Part-11
" ကျတော့်ကိုဒါလေး ယူပေးလို့ရမလားမသိဘူး အရှေ့ကတယောက်"
"ရပါ ဟင် ဂျောင်းဟန်မလား"
စာအုပ်ဆိုင်တွင် စာအုပ်ဝယ်နေသည့်အချိန် သူမမီသည့် စင်ပေါ်မှ စာအုပ်တစ်အုပ်ကို လှမ်းယူခိုင်းလိုက်ရာ ထိုလူမှ သူ့ဘက်ပြန်လှည့်အလာတွင် တွေ့လိုက်ရသောသူကိုမြင်တော့ ဂျောင်းဟန် ပျော်သွားမိသည်။
ပြည်ပမှာ သူကျောင်းသွားတတ်တော့ သူ့ရဲ့အတန်းဖော်ဖြစ်ခဲ့သော ဟုန်းဂျီဆူး
"ဂျီဆူး "
"တွေ့ရတာ ဝမ်းသာလိုက်တာ မင်းကိုငါ လိုက်ရှာနေခဲ့တာ"
"ငါလဲမင်းကို ပြန်တွေ့ရတာဝမ်းသာပါတယ် ဂျီဆူး"
ဂျီဆူးက အရင်လိုပဲ နူးနူးညံ့ညံ့လေး ပြုံးပြလာပြန်သည်။ ဂျီဆူးအပြုံးကြောင့် ဂျောင်းဟန်ရင်ထဲ အေးချမ်းသွားရသည်။
"ဆိုင်တစ်ဆိုငိမှာ ငါတို့စကားသွားပြောကျမလား ဂျောင်းဟန်"
ဂျီဆူး ပြောတာ သဘာဝကျပေမဲ့ သူကြုံတွေ့နေရသည့်ပြသနာတွေကြောင့် သူ ဆိုင်တစ်ခုခုမှာ အကြာကြီး နေလို့မရပါ
" ဟို ဂျီဆူး ငါအခုနေတဲ့အိမ်ကိုပဲ လိုက်ခဲ့မလားဟင်
ငါပြသနာလေးတစ်ခုရှိလို့ အပြင်မှာအကြာကြီးနေလို့မရလို့ပါ""အော် ရပါတယ် အဲ့ဒါဆို မင်းအရှေ့က သွားလေ ငါအနောက်ကနေ လိုက်လာပါ့မယ်"
ဂျီဆူးက သူ့ထုံးစံအတိုင်း ဂျောင်းဟန်အနေခက်အောင် ဘာမှမလုပ်ပဲ ဂျောင်းဟန် ပြောတာကိုပဲနာခံခဲ့သည်။
သူ ဂျီဆူးနဲ့ပြန်တွေ့ရသည့်အတွက် ဝမ်းသာမိသည်။ အကြာကြီးနေမှ သူငယ်ချင်းတစ်ယောက်ကိုပြန်တွေ့လိုက်ရခြင်းဖြစ်သည်။
…………………………………………
"ဒါ ငါ အခုနေတဲ့အိမ်လေ ဂျီဆူး "ဂျီဆူးက ဂျောင်းဟန်ပြောတာကိုနားထောင်ရင်း ဂျောင်းဟန်ကို တခုခုမေးချင်နေပုံရသည်။
"မင်း ဘာတွေဖြစ်ခဲ့တာလဲ ဂျောင်းဟန် ငါ့ကိုပြောပြလို့ရမလား "
![](https://img.wattpad.com/cover/365201650-288-k708128.jpg)