى افصخ زبيريتك وامش على اطراف اصابعك تونا مغسلين والأرض مبللة
مطلق:طيب بأحط الاغراض على الطاوله في المطبخ
العنود:تمام الرّيم قدامك اصلًا

راح للمطبخ وقده طالع:تبين شيء؟
الرّيم:لا خلصنا الحمدالله
مطلق:يعطيكم العافيه-بتساؤل- لين ماكانت معكم؟
الرّيم:الا يعمري هي توهـا تروح وقالت بتتروش وحنّا الحين بنروح وبنجهّز وترى امي وابوي نايمين

مطلق:تمام اذا بغيتوا شيء تعالو لي الغرفة
الرّيم:ابشر وقول لـ لين اذا خلّصت تجي لنا نتجهّز سوا
مطلق ضحك وهو طالع:لا والله احلفي وانا مالي رب تتجهز قدامي؟
الرّيم:والله كيفكم

مطلق دخل للغرفه يسمعها تغنّي وتتروش وريحة الغُرفة ريحة لين واللي هي نظااافه فسخ ثوبه وبقى بالسروال ومنسدح على السرير يناظر في جوّاله

طلعت من الحمام وهي تجهل وجوده كانت لابسه روب الحمّام وشعرها مبلوول بشكلل مُلفت وجذّاب

نطقت بعبط: أي بجامه؟؟ لا اول شيء خليني اتعـ..-شافت انعكااسه في المرايا وصرخت-يمممه
مطلق فز مخروش يتلفت يمين ويساار:وشش فيييه

لين ناظرت فيه بصدمه وشدّت على الروب:انتتت وشش جااابك
مطلق استغفر:يبنتت روعتيييني  بصرااختس والظااهر انها غرفتي وابي ارتاح
لين تخصّرت:طيب تنحنح قول شيء تراني اتروّش هنا
مطلق وهو ركّز فيها وناظرها بخيث وضحك:ليين ياقلبيي على ميين؟؟
لين توّردت ملامحها:مططلق-اخذت البيجاما-اروح الحمّام ازين لي-دخلت ولبست - ترى طلّعت ملابِس الداخلية حقتك لو بتتروش كل شييء جااهز

مطلق بهدوء:يعطيتس العافيه
لين ضحكت وجت جلست عنده بعثرت شعره:فديت الزعلانيين
مطلق ناظرها بنص عين:دامتس تعرفين اني ازعل لي تسوينه
لين بغموض:متعمّده لأني
مطلق وسّع عيونه:متعمّدهه تزعليني؟؟
لين:ايه وعشان اراضييك
مطلق تكتّف:عشان تراضيني ولو ما رضيت ؟ تعرفين راسي يابس
لين :واذا راضيتك؟؟
مطلق: لتس اللي تبيين وعدد
لين:آجل موعدنا بعد صلاة العيد هـِنا
مطلق:تم -تقدّم وباس ثغرها- هالحين نعلِن الزعل ؟؟
لين ضحكت:تمم

قامت واخذت اغراضها وراحت للبنات وهو عدّل سدحته على اساس بياخذ غفوة بس طار النوم وهو متعجّب من كمية ثقتهاا ضحك:منتيي بهيّنة يا بنت محمد