دانه : نمت وماحسيت بحضن زرفغار بعد روحي تعبانه وباجر عنده دوام واني كلش مقصره بواجبه ملابسه واكله وشربه مقصر ويا بس شسوي مجبوره علمود البيبي
ابو زرفغار: شيخه شلون دانه وحمله خماء تعبانه
ام زرفغار:الحمدلله زينه
ايو زرفغار:الحمدلله من رب العالمين جبر خاطره وعوضه
الله يتمم عليه ان شاء الله
ام زرفغار:امين يارب العالمين الف الحمدلله والشكر
اروح اشوفه واجي خاف محتاجه شي
ابو زرفغار: روحي لا تقصرين وياه بشي شنو تشتهي اجيبه اله
ام زرفغار:والله شيخ مامقصر اني وشهد وزرفغار كلشي تشتهي نجيبه اله
ابو زرفغار: اييي خطيه حرام تنسه اني حطلع الديوان وزرفغار اذا موجود خل يلحكني هو اسامه
ام زرفغار :حاضر شيخ يالك على نفسك
رحت على دانه كاعده وزرفغار نايم ها يمه خماء شي يوجعج جوعانه مشتهيه شي
دانه :هلا يمه لا حبيبتي كلشي مابيه ولا مشتهيه شي تسلمين يكلبي بس ضايجه لان نايمه
ام زرفغار: عادي يمه مابقه شي هانت بعد هذا التعب ان شاء الله ترتاحين يمه هذا نايم وابو ينادي عنده فصل اليوم
دانه:حبي اكعد بابا يناديك
زرفغار: انتو ولا تخلون واحد ينام مو باجر عندي دوام خلوني نايم من اجيت ولا رتاحيت ابد
ام زرفغار: انت ماتشبع نوم يلاه ابوك ينادك انت واخوك
زرفغار :روحي على اخويه شكو جايه عليه خلي اسامه يروح خل يكول البوي زرفغار عنده شغل
دانه: عنده فصل ماتكوم شنوو انت غيبوبه يلاه كافي كسل كوم
ام زرفغار:كعدي يمه يبين ماروح على هذا الغيبوبه الثاني 😂😂
دانه:حاضر يمه روحي
حبيبي كوم يلاه خطيه عمو
زرفغار:واني مو خطيه لعد حارمتني تره هم انسان وعندي احساس باجر عندي دوام وكعده من الصبح بسرعه خلصن 15يوم
دانه: اييي حبيبي اني مقدره هذا التعب يحبيبي انته بس عمو خطيه
يلاه حبيبي صاير تشلع الكلب
زرفغار: الصبر من الله حضريلي ملابسي
دانه: انت طلعهن اني ماكدر اكوم
زرفغار: والله هاي اجتج حجه تراج هاملتني هوايه مايكفي صار كم شهر ماماخذ حقي منج نوب حته على الملابس من توالدين حتمال مابقه بالغرفه الزكتهم بعلج اكعد عمي بقت على هاي
دانه: صاير نفسيه شبيك يلاه كوم البس. وطلع
زرفغار: صوجي مازوجت من توالدين اطلكه
