لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
*********************
فتحت عيوني لكيت روحي بحضن فيصل
و يطبطب على وجهي يريدني اصحى
لما شافني فتحت عيوني گال
فيصل:ميي بسرعه
رجع يمسح على وجهي و اردف
فيصل:جوري بويه تسمعيني ؟
هزيت راسي ب "اي" ماعندي طاقه احجي
اخذ المي من ايد كرم و كعدني صار يشرب
بيه
حطيت ايدي على ايده و دفعتها بخفه
و گلت بصوت خافت
جوري:عوفني مناا العالم
فيصل:انعل ابو العالم مو اهم منج بويه أنتِ
كومي يلا سندي روحج عليه اخذج للبيت
جوري:لا هسه اصير احسن مابيه شي
كومني كعدني على الكرسي و كعد كدامي
ثاني ركبته گال لكرم
فيصل:كرم تكدر تروح اني يمها
طلع بدون ميحجي اي شي بقينه بس
اني و فيصل.. اخذ ايدي بيده و اردف
فيصل:بشنو تحسين؟
جوري:شوي دايخه بس هسه تروح الدوخه
فيصل:لان متاكلين هيج يصير بيج ليش تعذبين بروحج فهميني
جوري:اكدر ارجع للبيت؟ احس ما اكدر اكمل شغل اليوم
فيصل:اخذج للمستشفى اول يحطولج مغذي و بعدين اوديج للبيت
كمت من مكاني و اخذت جنطتي و گلت
جوري:لا شكراً اني اروح و باجر ان شاء الله اجي
فيصل:بلا عناد و امشي كدامي يلا اني اوصلج
فتحت تلفوني و دكيت على بشار
جوري:بشار فدوه بس شوفلي احد يوصلني لبيتكم تعبانه شوي اريد اروح يم يقين
بشار:ثواني و جايج
سديته من عنده رفعت عيوني على فيصل
چان مكتف ايده و يباوعلي و يخزر بيه
هزيتله راسي بمعنى "شكو" گال
فيصل:تفضلين الغريب عليه؟؟
جوري:لانه احسن منك ميأذيني
ضرب على الميز بقوه و عاط بيه
فيصل:انييييي رجلجججج اعرفييي شتحجييين كداامييي
جوري:صدكني فيصل حالتي متسمح اتعارك وياك
خليني اروح احسن
فتحت الباب اريد اطلع صار بوجهي بشار
گال
بشار:خيرج جوري سلامات!
جوري:الله يسلمك بس دخت شوي
بشار:اييي من عنادجج متاكلييين امشي كدامي اخذج للمستشفى
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
