ياقطرة من غيث احيتني من بعد مماتي

البارت (25)

-مرة ثلاث ايام ووصلنا لليلية العيد الاضحى-

-قصر المرتفع-
-الساعه 9:30-

-جلس ال هذال جميعاً بلا استنثاء بالحوش-

طلع برجس البروجكتر وشغلو فلم مصري قديم
(لا انام)
جلسو الرجال قدام والحريم ورا

-جلسة الرجال-

كان ابو سعود جالس وجنبه ابو عمر ومرتكين على مركى وحده
يمينهم عبدالعزيز ومنسدح على رجله بحر
على يسارهم سعود ومتركي على رجله البتال وفهد متركب على رجله سلطان
اما عمر خلى الفيصل ينسدح على فخذه وخالد جالس على كرسيه ورا ظهر عمر يقرا كتابه
قريب من البروجكتر برجس وهو متسند على المركى ويمينه سلمان ويساره عبدالله

-ورا جلسة الرجال جلسة الحريم-

جلست ام عمر وام سعود وهم مرتكين على ومركى وحده
على يمينهم برنكي وبرن  اقصد مهرونيسا وفلك متغطين ببطانيه وحده على يسارهم خديجه والجوري
اما عن المها جالسه هي واستبرق بعد فلك ومهرنيسا
ميس وماريا وايلاف جلسو اخرر شي وقبل بداية جلسة الرجال

-الحديقة اللي امام جلستهم-
كان نايف جالس يدف موج بالمرجيحه
وميلا وغيم والغاليه يلعبون حريم على قولتهم وكل وحده جايبه لعبها على الاساس بنتها واهم شي حاطين شبسات وعصير على الاساس قهوه وشاهي وضيافه

-جلسة الرجال-

صفر عمر اول وما طلعت هند رستم وهمس للفيصل:خشففف(جميلة)
رافع الفيصل راسه وهو منسدح بحضنه: اعقل خذيت مخي ولا وش
سلطان وهو حاط صحن الفشار بحضنه وياكل فشار الجبنه: اللهم زوجة ماتشبه اي احد المهم تعرف تسوي فشار جبنه
ضحكو كلهم بما فيهم رجال وحريم
البتال وهو يضربه : يامشفوح عطني
لحس سلطان الصحن
البتال بقرف: وع الله يحوم كبدك مابي
سلطان بضحكه: احسن عشان ماتاخذ
ضحك فهد بقرف: كل وانت ساكت ولا قم من على فخذي
رفع سلطان راسه: اش ابي اتابع
سعود وهو يخبط راس سلطان: انت اسكت
همس ابو سعود لبو عمر: لا حرمنا ربي ذا الجمعه
ابتسم ابو عمر: اللهم امين شف شف بحر وعبدالعزيز
كان بحر منسدح وعبدالعزيز ياكل حبه ويعطيه حبه
ضحك ابو سعود عليهم
بحر وهو ياكل: هات حبتين فشار وش حبه حبه
اخذ عبدالعزيز اكثر من خمس حبات او بالاصح عبى كف يده وحطها جوا فم بحر: كل كل
شرق بحر: يامال الفضخ
لف برجس: كلمتي ياورع
بحر وهو يكح: البخ
برجس بحده : للمره المليون اقول كلمتي
ابو سعود: يامال البعر البخ نبي نتابع
ضحك برجس: تمون مانيب قايلك حقوقي وغمز له
ضحكو كلهم
لف عبدالله على برجس: عطيني فشار
قرب برجس واكله حبه
دق سلمان كتفه: ابي
لف برجس وعطه
عبدالله وهو يمثل الزعل: برجوسي ابي
لف برجس ومسك الصحن وحطه بحضنه وصار ياخذ حبتين ويعطيهم ثنيهم بوقت واحد
عمر وهو يمسك جبهة الفيصل: توجس بشي؟
رفع الفيصل راسه: لا يبعد حيي
كان خالد يقرا ولا هو يمهم