ياقطرة من غيث احيتني من بعد مماتي

بارت (51)

(عروس المدينة المنورة)

-فلة عبدالعزيز-
دخل جناح اطفاله وهو يبتسم: ها حبيبتي جهزتي؟؟
ايلاف وهي تشوف ضي وتطمن عليها: اي اي بس ضيونتي مدري وش فيها اخاف ترتفع حرارتها نفس امس
ابتسم عبدالعزيز وهو يحس بمسعود ماسك رجله
مسعود بحماس طفولي: باباااا
ضحك عبدالعزيز وهو يشيله: ارحب ياسمي جده
دخلت الغاليه وهي تضحك: بابا دلوعتك غيم تبكي
نزل عبدالعزيز مسعود وهرول بخطوات سريعه لجناح غيم

-جناح الغيم-

فرش جناح غيم بأجود الاثاث وافخم الانتيكات الفكتوريه
شبت طفلتنا غيم ودخلت لمرحلة المراهقة واندمجت في عالم الكتب والروايات والادب الفكتوري وكيف ماتندمج فيه وعمها خالد وخالتها خديجه
طق عبدالعزيز الجناح
غيم بزعل: ميلا مابي احد خلاص
فتح عبدالعزيز الباب: مسموح ادخل؟
لفت غيم وجهها بزعل وهي ترفع الكتاب
ضحك عبدالعزيز وقرب جلس جنبها على السرير: اميرتي المدللة وش مزعلها؟
غيم بزعل : بابا ليش بتسافر؟؟؟
مسك عبدالعزيز يدها بلطف وحنان: حبيبتي انا بسافر اغير جو لماما
غيم وهي تدمع: واناا؟ بابا بليز لاتروح والله احبك لاتروح
ضحك عبدالعزيز وهو يجلسها بحضنه: طيب نتفق اتفاق؟
هزت غيم راسها بالموافقه: وشو؟
عبدالعزيز وهو يلمس خشمها بنعومه: وعد اذا رجعت نسافر لحالنا انا وانتي وبس ،،،،وانتي تختارين وين نروح طيب يابابا؟
ضحكت غيم: يسسس احبك باباا،،،قربت وباس خده بنعومه
ضحكت عبدالعزيز وهو يدغدغها ويضحك معها: واناا اعشقك ياعيون بابا
دخلت الغاليه وهي تصارخ: وخرررر وخرر
ضحك عبدالعزيز وهو يسحب الغاليه على السرير ويلعب معهم
دخلت ايلاف وهي شايله علي وماسكه مسعود: حبيبي يلا م،،،ماكملت كلامها من الصدمه،،،،عزيزززز حوستو الغرفه
ضحكت الغاليه وهي تنط على ظهر ابوها: حركة جون سينااااا
ضحك عبدالعزيز وهو يثبتها من يدها: هاا وين الحركه
ضحكت غيم وهي تدف يده: خلاص عشاني سامحها
ايلاف وهي تناظر مسعود وعلي: اسفه لكم ياماما بس ابوكم يحب خواتكم اكثر،،،ماعليه ماعليه انا بحبكم
ضحكو عبدالعزيز والبنات على كلامها

-حائل-
جلس برجس وقدامه استبرق تناظر الجبال والسما
قرب برجس وهو يحضنها من خلفها: قمرتي بوش مشغوله به عني؟
ضحكت استبرق بنعومه وهي تدف يده من محاوط حزامها: مشغوله بالليل وسماه،،،وانت؟
ضحك برجس: الليل مشغول بقمرته ونجومه
استبرق بغيره: اجل الله يخلي له نجومه ويبعده عن قمرته
ضحك برجس على غيرتها وشالها وبدا يدور فيها
ضحكت استبرق باعلى صوتها: نزلني لا اقول خاطفني نزلني
ضحك برجس وهو ينزلها: اوه جوي الخطف ،،غمز لها،،تبين اخطفتس ؟
ضحكت استبرق وهي تمسك عصبته: عادي تعصب لي مثلك؟
ابتسم برجس وشال شماغه وحرر حريرها بيده : عندي اغلى من غزالي؟
ضحكت استبرق وهي تشوفه يعصب لها: لا ياحضره النمر
برجس ببتسامه وهو يثبت العصبه على راسها وحريرها نازل على كتفها:هلون ضبط
مسكت استبرق جوالها وهي تصور العصبه والليل والقمر،،،،لفت بجوالها وصورة برجس وهو يشب النار وارسلها بالقروب