ام دانه: يمه دانه امشي ويانه تروحين البيت اخوج يكول معتز
مابقه شي يبقيج هناا رجلج وتوفه يمه امشي ويانه
دانه:يمه انتي جاي تحجين هذواله امانه يمي ولا تكولين رجلي مات مامات اني واثقه من هذا الشي حساسي يمه ميخيب واهله اهلي يمه خليني هنااا
ام دانه:بنيتي يروحي لا تبقيبن بحلامج صارله سبوعين من ميت
دانه:خلاص يمه امانه عليج كافي والله تموتيني من هيج تحجين ماروح باقي هناا هذا مكاني بيت زوجي انتي اذا تريدين روحي اذا مستحيه من بابا
ام دانه:تبقين هناا خدامه شبيج ثواله انتي ضيعين حياتج هناا ماكو داعي من كعدتج هناا تخدمين الشياب
دانه:يمه من شوكت تحجين هيج ليش وين جنتوو من نطيتوني فصليه نسيتي لو ذكرج لا صيرين نانيه تالي عمرج اوك
ام دانه:يمه هذواله مادايمين الج
دانه:يمه محد دايم اي شخص كلنه نموت حته اني مادايم هياته زرفغار بعز شبابه راح اني تريدين ابقه عايشه خلاص كافي مو متت من يوم المات بي ابويه فتحت على الحب الكيت زرفغار مات ورح مات كلشي وياه طفه الحيات بعيوني محد دايم بابا وماما امانه يمي خلاهم حبيبي وحياتي زرفغار
ام دانه:كافي فطرتي كلبي بسوالفج ليش هين عليه من رحتي فصليه وهسه ترملتي اني اريدج تصحين الزمانج والمستقبلج لا ضيعين نفسج فتحي عيونج وشوفي البنات البعمرج بنت خالج مو مات رجاله وزوجت وهسه عايشه احسن منج
دانه:شبيج يمه نسي هذا الكلام الكلتي نسي اني اختلف عن بنات العالم راضي بقسمتي والحمدلله اي زمان واي مستقبل كلهن صارن جوه التراب محد يستاهل عيش علموده بعد
ام دانه :كافي اخوج يناديج امشي على يلاه هو يحجي وياج لان تعبتيني
دانه: منو معتز وين خلي يدخل هنااا
معتز:دزيت امي على دانه علمود ترجع ويانه البيت شفت حالته حاله حضنته وطاحت بحضني مثل الطفله يروح اخوج كومي
دانه:سندني يبعد طوالي حياتي دمرت كلشي راح ونهد حيلي
معتز : انطيج من حيالي يبنيتي ولا تكولين هيج اني يمج وياج شدي حيلج واكوفي على رجليج صيري قويه هاي بنيتي ربيته هيج
دانه: حبيبي راح عافني وراح ماخله عندي اي تذكار منه بس ذكريات التهد حيالي
معتز :الله يصبرج يبعد اخوج شهيد احمدي الله انو انتي زوجج شهيد هذا عنده مكانه عد رب العالمين وهاي سنت الحيات خيرنه ميتين كلنه نموت لا تعتضرين على حكم ربج
دانه:يعمري انتي عساني مانحرم منك يبعد اختك اموت عليك دامن انت الشخص التواسيني وتفتهمني اطلب منك طلب اريد ابقه يم بابا وماما خلاهم زرفغار يمي امانه وماكدر اعوفهم
