أنجـذام"باللهجة العراقية"

الآنجــذام الرابـع

بسـم الله الرحمـٰن الرحيـم♥.

الحمدُ لله حمداً تستـديم
به النعــــم

"انجـذام"

🔵بقلمـي ||قـُربان أحمـد.

⭕لاتنسون التصويت☆

~~~~~~~~~~~~~~~~~~~~~~~~~~~~~

كاعـده ارتب بملابسي لان اليوم راح اروح ويه ذاك الشخص الي يسمي نفسه ابوي

بعد مااطلعت النتيجة جانت متطابقة محد حجه ولا احد وضح الي الموضوع حتى اهلي خلصت يمهم شهر وراا الجلسة ومحد حجه ولا احد كعد وفهمني السالفة
كل الي اعرفه ذاك الرجال طلع ابوي وهمه بس بقوني
يمهم مؤقت

كملت لم ملابسي وماما ملار هم كاعدات يرتـبن بالجنط وياي

نزلتهن جواا وكعدت بالمطبخ منتظره ايطلعون من الاستقبال

ربع ساعه وصاحلي كرار طلعت بدون مااحجي وي احد حتى ماما وملار ما ودعتهن بوجهي صعدت للسيارة وهمه كاموا ينقلون بيهم

انفتح الباب وصعد بصفي ولد والي كدام جان الي على اساس ابوي و واحد ثاني مااعرفه بس شفته بالمحكمة وياهم

جان الطريق متعب وطويل لان جانوا ساكنين بااطراف بغداد واني هم ماجنت متعوده على الطريق الطويل

بعد مرور مااعرف كم ساعة وصلنه المكان مثل المزرعة اول ماانفتح الباب جان مكان واسع يتوسطه بيت قديم كلش البناء مالته حتى التصميم قديم وحوالي جانن ثلاث بيوت بنيانهم جديد

توقفت السيارة مقابيل البيت الجبير ونزلنه وكف الزلمه يفتح بالباب انتبهت للولد الجان كاعد بصفي راح للكرفان جان بزاوية وحوالي اشجار كثيفة

دخلت للبيت جان هادئ هدوء مو طبيعي عبالك بيت مسكون

سميت بسم الله ودخلت جان اول شي كعده تصير بالبداية بعدين باب ضخم بصفه ممر ضيك دخلنه من الممر للمطبخ جانت بنيه بمقتبل العمر كاعده ومخليه بحضنه بنيه زغيره

اول مادخلنه رفعت راسه وحجت بالامبالاة

: - الله يساعدكم

رد عليه الولد

: - ويساعدج ؛ جهزتي رتبتي غرفتهه؟؟

رفعت راسه باوعتلي بنظرات غريبة واردفت

: - لاا البارحه الشغل مو عليي واليوم على مرت عمي حامد

هز راسه وسكت

حسيت على ايد حاوطتني فزيت من مكاني بخوف

باوعت الزلمه الي يسمه ابوي

ابتسملي بطمأنينـه سحبت نفسي منه واني اباوع عليهم منظرهم يخوف وبيتهم عبالك مسكون حسيت نفسي داخله فلم رعب لان الوضع مو طبيعي